Connect with us

ព័ត៌មានជាតិ

សម្តេច ម៉ែន សំអន អំពាវនាវដល់គ្រប់សិល្បៈករ និងអ្នកច្នៃម៉ូតត្រូវពិនិត្យឲ្យបានល្អិតល្អន់តាមតម្រូវការទីផ្សារនៃទម្រង់ដើមសម្លៀកបំពាក់ខ្មែរ

បានផុស

នៅ

សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ បានធ្វើការអំពាវនាវដល់គ្រប់សិល្បៈករ និងអ្នកច្នៃម៉ូតត្រូវពិនិត្យឱ្យបានល្អិតល្អន់តាមតម្រូវការទីផ្សារនៃទម្រង់ដើមនៃសម្លៀកបំពាក់ខ្មែរពិសេសតាមប្រពៃណីទំនៀមទំលាប់បុរុមបុរាណជាតិខ្មែរ។ សម្តេចកិត្តិសង្គហបណ្ឌិត ម៉ែន សំអន ថ្លែងបែបនេះអញ្ជើញជាអធិបតីក្នុងពិធី « រាត្រីសមោសរសំពត់បត់ខ្មែរ » ដែលផ្តួចផ្តើមរៀបចំឡើងដោយក្រសួងវប្បធម៌ និងវិចិត្រសិល្បៈ នៅសាលសន្និសិទចតុមុខ រាជធានីភ្នំពេញ កាលពីរាត្រីថ្ងៃសៅរ៍ ៧រោច ខែមាឃ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី២ ខែមីនា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចកិត្តិសង្គហបណ្ឌិត ក៏បានថ្លែងនូវការកោតសសើរនិងវាយតម្លៃខ្ពស់ចំពោះសកម្មភាពនាថ្ងៃនេះ ដែលមិនត្រឹមតែឆ្លុះបញ្ចាំងឱ្យឃើញពីកិច្ចខិតខំថែរក្សានូវទម្រង់សម្លៀកបំពាក់បុរាណខ្មែរ កេរដំណែលដ៏អស្ចារ្យនៃបុព្វបុរសខ្មែរប៉ុណ្ណោះទេ ប៉ុន្តែជាការយកចិត្តទុកដាក់ខ្ពស់ដល់ការផ្សព្វផ្សាយ និងការជំរុញលើកទឹកចិត្តបណ្តុះគំនិតសំពត់បត់ខ្មែរ នៅក្នុងសង្គមខ្មែដល់ប្រជាជនទូទៅឱ្យជ្រាបកាន់តែច្បាស់ និងសម្រេចចិត្តប្រើប្រាស់កាន់តែច្រើន ដើម្បីរួមចំណែក ដល់ការពង្រឹងអត្តសញ្ញាណជាតិយើង។

សម្តេចកិត្តិសង្គហបណ្ឌិត បានបន្តទៀតថា វប្បធម៌បានបញ្ជាក់ពីឫសគល់នៃអរិយធម៌ដ៏ចំណាស់របស់ជាតិយើង ដូច្នេះការថែរក្សានិងអភិវឌ្ឍ និងលើកតម្កើងកេរដំណែលវប្បធម៌ដ៏ល្អឯកនេះ គឺជាភារកិច្ចរបស់កូនខ្មែរគ្រប់ៗរូប ដែលត្រូវយល់ឱ្យច្បាស់ពីប្រវត្តិ តម្លៃកេរដំណែល អត្ថន័យនៃសម្លៀកបំពាក់ របៀបរបបនៃការប្រើប្រាស់ទៅតាមពិធីនិងពេលវេលា ព្រមទាំងការចូលរួមផ្សព្វផ្សាយកម្រិតជាតិនិងអន្តរជាតិផងដែរ។ ទម្រង់ រចនាបទ ក្បាច់ និងរបៀបស្លៀកពាក់នៃសម្លៀកបំពាក់ប្រពៃណីខ្មែរយើង មានប្រវត្តិយូរលង់ណាស់មកហើយ ពោលគឺបានកើតមានមុនពេលដែលមនុស្សយើងបង្កើតតួអក្សរទៅទៀត។ ភស្តុតាងបុរាណវិទ្យា បានបង្ហាញឱ្យឃើញច្បាស់អំពីរបៀបរបបរស់នៅ សម្ភារប្រើប្រាស់ និងសម្លៀកបំពាក់បិទបាំងរាងកាយ របស់ជនជាតិខ្មែរយើងតាំងពីសម័យបុរេប្រវត្តិមក ព្រមទាំងមានតឹកតាងបន្ថែមតាមរយៈចម្លាក់តាមប្រាសាទនានា សិលាចារឹក ជាពិសេសតាមជញ្ជាំងប្រាសាទបាយ័ន បន្ទាយឆ្មារ អង្គរវត្តជាដើម ដែលជាកំណត់ត្រាដ៏ច្បាស់លាស់ នៃប្រភេទទម្រង់ រចនាបទ ក្បាច់ ប្រភេទអ្នកប្រើប្រាស់ និងពិធីនានា។

ដើម្បីជាការចូលរួមចំណែកក្នុងការលើកស្ទួយនូវសំពត់ខ្មែ សម្តេចកិត្តិសង្គហបណ្ឌិតក៏បានស្នើដល់
១.ក្រសួងវប្បធម៌ និងវិចិត្រសិល្បៈ គប្បីពង្រឹងការផ្សព្វផ្សាយ ក៏ដូចជាការបង្កើតឱ្យមានកម្មវិធីដូចពេលនេះឱ្យកាន់តែច្រើន ដើម្បីចៀសវាងនូវការយល់ច្រឡំនានាជាយថាហេតុមកលើ សម្លៀកបំពាក់ប្រពៃណីខ្មែរយើង។
២.គ្រប់សិល្បៈករ និងអ្នកច្នៃម៉ូតទាំងអស់ គួរពិនិត្យឱ្យបានល្អិតល្អន់ នូវការច្នៃប្រឌិតថ្មី កុំឱ្យប្រាសចាកពីលំនាំដើមនៃសម្លៀកបំពាក់ កុំតម្រូវខ្លាំងជ្រុលទៅតាមតម្រូវការទីផ្សារដែលនាំឱ្យប៉ះពាល់ដល់ទម្រង់ដើមនៃសម្លៀកបំពាក់យើង។

គួរំលឹកផងដែរ កម្មវិធីនេះមានរយៈ ពេល៣ថ្ងៃ ចាប់ពីថ្ងៃទី ១-៣ ខែមីនា ឆ្នាំ២០២៤ ដោយមានការតាំងពិព័ណ៌នូវផលិតផលដែលជាស្នាដៃរបស់ខ្មែផងដែរ៕

អត្ថបទ៖ វិមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង២ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ២ ម៉ោង មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ៣ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ៤ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៤ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ១៥ ម៉ោង មុន

Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា  

សេចក្ដីជូនដំណឹង២ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ជីវិតកម្សាន្ដ១៨ ម៉ោង មុន

ទេព បូព្រឹក្ស ប្រកាសដាក់បទ«ទេវរាជ» ប្រកួតពានរង្វាន់អន្តរជាតិ និងស្នើឱ្យទស្សនាបទនេះតាម YouTube វិញ

ព័ត៌មានជាតិ៧ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ១៦ ម៉ោង មុន

បង្ហើប​តម្លៃ​ស្នាក់នៅ​បន្ទប់​សណ្ឋាគារ​ប្រណិត​ឋានសួគ៌​បូកគោ​ នៅ​លើ​កំពូល​ភ្នំ​បូកគោ

Sokha Hotels

ព័ត៌មានពេញនិយម