ព័ត៌មានជាតិ

លុបចោលពិធីហែអ្នកតាឆ្នាំនេះ ខ្លាចឆ្លងមនុស្សរាប់ពាន់នាក់

បានផុស

៥ years មុន

នៅ

ថ្ងៃព្រហស្បតិ៍ ២៥ កុម្ភៈ ២០២១

ដោយ

ពិធីហែអ្នកតា ដែលតែងតែរៀបចំជារៀងរាល់ឆ្នាំ ត្រូវបានប្រកាសលុបចោលដោយសារការរាលដាលនៃជំងឺកូវីដ។

លោក មាស ម៉េតភក្តី អ្នកនាំពាក្យរដ្ឋបាលរាជធានីភ្នំពេញប្រាប់កម្ពុជានៅរសៀលនេះថា ដោយសារស្ថានភាពជំងឺកូវិដកំពុងរាតត្បាត អាជ្ញាធររាជធានីមិនអនុញ្ញាតិឲ្យមានការជួបជុំ រួមទាំងពិធីសាសនាដែលមានមនុស្សច្រើនចូលរួម។

សមាគមចិននៅខណ្ឌច្បារអំពៅ ប្រកាសលុបចោលពិធីហែអ្នកតា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកថា អនុវត្តតាមបទបញ្ជាពីប្រមុខរាជរដ្ឋាភិបាល ព្រោះខ្លាចឆ្លងរាលដាលជំងឺកូវីដ១៩ ក្នុងព្រឹត្តិការណ៍ ២០ កុម្ភៈ ដែលកំពុងឆ្លងរាលដាលដល់សហគមន៍។

អ្នកនាំពាក្យបន្តថា សមាគមអាចរៀបចំនៅនឹងកន្លែងដែលកម្រិតមនុស្សចូលរួមតិចតួច ហើយត្រូវអនុវត្តវិធានសុខាភិបាល។ បើមានការដង្ហែមានការជួបជុំទ្រង់ទ្រាយដូចរាល់ឆ្នាំនោះ ច្បាស់ជាមានហានិភ័យ បង្កការឆ្លងរាលដាលជាក់ជាមិនខាន។

ចុចអាន៖ រោងអ្នកតាចិនទាំងអស់ នឹងត្រូវរុះរើចេញមិនឲ្យលើសថ្ងៃទី២៦ខែកុម្ភៈ

ឆ្លើយតបបញ្ហានេះអាជ្ញាធរមូលដ្ឋាន ក៏បានចាត់វិធានការនិងជូនដំណឹងលើការផ្អាកពិធីហែអ្នកតា។ នេះបើតាមលោក ពៅ ហួត ចៅសង្កាត់ច្បារអំពៅទី១ បានប្រាប់កម្ពុជាថ្មី។

លោក ពៅ ហួត ចៅសង្កាត់ច្បារអំពៅទី១បានប្រាប់កម្ពុជាថ្មីថា អាជ្ញាធរសង្កាត់បានឲ្យសមាគមរុះរើរោងអ្នកតាធំជាងគេនៅខណ្ឌច្បារអំពៅ ដែលស្ថិតមុខរោងកុនច្បារអំពៅ មិនឲ្យហួសថ្ងៃទី២៦ ខែកុម្ភៈ នោះឡើយ។

លោកបន្តថា តាមទំនៀមទម្លាប់ គឺយប់ថ្ងៃទី២៦ខែកុម្ភៈនេះ ជាថ្ងៃដែលបងប្អូនជនជាតិខ្មែរចិនជួបជុំគ្នា ដើម្បីដាក់ដេញថ្លៃផ្លែឈើយកហុងស៊ុយ។ ប៉ុន្តែត្រូវបានផ្អាកមិនអនុញ្ញាតឲ្យជួបជុំ ដើម្បីទប់ស្កាត់កុំឲ្យឆ្លងរាលដាលជំងឺកូវីដ១៩ ព្រោះមិនដឹងថា មានអ្នកណាខ្លះមានវិជ្ជមានកូវីដ១៩នោះ៕

អត្ថបទ៖ ប៊ុណ្ណារ៉ា

Related Topics: