ព័ត៌មានជាតិ
មន្ទីរកសិកម្មស្ទឹងត្រែង បង្កើតសហគមន៍កសិកម្មស្វាយចន្ទី លើកកម្ពស់សេដ្ឋកិច្ចគ្រួសារកសិករ
សហគមន៍កសិកម្មស្វាយចន្ទីស្ទឹងត្រែងត្រូវបានមន្ទីរកសិកម្ម រុក្ខាប្រមាញ់ និងនេសាទ បង្កើតឡើងដើម្បីលើកកម្ពស់បង្កើនគុណភាពផលិតផលនាំចេញទៅកាន់ទីផ្សារ និងឈានទៅរួមគ្នាចិញ្ចឹមសត្វបន្ថែមទៀត សម្រាប់ផ្គត់ផ្គង់ទីផ្សារក្នុងស្រុក។
![](https://www.kampucheathmey.com/wp-content/uploads/2024/04/434140918_7707192019311945_9057636147970834209_n-1024x768.jpg)
លោក ទុំ នីរ៉ូ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តស្ទឹងត្រែងបានបញ្ជាក់ថា៖ ការបង្កើតសហគមន៍ស្វាយចន្ទី ជាជំហានថ្មីមួយទៀតនេះ បាននាំបងប្អូនកសិករយើងឆ្ពោះទៅរកភាពរីកចម្រើន តាមរយៈរួមគ្នាចូលជាសហគមន៍ ក្រោមការគាំទ្រពីថវិកា ដោយកម្មវិធីគាំទ្រសេដ្ឋកិច្ចជនបទ និងពាណិជ្ជកម្មផលិតផលកសិកម្ម (ASPIRE AT)។
លោកបន្តថា៖ ចំពោះការបង្កើតសហគមន៍កសិកម្មចន្ទីនេះឡើង ក្នុងគោលបំណងប្រមូលកសិករដែលផលិតនៅផលិត កម្មដូចគ្នាចូលជាក្រុម ដើម្បីងាយស្រួលទទួលបានបច្ចេកទេសពីមន្ត្រីជំនាញ ហើយមានសមត្ថភាពក្នុងការចរចាតម្លៃ ទិញកសិផលជាមួយឈ្មួញ គាត់មានលក្ខណៈងាយស្រួលក្នុងអំណាចនៃការចរចាជាមួយនឹងឈ្មួញប្រមូលទិញ ឬក៏ក្រុមហ៊ុនជាពិសេសគឺការសម្រិតសម្រាំង និងពង្រឹងនូវគុណភាពផលិតកម្មរបស់ពួកខ្លួន ដើម្បីប្រកួតប្រជែងនៅក្នុងទីផ្សារ ទន្ទឹមជាមួយគ្នាដែរ ក្រៅពីផលិតកម្មដំណាំកសិករ ឬក៏សហគមន៍ផ្ដោតផងដែរ ទៅលើការចិញ្ចឹមសត្វ ដូចជា មាន់ ទា ជាច្រើនទៀត ដែលមានតម្រូវការប្រចាំថ្ងៃនៅលើទីផ្សារ ដើម្បីបង្កើននូវចំណូលសេដ្ឋកិច្ចក្នុងគ្រួសារនីមួយៗផងដែរ។
![](https://www.kampucheathmey.com/wp-content/uploads/2024/04/photo_2024-04-03_08-40-17-1024x768.jpg)
លោក ស្រី ស៊ុនណារី រស់នៅសង្កាត់ស្ទឹងត្រែង ទទួលបានការបោះឆ្នោតជាប្រធានសហគមន៍កសិករចន្ទីស្ទឹងត្រែង បានគាំទ្រដល់មន្ទីរកសិកម្មរុក្ខាប្រមាញ់និងនេសាទ ដែលបានរៀបចំបង្កើតសហគមន៍ដាក់ឈ្មោះឱ្យជាសហគមន៍ស្វាយចន្ទីស្ទឹងត្រែង សម្រាប់ផ្តល់លទ្ធភាព បានឱ្យពួកគាត់រួមគ្នាដឹកនាំ និងលើកតម្កើងតម្លៃផលិតកម្មដំណាំស្វាយចន្ទី។
លោកស្រីប្តេជ្ញាខិតខំសហការគ្នាជំរុញឱ្សសហគមន៍មានភាពរីកចម្រើន ដោយរួមគ្នាអនុវត្តតាមល័ក្ខន្តិកៈរបស់សហគមន៍ ធ្វើឱ្យផលិតកម្មស្វាយចន្ទីស្ទឹងត្រែង មានទីផ្សារត្រឹមត្រូវ និងមានលទ្ធភាពអាចនាំចេញទៅកាន់ទីផ្សារដោយសហគមន៍ខ្លួនឯង ដើម្បីលើកកម្ពស់ប្រាក់ចំណូលក្នុងសហគមន៍ឈានទៅកែប្រែជីវភាពរស់នៅ ឱ្យបានកាន់តែប្រសើរឡើង។
សូមញ្ជាក់ថា៖ ខេត្តស្ទឹងត្រែង មន្ទីរកសិកម្ម រុក្ខា ប្រមាញ់ និងនេសាទបង្កើតសហគមន៍កសិកម្មបានចំនួន ១៧មកហើយ ដែលមានសមាជិកសរុប ១.៤២៣នាក់ ក្នុងនោះមានថ្នាក់ដឹកនាំសហគមន៍១៣៧នាក់ ហើយនៅឆ្នាំ២០២៤នេះគ្រោងបង្កើតបន្ថែមឱ្យបានចំនួន២១សហគមន៍ទៀតនៅក្នុងទូទាំងខេត្ត ដើម្បីផ្តល់លទ្ធភាព និងពង្រឹងសមត្ថភាពជូនទៅកសិករ៕
![](https://www.kampucheathmey.com/wp-content/uploads/2024/04/434139565_7707191615978652_3900856633327938688_n-768x1024.jpg)
អត្ថបទ៖ ងិនលីម
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