ព័ត៌មានជាតិ

លោក មាស កុសល ៖ កូនកសិករមកពីខេត្តកំពត រៀនសូត្រទាំងត្រដាបត្រដួសនៅភ្នំពេញ ក្លាយជាវិស្វករអគ្គិសនីដ៏ជំនាញដែលទីផ្សារកំពុងត្រូវប៉ាន់

បានផុស

២ years មុន

នៅ

ថ្ងៃសុក្រ ២៤ ឧសភា ២០២៤

ដោយ

លោក មាស កុសល ពីកូនកសិករមកពីខេត្តកំពត រៀនសូត្រទាំងត្រដាបត្រដួស នៅរាជធានីភ្នំពេញ បានក្លាយជាវិស្វករអគ្គិសនីដ៏ជំនាញដែលទីផ្សារកំពុងត្រូវប៉ាន់ ក្រោយពីបានបញ្ចប់ជំនាញបច្ចេកទេសអគ្គិសនី នៅវិទ្យាស្ថានជាតិពហុបច្ចេកទេសកម្ពុជា(NPIC)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កុសល ដែលធ្លាប់ដើររកត្រីសម្រាប់ផ្គត់ផ្គង់ជីវភាពប្រចាំថ្ងៃ អំឡុងសិក្សារៀនសូត្រ ដោយសារតែគ្រួសារក្រីក្រគ្មានលទ្ធភាពនោះ បច្ចុប្បន្ន បានក្លាយជាវិស្វករអគ្គិសនី នៅក្រុមហ៊ុន Meng Brother ដោយទទួលបានប្រាក់បៀវត្សរ៍ខ្ពស់គួរសម។

លោកគូសបញ្ជាក់ពីមូលហេតុដែលធ្វើឲ្យលោកជ្រើសរើសជំនាញអគ្គិសនី គឺដោយសារតែលោកមានចិត្តស្រលាញ់ និងមើលឃើញពីឱកាស នៃមុខជំនាញមួយនេះ។ លោកសង្កត់ធ្ងន់ថា ជំនាញនេះ មិនត្រឹមជាជំនាញដែលកំពុងមានតម្រូវការទីផ្សារខ្ពស់ និងទទួលបានប្រាក់ចំណូលសមរម្យ ប៉ុណ្ណោះទេ ថែមទាំងទទួលបានឱកាសច្រើនថែមទៀតផង។ បន្ថែមលើនេះ លោក កុសល ក៏បានអំពាវនាវឲ្យយុវជនដទៃចាប់យកឱកាសក្នុងការជ្រើសរើសមុខជំនាញណាមួយដែលខ្លួនស្រលាញ់ពេញចិត្ត៕