Connect with us

ព័ត៌មានជាតិ

រដ្ឋមន្រ្តីក្រសួងព័ត៌មាន គាំទ្រដំណើរការសមាគមសហគ្រិនសារព័ត៌មានសេដ្ឋកិច្ចកម្ពុជា

បានផុស

នៅ

រដ្ឋមន្រ្តីក្រសួងព័ត៌មានលោក នេត្រ ភត្រា  បានបង្ហាញការគាំទ្រ និងវាយតម្លៃខ្ពស់ចំពោះការបង្កើតសមាគមសហគ្រិន សារព័ត៌មានសេដ្ឋកិច្ចកម្ពុជា(CEMEA)។ លោករដ្ឋមន្រ្តីបានថ្លែងបែបនេះ ក្នុងឱកាសដែលលោកអនុញ្ញាតឲ្យថ្នាក់ដឹកនាំសមាគមសហគ្រិនសារព័ត៌មានសេដ្ឋកិច្ចកម្ពុជាចូលជួបសម្តែងការគួរសម និងសុំអនុសាសន៍ណែនាំ នារសៀលថ្ងៃទី១៥ ខែឧសភានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានសមាគមសហគ្រិនសារព័ត៌មានសេដ្ឋកិច្ចកម្ពុជា លោកយិន លាងគង់ បានជម្រាបជូនលោករដ្ឋមន្រ្តីថា សមាគមទើបបង្កើតឡើងបានរយៈពេលប្រមាណ២ខែ បន្ទាប់ពីទទួលច្បាប់អនុញ្ញាត្តពីក្រសួងមហាផ្ទៃ ប៉ុន្តែសមាគមបាន និងកំពុងដំណើរការយ៉ាងសកម្មលើការផ្សព្វផ្សាយព័ត៌មានសេដ្ឋកិច្ចជាតិ អន្តរជាតិ ជាបីភាសា គឺភាសាខ្មែរ ភាសាអង់គ្លេស និងភាសាចិនយ៉ាងទូលំទូលាយ។

លោកបានជម្រាបជូនលោករដ្ឋមន្រ្តីថា សមាគមនេះ បង្កើតឡើងដើម្បីគាំទ្រគោលនយោបាយរបស់រដ្ឋាភិបាលលើវិស័យសេដ្ឋកិច្ចដោយធ្វើយ៉ាងណាសមាគមនេះ អាចផ្សព្វផ្សាយព័ត៌មានសេដ្ឋកិច្ចជាតិ អន្តរជាតិឱ្យមានលក្ខណៈស៊ីជម្រៅ ដល់មជ្ឈដ្ឋានជាតិ និងអន្តរជាតិ ពិសេសសមាគមចង់រួមចំណែក បណ្តុះបណ្តាលធនធានមនុស្សផ្នែកសរសេរ វិភាគព័ត៌មានសេដ្ឋកិច្ចផងដែរ។

ជាការឆ្លើយតបលោកនេត្រ ភត្រា រដ្ឋមន្រ្តីក្រសួងព័ត៌មានបានបង្ហាញការវាយតម្លៃខ្ពស់ ចំពោះការបង្កើតសមាគមនេះឡើង ដោយលោកចាត់ទុកថា វាជាគំនិតដ៏ល្អមួយ ដែលត្រូវរួមគ្នាផ្តោតលើព័ត៌មានសេដ្ឋកិច្ច ជាជាងរឿងបែប Drama ផ្សេងៗ។

លោករដ្ឋមន្រ្តីបានផ្តល់អនុសាសន៍ ដោយឲ្យថ្នាក់ដឹកនាំសមាគមពិចារណា លើការសរសេរព័ត៌មានសេដ្ឋកិច្ច ដែលអាចផ្សារភ្ជាប់នឹងជីវភាពប្រចាំថ្ងៃរបស់ប្រជាពលរដ្ឋ។ ឧទាហរណ៍ដូចជាតម្លៃទំនិញលើទីផ្សារត្រី សាច់ជ្រូក តម្លៃប្រាក់ដុល្លារ ជាមួយប្រាក់រៀល តម្លៃមាស ជាដើម។

លោកបញ្ជាក់ថា “អ្នកសារព័ត៌មានខ្លះ មានការយល់ច្រឡំថា ទាល់តែសរសររព័ត៌មាន ដែលបានសម្ភាសន៍ជាមួយឧបនាយករដ្ឋមន្រ្តីទើបជារឿងល្អ នោះជាការភ័ន្តច្រឡំមួយ”។ លោកបន្តថា “បច្ចុប្បន្ននៅកម្ពុជា មានសារព័ត៌មាន អនឡាញប្រមាណ១០០០ មានអ្នកប្រើTik Tok ប្រមាណ១០លាននាក់ អ្នកប្រើFacebook ចំនួន១៣លាននាក់ ហេតុនេះ ការផ្តោតលើព័ត៌មាន ត្រូវតែលឿន រហ័ស មានគុណភាព និងអាចទុកចិត្តបានសម្រាប់សាធារណៈជន។

ជាមួយគ្នានេះ លោកនេត្រ ភត្រា ក៏បានបង្ហាញការគាំទ្រ ដល់សមាគមសហគ្រិនសារព័ត៌មានសេដ្ឋកិច្ចកម្ពុជា ដើម្បីរៀបចំបណ្តុះបណ្តាលធនធានមនុស្ស ផ្នែកសារព័ត៌មានផ្នែកសេដ្ឋកិច្ចឲ្យបានច្រើនផងដែរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥៣ នាទី មុន

នាយករងវិទ្យាស្ថានជាតិវិជ្ជាជីវៈបាត់ដំបងអះអាង ចុះឈ្មោះរៀនជំនាញ បានទាំង​ចំណេះ និង​ថវិកា

ព័ត៌មានជាតិ៥៤ នាទី មុន

ឯកឧត្ដម ហ៊ុន ម៉ានី ៖ គម្រោងព្រែកជីកហ្វូណនតេជោ ឈរលើការ​តម្កល់ផលប្រយោជន៍ជាតិ និងប្រជាជនជាចម្បង

ព័ត៌មានជាតិ១ ម៉ោង មុន

 ទិន្នន័យសង្ខេប និងការវិភាគប្រចាំថ្ងៃរបស់ផ្សារមូលបត្រកម្ពុជា សម្រាប់ថ្ងៃទី១៦ ខែឧសភា ឆ្នាំ២០២៤

ព័ត៌មានជាតិ២ ម៉ោង មុន

ទៅកូរ៉េ លោក ស៊ុន ចាន់ថុល ជួប​មេ​​​ក្រុមហ៊ុនកូរ៉េ​ធំៗ​ចំនួន ៩ ដើម្បី​ជំរុញការវិនិយោគនៅកម្ពុជា

ព័ត៌មានអន្ដរជាតិ២ ម៉ោង មុន

Microsoft ស្នើឲ្យបុគ្គលិកនៅ ចិន ផ្ទេរការងារចេញទៅប្រទេសផ្សេង

Sokha Hotels

ព័ត៌មានពេញនិយម