Connect with us

ព័ត៌មានជាតិ

ការយល់ដឹង ឫសគល់ភាសាខ្មែរ ធ្វើឱ្យកូនខ្មែរប្រើប្រាស់ភាសា និងបង្កើតពាក្យថ្មីត្រឹមត្រូវ

បានផុស

នៅ

បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា មានប្រសាសន៍ថា ការយល់ដឹងពី ឫសគល់ នៃភាសាខ្មែរ នឹងធ្វើឱ្យកូនខ្មែរប្រើប្រាស់ភាសា និងឈានដល់បង្កើតពាក្យបានត្រឹមត្រូវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការថ្លែងនេះ ធ្វើឡើងក្នុងឱកាស រដ្ឋមន្ត្រី អញ្ជើញជាអធិបតីក្នុង កម្មវិធីប្រកាសលទ្ធផលជ័យលាភីថ្នាក់ជាតិ នៃការប្រឡងប្រជែង អាន ស្មូតកំណាព្យ និងតែងនិពន្ធពានរង្វាន់​ សម្តេចតេជោ ហ៊ុន សែន ដើម្បី អបអរសារទរទិវាជាតិអំណានលើកទី៩ (១១ មីនា) ២០២៤ ក្រោមប្រធានបទ អំណានជាមូលដ្ឋានគ្រឹះសម្រាប់ទាំងអស់គ្នាក្នុងជីវិត។

មានប្រសាសន៍ក្នុងឱកាសនេះ បណ្ឌិតសភាចារ្យ ឧបនាយករដ្ឋមន្ត្រី បានពន្យល់ពីការវិវឌ្ឍ នៃភាសាខ្មែរជាច្រើនជំនាន់ ទាំងការសរសេរ និងនិយាយ ដែលចាប់ផ្ដើមពីសិលាចារឹក ឥទ្ធិពល នៃសាសនាមកលើភាសា និងកំណើត នៃភាសាខ្មែរកណ្តាល ដែលជាការរួមសន្សំគ្នារវាង ភាសា៣ គឺ ភាសាសំស្ក្រឹត ភាសាខ្មែរចាស់ និង ភាសាបាលី ដោយសង្កត់ធ្ងន់ថា ការយល់ដឹងពី ឫសគល់ នៃភាសាខ្មែរ នឹងធ្វើឱ្យកូនខ្មែរប្រើប្រាស់ភាសាបានត្រឹមត្រូវ ក៏ដូចជាចូលរួមអភិរក្ស លើកស្ទួយភាសាជាតិយើងឱ្យរីកចម្រើន និងមានមូលដ្ឋានច្បាស់លាស់ក្នុងការអភិវឌ្ឍភាសាខ្មែរ ឬ ឈានទៅបង្កើតភាសាថ្មីៗ ឱ្យទាន់សម័យកាល។

ដើម្បីលើកកម្ពស់ភាសាខ្មែរ ក្រសួងអប់រំ យុវជន និងកីឡា បាន និងកំពុងអនុវត្តវិធានការជាកញ្ចប់ ដូចជា ១. វិធីសាស្ត្របង្រៀនថ្មី ២. បណ្តុះបណ្តាលគ្រូ ជ្រើសរើសគ្រូល្អៗ ៣. អនុវត្តកំណែទម្រង់សាលារៀន បង្កើតបណ្ណាល័យស្តង់ដា ជំរុញការអានឱ្យយល់ វិភាគស៊ីជម្រៅ ស្វែងរកគោលគំនិតរួម បង្កើតទម្លាប់អាន ឱ្យសប្បាយដើម្បីបង្កើនចំណេះដឹង ៤. កត្តាសិស្ស សិស្សត្រូវត្រៀមខ្លួន ក្នុងការរៀន និងត្រូវមានសុខភាពល្អ ៥. កត្តាឪពុកម្ដាយ៖ ត្រូវយកចិត្តទុកដាក់ជំរុញឱ្យកូនរៀន លើកទឹកចិត្តក្នុងការអាន ៦. ឱកាសក្នុងការបញ្ចេញស្នាដៃ៖ លើកទឹកចិត្ត ឱ្យបញ្ចេញស្នាដៃ តាមរយៈការលើកកម្ពស់ការតែងនិពន្ធ រៀបចំទិវាជាតិអំណាន ការប្រឡងប្រជែងផ្សេងៗ និងត្រូវមានការចូលរួមពីគ្រប់មជ្ឈដ្ឋានទាំងអស់។

