ព័ត៌មានជាតិ
អំបុកខ្មែរជិតឈានសម្រេចនាំចេញទៅលក់នៅប្រទេសថៃ
អ្នកស្រី ញ៉ែម ច័ន្ទនី អគ្គនាយកក្រុមហ៊ុន «ហេង ច័ន្ទនី អង្គរមាស» បានឲ្យ «កម្ពុជាថ្មី» ដឹងថា សហគ្រាសរបស់លោកស្រីកំពុងត្រៀមនាំចេញអំបុកខ្មែរទៅកាន់ទីផ្សារប្រទេសថៃក្នុងពេលឆាប់ៗខាងមុខនេះ។
តាមគម្រោងអាចនឹងនាំចេញអំបុកទាំង ៥ ប្រភេទដែលមានផលិតក្នុងសហគ្រាស ដូចជា អំបុកសារាយសមុទ្រ, អំបុកផ្លែឈើចម្រុះ, អំបុកចែកបាត់ដំបង, អំបុកលាយគ្រឿង និងអំបុកធម្មជាតិ។ នេះបើតាមអ្នកស្រី ញ៉ែម ច័ន្ទនី។
បន្ថែមពីនេះក៏នៅមានត្រីទាំង៥ ប្រភេទ ដូចជា ត្រីឆ្ងាញ់ធម្មជាតិ, ត្រីឆ្ងាញ់ទន្លេសាប, ត្រីឆ្អើរបាត់ដំបង, ត្រីរសជាតិហិរ, ត្រីរសជាតិ ល្ង ជាដើម។ សរុបមានផលិតផលសហគ្រាសចំនួន ១៥ មុខក្នុងការនាំចេញ ប៉ុន្តែខាងក្រុមហ៊ុនថៃតម្រូវការប្រមាណ ១២ មុខប៉ុណ្ណោះ។
ទាក់ទងការច្នៃអំបុកទៅលក់នៅទីផ្សារខាងក្រៅ លោកស្រី ញ៉ែម ច័ន្ទនី បានឲ្យកម្ពុជាថ្មីដឹងថា ដោយសារគំនិតចង់អភិរក្សនូវប្រភេទអាហារដែលជាប្រពៃណីខ្មែរ ព្រោះលោកស្រីក៏ធ្លាប់ឃើញអាហារប្រពៃណីរបស់ប្រទេសដទៃ ដែលមានការនាំចេញដូចគ្នា ហើយប្រជាជនគេមានការគាំទ្រជាខ្លាំង ដូច្នេះក្នុងនាមជាកូនខ្មែរ លោកស្រីក៏បានចង់បានបែបនេះ ចង់ឃើញផលិតផលខ្មែរមានការគាំទ្រ។
ពេលមានមានប្រារព្ធពិធីដែលមានដាក់តាំងបង្ហាញពីអំបុកខ្មែរ លោកស្រីមើលឃើញថា ប្រជាពលរដ្ឋខ្មែរមិនសូវនិយមទទួលទានអំបុកនោះទេ គឺមានតិចតួចបំផុត។
យ៉ាងណាមិញ បើអគ្គនាយកក្រុមហ៊ុនក្រុមហ៊ុនរូបនេះ ប្រទេសជិតខាងកើតសរសើរនូវអំបុកខ្មែររបស់យើង។ គេថានៅអាស៊ី មិនទាន់ឃើញមានអំបុកល្អដូចនៅកម្ពុជាសោះ គេមិនដែលដឹងសោះ ថាកម្ពុជាអាចមានសមត្ថភាពផលិតបានអំបុកល្អ និងស្របតាមស្តង់ដារ អនាម័យល្អបែបនេះ។
ក្នុងការផលិតអំបុកនេះ អ្នកស្រី ញ៉ែម ច័ន្ទនី អះអាងថា សុទ្ធតែធ្វើតាមស្តង់ដារបច្ចេកទេសត្រឹមត្រូវដើម្បីផលិតឡើង មិនមែនចេះតែធ្វើៗតាមចិត្តចង់នោះទេ ប៉ុន្តែពាក់ព័ន្ធទៅនឹងចង្វាក់ផលិតកម្ម គឺសហគ្រាសនៅមានកម្រិតនៅឡើយដែលត្រូវការសិក្សាបន្ថែមទៀត។
ដើម្បីអាចនាំចេញទៅកាន់ទីផ្សារប្រទេសខាងក្រៅបានកាន់តែប្រើជាងនេះ ម្ចាស់សហគ្រាសលោកស្រី ញ៉ែម ច័ន្ទនី បានគូសបញ្ជាក់ថា លុះត្រាមានការចូលរួម និងសហការពីគ្រប់ភាគីពាក់ព័ន្ធ បូករួមទាំងគុណភាព សុវត្ថិភាពរបស់ផលិតផលផងដែរ។
ផលិតផលអំបុករបស់អ្នកស្រី ញ៉ែម ច័ន្ទនី ធ្វើចេញពីស្រូវ ពីអង្ករខ្មែរ មានច្រើនមុខនិងច្រើនរសជាតិមានលាយបញ្ចូលទាំង អំបុក ត្រី ល្ង គ្រាប់ធញ្ញជាតិ ដែលជួយមិនឲ្យឡើងគីឡូ ជាតិអាស៊ីដ ហើយបើនិយាយពីអំបុកផ្លែឈើវិញ មានទាំង ទំពាំងបាយជូ ស្វាយ ដំឡូង ល្ង នៅក្នុងកំប៉ុងតែមួយ ដោយមិនធ្វើឲ្យអ្នកទទួលទានមានផលប៉ះពាល់ដល់សុខភាពទេ និងជួយឲ្យសុខភាពល្អថែមទៀត។
