ព័ត៌មានជាតិ

៣ ខែដើមឆ្នាំ ២០២៤ ការនាំទំនិញចេញពីកម្ពុជាមានទំហំធំជាងការនាំចូល

បានផុស

២១ ម៉ោង មុន

នៅ

ថ្ងៃព្រហស្បតិ៍ ១៨ មេសា ២០២៤

ដោយ

ទិន្នន័យពីអគ្គនាយកដ្ឋានគយនិងរដ្ឋាករបានបង្ហាញថា ក្នុងរយៈពេល ៣ ខែ ដើមឆ្នាំ ២០២៤ ទំហំពាណិជ្ជកម្មនាំចេញរបស់កម្ពុជាមានទំហំប្រមាណ ៦,២៦ ពាន់លានដុល្លារ កើនឡើង ១៨ ភាគរយ បើប្រៀបធៀបរយៈពេលដូចគ្នាក្នុងឆ្នាំ ២០២៣ ខណៈការនាំចូលវិញមានទំហំប្រមាណ ៦.២៣ ពាន់លានដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមទិន្នន័យ ទំហំពាណិជ្ជកម្មរបស់កម្ពុជានិងទីផ្សារអន្តរជាតិ ក្នុងរយៈពេល ៣ ខែ ពីខែមករា ដល់ខែ មីនា សម្រេចបានជាង ១២.៤៩ ពាន់លានដុល្លារ កើនឡើង១១.៩%។

ប្រទេសគោលដៅសំខាន់ៗសម្រាប់ការនាំទំនិញចេញពីកម្ពុជាមាន សហរដ្ឋអាមេរិកដែលមានតម្លៃជិត ២ ពាន់លានដុល្លារ វៀតណាមមានជិត ១ ៤០០ លានដុល្លារ ចិនមានជាង ៣៦៦ លានដុល្លារ ជប៉ុនមានជាង ៣៦៥ លានដុល្លារ និងថៃមានជាង ២៨៥ លានដុល្លារ។

ទំនិញសំខាន់ៗដែលកម្ពុជានាំចេញមានដូចជា សម្លៀកបំពាក់និងគ្រឿងបន្ទាប់បន្សំដែលធ្វើឡើងពីក្រណាត់មានតម្លៃជាង ២ ពាន់លានដុល្លារ, ផ្លែឈើ និងគ្រាប់ផ្លែឈើដែលអាចបរិភោគបានមានជាង ៤០៧ លានដុល្លារ, ធញ្ញជាតិមានជាង ៧១០ លានដុល្លារ, វត្ថុធ្វើពីស្បែក និងបរិក្ខារធ្វើពីរោមសត្វមានជាង ៤៤៨ លានដុល្លារ។

ដោយឡែកទំនិញនាំចូលសំខាន់ៗមានដូចជា រ៉ែប្រើជាគ្រឿងចំហេះ ប្រេងខនិជ និងផលិតផលពីការចម្រាញ់, ផលិតផលបានពីការចាក់ដោយម្ជុល រួមទាំងម៉ាស៊ីននិងឧបករណ៍អគ្គិសនីជាដើម៕