គួរបញ្ជាក់ថា ទិវាជាតិអំណាន ត្រូវបានរៀបចំដោយ ក្រសួងអប់រំ យុវជន និង កីឡា សហការជាមួយស្ថាប័នពាក់ព័ន្ធ រដ្ឋបាលថ្នាក់ក្រោមជាតិ សង្គមស៊ីវិល អង្គការអន្តរជាតិ វិស័យឯកជន និងគ្រឹះស្ថានសិក្សានៅទូទាំងប្រទេស៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥៤ នាទី មុន

មន្ត្រីជាន់ខ្ពស់ការងារ ៖ ការអនុវត្តរបបសន្តិសុខសង្គមផ្នែកថែទាំសុខភាព​ដោយស្ម័គ្រចិត្ត ជួយរក្សាលំនឹងប្រាក់ចំណូលក្នុងគ្រួសារកាន់តែប្រសើរ

ព័ត៌មានអន្ដរជាតិ១ ម៉ោង មុន

រៀបការរួចមិនប៉ុន្មានថ្ងៃ បុរស​ ឥណ្ឌូណេស៊ី​ ម្នាក់ទើបដឹងថា ប្រពន្ធ​គឺជាប្រុសតែងកាយស្រី

ព័ត៌មានជាតិ២ ម៉ោង មុន

លោក នេត្រ ភក្ត្រា ៖ ស្នាមញញឹមកុមារជាស្នាមញញឹមមាតាបិតា និងថ្នាក់ដឹកនាំគ្រប់លំដាប់ថ្នាក់

ព័ត៌មានជាតិ២ ម៉ោង មុន

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជំរុញទឹកចិត្តប្រជាពលរដ្ឋទាំងអស់ ឱ្យចូលរួមចលនា ខ្មែរជួយខ្មែរ និងខ្មែរគាំទ្រកសិផលខ្មែរ

ព័ត៌មានអន្ដរជាតិ២ ម៉ោង មុន

Pre-Wedding លើកទី២លើនាវាប្រណិតរបស់កូនសេដ្ឋី ឥណ្ឌា អាចចាយប្រាក់សុទ្ធ ១៤៤ លានដុល្លារ

ព័ត៌មានជាតិ៨ ម៉ោង មុន

លោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ

ព័ត៌មានជាតិ២៣ ម៉ោង មុន

សម្ដេចធិបតី​ បញ្ជាឱ្យរៀបចំប្រកួតក្បាច់គុនល្បុកតោ គុនខ្មែរ ខម ស្រងែពែន​  ដើម្បីគាស់រំលើងក្បាច់គុនឡើងវិញ

ព័ត៌មានជាតិ២៣ ម៉ោង មុន

នាយករដ្ឋមន្ត្រី ឧបត្ថម្ភថវិកាសរុប៥០ម៉ឺនដុល្លារ ដល់សមាគមសិល្បករខ្មែរ​

កីឡា៧ ម៉ោង មុន

លើកនេះដាច់ស្រឡះ អេ អាំម៉ារីន ផ្តួល ឡុង សំណាង ទឹក២ គ្រងខ្សែក្រវាត់ KKF

ព័ត៌មានជាតិ២៤ ម៉ោង មុន

សម្ដេចធិបតី ណែនាំឱ្យសមាគមសិល្បករខ្មែរ​ ជួយចាស់ជរា ក្មេងកំព្រា   និងបន្តជួយទ្រទ្រង់ជីវភាពសិល្បករចាស់ជរា

Sokha Hotels

ព័ត៌មានពេញនិយម