ព័ត៌មានជាតិ
ឆ្នាំនេះ ក្រសួងអប់រំ គ្រោងបេក្ខជនជិត ៤ ពាន់នាក់ ដាក់ពាក្យសុំប្រឡងជ្រើសរើសអាហារូបករណ៍ទៅសិក្សានៅបរទេស
ក្រសួងអប់រំ យុវជន និងកីឡា គ្រោងបេក្ខជនចំនួន ៣ ៨០០ នាក់ ដើម្បីដាក់ពាក្យសុំប្រឡងជ្រើសរើសអាហារូបករណ៍ទៅសិក្សានៅបរទេស ខណៈឆ្នាំនេះ ក្រសួង គ្រោងជ្រើសរើសនិស្សិតអាហារូបករណ៍ប្រមាណជាង ៣០០ នាក់។
លោកស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា បានមានប្រសាសន៍នៅថ្ងៃទី ០២ មេសា នេះថា សម្រាប់ឆ្នាំ ២០២៤ នេះ ក្រសួងអប់រំ នឹងបញ្ជូននិស្សិតអាហារូបករណ៍ប្រមាណ ៣០២ នាក់ ទៅបន្តការសិក្សានៅបរទេសតាមបណ្តាប្រទេសនានាជាមិត្តរួមមាន ប្រទេសចិន បានផ្ដល់អាហារូបករណ៍កម្រិតក្រោយឧត្ដមសិក្សាចំនួន ៧០ នាក់ និងកម្រិតបរិញ្ញាបត្រ ២០ នាក់។
ប្រទេសជប៉ុន បានផ្ដល់អាហារូបករណ៍កម្រិតក្រោយឧត្តមសិក្សា ឧត្តមសិក្សា មធ្យមសិក្សា និងជំនាញបច្ចេកទេសវិជ្ជាជីវៈចំនួន ៥០ នាក់ និងសម្រាប់ការស្រាវជ្រាវចំនួន ៥ នាក់។ ចំណែកប្រទេសហុងគ្រី បានផ្ដល់អាហារូបករណ៍កម្រិតក្រោយឧត្តមសិក្សា និងឧត្តមសិក្សាចំនួន ៣០ នាក់។ ប្រទេសគូបា បានផ្ដល់អាហារូបករណ៍កម្រិនឧត្តមសិក្សា ២ នាក់ ប្រទេសវៀតណាម បានផ្ដល់អាហារូបករណ៍កម្រិតបរិញ្ញាបត្រ ១០០ នាក់ ប្រទេសឡាវ បានផ្ដល់អាហារូបករណ៍កម្រិតបរិញ្ញាបត្រ ១៥ នាក់ និងប្រទេសថៃ បានផ្ដល់អាហារូបករណ៍កម្រិតបណ្ឌិត បរិញ្ញាបត្រជាន់ខ្ពស់ និងបរិញ្ញាបត្រចំនួន ១០ នាក់។
លោកស្រី បានបន្តថា អាហារូបករណ៍ទាំងនេះមិនរាប់បញ្ចូលផ្សេងៗ ទៀត ដែលស្ថាប័ន ក៏ដូចជាប្រទេសមួយចំនួនផ្តល់ដោយជ្រើសរើសខ្លួនឯង និងមិនបូកបញ្ចូលហិរញ្ញប្បទានដែលក្រសួងអប់រំយុវជន និងកីឡា ផ្តល់តាមរយៈស្ថានទូតបារាំងនោះទេ។
លោកស្រី លើកឡើងថា ក្រសួងអប់រំ ស្វាគមន៍ និងថ្លែងអំណរគុណ ចំពោះកិច្ចសហការវិជ្ជមានពីគ្រប់ភាគីពាក់ព័ន្ធក្នុងការផ្តល់ឱកាសអាហារូបករណ៍ ដើម្បីចូលរួមចំណែកការងារកំណែទម្រង់អប់រំ យុវជន និងកីឡា ព្រោះឱកាសអាហារូបករណ៍ឆ្លើយតបទៅនឹងការអប់រំពលរដ្ឋសកល ដែលមានបំណងចូលរួមពង្រឹងសមត្ថភាពសិស្ស-និស្សិតគ្រប់កម្រិត ឱ្យក្លាយជាពលរដ្ឋសកលមានចរិយាសម្បទា វិជ្ជាសម្បទា បំណិនសម្បទា និងគុណតម្លៃ ឆ្លើយតបនឹងបរិបទជាតិ តំបន់ និងពិភពលោក។
