សេដ្ឋកិច្ច

ឆ្នាំ២០២៥ បាត់ដំបង ប្រមូលផលស្វាយចន្ទី បានជាង ៦ ពាន់តោន

បានផុស

៦ ខែ មុន

នៅ

ថ្ងៃចន្ទ ៥ មករា ២០២៦

ដោយ

លោក ឈឹម វជិរា ប្រធានមន្ទីកសិកម្ម រុក្ខាប្រមាញ់ និងនេសាទ បានឱ្យ «កម្ពុជាថ្មី» ដឹងនៅថ្ងៃទី០៥ ខែមករា នេះថា ការប្រមូលផលស្វាយចន្ទី នៅក្នុងខេត្តបាត់ដំបង សម្រាប់រយៈពេល ១ ឆ្នាំពេញ នៃឆ្នាំ២០២៥ ទទួលបានទិន្នផលសរុបប្រមាណជាង ៦ ពាន់តោន កើនឡើងលើសឆ្នាំមុន ២,៣៨៥ តោន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមតារាងស្ថិតិដំណាំឧស្សាហកម្ម និងសាវប្បកម្ម (រយៈពេលវែង) ប្រចាំឆ្នាំ២០២៥ បានគូសបញ្ជាក់ឱ្យដឹងថា នៅក្នុង ១០ ក្រុង-ស្រុក នៃខេត្តបាត់ដំបងមានផ្ទៃដីដាំដុះស្វាយចន្ទីសរុបជាង ៧ ពាន់ហិតា (៧,៣៩៩ ហិតា)។ ក្នុងនោះ ផ្ទៃដីប្រមូលមានសរុបជាង ៤ ពាន់ហិតា (៤,៨៦៧ ហិតា) ដោយជាមធ្យមទទួលបានជាង ១ តោន (១.២៩៦ តោន/ហិតា) និងទទួលបានបរិមាណផលសរុបជាង ៦ តោន ( ៦,៣០៩ តោន)។

ជាក់ស្តែងសម្រាប់តួរលេខនៃឆ្នាំ២០២៥ នេះ ឃើញថាមានការកើនឡើងបើប្រៀបធៀបទៅនឹងរយៈពេលដូចគ្នាកាលពីឆ្នាំ២០២៤ ដោយកាលពីឆ្នាំមុនផ្ទៃដីដាំដុះមានតែជាង ៣ ពាន់ហិតា (៣,៨៣២ ហិតា) ក្នុងនោះផ្ទៃដីប្រមូលផលមានជាង ៣ ពាន់ហិតា ( ៣,១៣៩ ហិតា) ទទួលបានទិន្នផលប្រមាណជាង ១ ពាន់តោន/ហិតា (១.២៥០ តោន/ហិតា) និងទទួលបានបរិមាណផលសរុបជាង ៣ ពាន់តោន (៣,៩២៤ តោន)។

សូមជម្រាបថា ១០ ក្រុង-ស្រុក នៅក្នុងខេត្តបាត់ដំបង ដែលមានដាំដុះស្វាយចន្ទី មានដូចជា បាណន់ មានផ្ទៃដីដាំដុះ ៥២ ហិតា, ម៉ោងឬស្សី មានផ្ទៃដីដាំដុះ ៦ ហិតា, រតនៈមណ្ឌល មានផ្ទៃដីដាំដុះ ៦៨៩ ហិតា, សំឡូត មានផ្ទៃដីដាំដុះ ៥៦០ ហិតា, សំពៅលូន ៥ ហិតា, ភ្នំព្រឹក ២០ ហិតា, កំរៀង ៤២០ ហិតា, គាស់ក្រឡ ៦៥០ ហិតា និងរុក្ខគិរី ៤៧៦ ហិតា៕