ក្រៅពីប្រទេសថៃ អំបុកខ្មែរច្នៃចេញពីសហគ្រាសក្នុងខេត្តបាត់ដំបងរបស់អ្នកស្រី ញ៉ែម ច័ន្ទនី ក៏មានគម្រោងនាំចេញទៅកាន់ទីផ្សារប្រទេសអូស្ត្រាលី និងប្រទេសវៀតណាមបន្តទៀត៕
រដ្ឋមន្ត្រីបរិស្ថានកូរ៉េ ប្ដេជ្ញាជំរុញកិច្ចសហប្រតិបត្តិការលើវិស័យធនធានទឹកជាមួយកម្ពុជា
ក្រសួងការងារ ប្រារព្ធទិវាពិភពលោកដើម្បីសុវត្ថិភាព និងសុខភាពការងារនៅខេត្តព្រះសីហនុ
តុលាការកំពូល កម្ពុជា-ឡាវ ចាប់ដៃគ្នាចែករំលែកព័ត៌មានការបង្ក្រាបបទល្មើសឆបោកតាមអនឡាញ ជួញដូរមនុស្ស គ្រឿងញៀនឆ្លងដែន
ជនសង្ស័យម្នាក់ល្បួងរំលោភនារីម្នាក់បានសម្រេច ហើយលួចថតរូបគំរាមត្រូវអាវុធហត្ថឃាត់ខ្លួន
សម្ដេចតេជោ៖«ខ្ញុំមិនមែនត្រឹមតែកសាងប្រទេសពីបាតដៃទទេទេ រឿងអាស៊ានក៏ខ្ញុំចាប់ផ្ដើមពីលេខសូន្យដែរ ទោះបីមានឧបសគ្គ ក៏ខ្ញុំចូលអាស៊ានឱ្យបាន»
កម្ពុជា បន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់៤៥%
គម្រោងវិនិយោគ ហេដ្ឋារចនាសម្ព័ន្ធប្រព័ន្ធលូ ក្នុងរាជធានីភ្នំពេញ សម្រេចបានប្រមាណ ៨០%
ពលរដ្ឋខ្មែរម្នាក់ស្លាប់ដោយជំងឺមហារីករៀងរាល់៤០នាទីម្ដង
ត្រាំ បញ្ជាឲ្យបើកពន្ធនាគារល្បីឈ្មោះមួយឡើងវិញ ដើម្បីដាក់ឧក្រិដ្ឋជនសាហាវឃោរឃៅ
ត្រាំ ចេញមុខជម្រះមន្ទិលសង្ស័យ រឿងឈរឈ្មោះបោះឆ្នោតអាណត្តិទី៣
-
សន្តិសុខសង្គម៤ ថ្ងៃ agoស្គាល់អត្តសញ្ញាណអ្នកបើកបររថយន្តបង្កគ្រោះថ្នាក់ស្លាប់មនុស្ស ៤ នាក់ នៅស្រុកស្នួល
-
ព័ត៌មានជាតិ៣ ថ្ងៃ agoមណ្ឌលគិរី! ជន្លង់ម្រេចរបស់កសិករ ត្រូវបានសមត្ថកិច្ចរឹបអូសដោយពុំមានមូលហេតុ
-
ព័ត៌មានជាតិ១ សប្តាហ៍ agoបន្ថែមពីថវិកា៧០លានរៀល កុមារី ស៊ុន ស្រីតី ទទួលបានផ្ទះ ដីទំហំជាងកន្លះហិកតា ដែលដាំស្វាយរួចរាល់
-
ព័ត៌មានអន្ដរជាតិ២ ថ្ងៃ agoរុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ
-
សន្តិសុខសង្គម៤ ថ្ងៃ agoថៃបិទច្រកអានសេះ ដោយមិនជូនដំណឹងប្រាប់មុន
-
ព័ត៌មានអន្ដរជាតិ៤ ថ្ងៃ agoបាតុករថៃចេញតវ៉ា ខណៈគណៈកម្មាធិការព្រំដែនទូទៅកម្ពុជា-ថៃជួបប្រជុំនៅបាងកក
-
ព័ត៌មានជាតិ៤ ថ្ងៃ agoសមត្ថកិច្ចចាត់ទុកការចែកចាយលុយបង្កប់សារប្រឆាំងរដ្ឋជាសកម្មភាពបដិវត្តន៍ព័ណ៌ និងកំពុងចាត់វិធានការ
-
នយោបាយ៥ ថ្ងៃ agoសម្តេចធិបតី ហួសចិត្តដែលលោកស្រី មួរ សុខហួរ និងបក្ខពួកទៅសុំអឺរ៉ុបដាក់ទណ្ឌកម្ម ខណៈកម្ពុជាកំពុងប្រឈមការដំឡើងពន្ធពីអាមេរិក