លោកស្រី បន្តឱ្យដឹងទៀតថា ជាងនេះទៀត ឱកាសអាហារូបករណ៍ទាំងអស់ដែលសិស្ស-និស្សិតកម្ពុជាទទួលបាន មានតួនាទីសំខាន់មួយក្នុងការចូលរួមលើកកម្ពស់គុណភាពមូលធនមនុស្សដែលចូលរួមអភិវឌ្ឍន៍សេដ្ឋកិច្ចកម្ពុជាលើគ្រប់វិស័យនាពេលបច្ចុប្បន្ន និងអនាគត។
ក្រសួងអប់រំ យុវជន និងកីឡា តែងតែផ្សព្វផ្សាយជាសាធារណៈ និងលើកទឹកចិត្តសិស្ស-និស្សិតស្ដីពី ឱកាសអាហារូបករណ៍ជាតិ តំបន់ និងអន្តរជាតិ តាមយន្តការមានស្រាប់របស់ក្រសួង សហការជាមួយក្រសួង-ស្ថាប័ន គ្រឹះស្ថានសិក្សាពាក់ព័ន្ធ ជាពិសេសគ្រឹះស្ថានឧត្តមសិក្សាក្នុងប្រទេសកម្ពុជា និងប្រទេសជាមិត្ត។ ក្រៅពីនេះមានផ្សព្វផ្សាយជូនសិស្សានុសិស្សទាំងអស់នៅទូទាំងរាជធានី-ខេត្តទាំង ២៥ តាមយន្តការផ្សេងៗ ដូចជា បណ្តាញសង្គម Facebook ផ្លូវការរបស់ក្រសួងអប់រំ និងមន្ទីរ យុវជន និងកីឡា មន្ទីរអប់រំ យុវជន និងគ្រឹះស្ថានសិក្សាជាដើម។
គួរបញ្ជាក់ថា នៅក្នុងឆ្នាំ ២០២៣ ក្រសួងអប់រំ យុវជន និងកីឡា បានប្រឡងជ្រើសរើសនិស្សិតអាហារូបករណ៍ទៅសិក្សានៅបរទេសសរុបចំនួន ៦៧២ នាក់ ហើយបើចាប់ពីឆ្នាំ ១៩៨០ ដល់ឆ្នាំ ២០២០ កម្ពុជា បានបញ្ជូននិស្សិតអាហារូបករណ៍ទៅសិក្សានៅតាមបណ្តាប្រទេសផ្សេងៗ ចំនួន ៣២ ប្រទេស សរុបចំនួន ១៩ ៥៤៦ នាក់ ក្នុងនោះស្រីចំនួន ៤ ២២៨ នាក់៕
អត្ថបទ ៖ សំអឿន
ទីតាំងហាងកាហ្វេជាង៩០កន្លែង ត្រូវសមត្ថកិច្ចធ្វើសកម្មភាពចុះឆែកជាបន្តបន្ទាប់ក្នុងខេត្តកំពង់ចាម
មណ្ឌលប្រឡងភ្នំពេញ មានបេក្ខជនប្រឡងជាប់ឌីប្លូមជាង១ម៉ឺន៥ពាន់នាក់ ស្មើនឹងជាង៩០%
គណៈបញ្ជាការឯកភាពរដ្ឋបាលខេត្តមណ្ឌលគិរី ចុះបង្ក្រាបទីតាំងអនឡាញមួយកន្លែង ឃាត់ជនសង្ស័យ១៤៩នាក់
សម្ដេចពិជ័យសេនា ទៀ បាញ់ អញ្ជើញពិនិត្យវឌ្ឍនភាពការសាងសង់ស្តូបអនុស្សាវរីយ៍នយោបាយឈ្នះឈ្នះ នៅខេត្តប៉ៃលិន
រដ្ឋមន្ត្រីព័ត៌មានថៃ និងតំណាង មិនហ៊ានមកចូលរួមកិច្ចប្រជុំនៅកម្ពុជា ដែលជជែកពីបញ្ហាព័ត៌មានក្លែងក្លាយ និងបញ្ញាសិប្បនិមិត្ត
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ
លិខិតមិត្តអ្នកអាន៖ ការនាំយកសំណុំរឿងទាហានថៃជាន់មីននៅតំបន់មុំ៣ទៅប្តឹងអង្គការ សហប្រជាជាតិគឺជាឱកាសមាសសម្រាប់កម្ពុជា
-
ព័ត៌មានអន្ដរជាតិ១ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៦ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ១៥ ម៉ោង agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ១ សប្តាហ៍ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