ព័ត៌មានជាតិ

ឃាត់ខ្លួនជនជាតិបារាំងញៀនថ្នាំម្នាក់ ដកហូតអាវុធពីរដើម

បានផុស

៤ years មុន

នៅ

ថ្ងៃពុធ ២៤ កុម្ភៈ ២០២១

ដោយ

កម្លាំងសមត្ថកិច្ចចម្រុះ ធ្វើការឃាត់ខ្លួនជនជាតិបារាំងញៀនថ្នាំម្នាក់ ដកហូតអាវុធខុសច្បាប់២ដើម និងបំផ្លិចបំផ្លាញទ្រព្យអ្នកដ៏ទៃ។

សូមបញ្ជាក់ថា ដោយទទួលបានបទបញ្ជាពីលោក ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី២៣ ខែកុម្ភៈ ឆ្នាំ២០២១ ការិយាល័យស៊ើបអង្កេត និងអនុវត្តនីតិវិធី នៃផែនការងារអន្តោប្រវេសន៍ បានសហការជាមួយកម្លាំងជំនាញនៃអធិការដ្ឋាននគរបាល ខណ្ឌជ្រោយចង្វារ ឃាត់ខ្លួនជនជាតិបារាំងម្នាក់ រឹបអូសអាវុធ២ដើមនិងវត្ថុតាងមួយចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការឃាត់ខ្លួននេះបានធ្វើឡើងនៅចំណុចក្នុងបុរីសុភមង្គល ផ្ទះជួលលេខH12B ផ្លូវជាតិលេខ៦ សង្កាត់ជ្រោយចង្វារ ខណ្ឌជ្រោយចង្វារ ករណីស្នាក់នៅខុសច្បាប់ ប្រើប្រាស់ដោយខុសច្បាប់នូវសារធាតុញៀន ប្រើប្រាស់អាវុធដោយខុសច្បាប់ និងបំផ្លិចបំផ្លាញទ្រព្យអ្នកដ៏ទៃ។

ជនជាតិបារាំង សង្ស័យឈ្មោះ BAUDRY SEBASTIEN ភេទប្រុស អាយុ៤៣ឆ្នាំស្នាក់នៅទីតាំងកើតហេតុខាងលើ ។

បច្ចុប្បន្នកម្លាំងជំនាញ បានបញ្ជូនជនជាតិបារាំងទៅវិទ្យាស្ថានជាតិសុខភាពសាធារណៈ ដើម្បីពិនិត្យរកមេរោគឆ្លងកូវីដ-១៩ និងឃាត់ខ្លួននៅអធិការដ្ឋាននគរបាលខណ្ឌជ្រោយចង្វារបណ្តោះអាសន្ន ដើម្បីរង់ចាំលទ្ធផល និងចាត់ការបន្តតាមនីតិវិធីច្បាប់៕

អត្ថបទ ៖ ឌីរៀ