ព័ត៌មានជាតិ
កូរ៉េ ប្ដេជ្ញាជួយ ប.ស.ស លើប្រព័ន្ធស្ដារនីតិសម្បទានៅកម្ពុជា ឱ្យកាន់តែល្អប្រសើរ
អង្គភាពសុខុមាលភាព និងសំណងគ្រោះថ្នាក់ការងារ (COMWEL) នៃសាធារណរដ្ឋកូរ៉េ បានប្ដេជ្ញាថា នឹងពង្រឹងកិច្ចសហប្រតិបត្តិការជាមួយ ប.ស.ស ទៅលើប្រព័ន្ធស្ដារនីតិសម្បទានៅកម្ពុជា ឱ្យកាន់តែមានលក្ខណៈល្អប្រសើរ និងគម្រោងថ្មីៗ មួយចំនួនទៀត។
ការប្ដេជ្ញានេះបានធ្វើឡើងក្នុងជំនួបពិភាក្សាការងាររវាង លោក ម៉េង ហុង អគ្គនាយកបេឡាជាតិសន្តិសុខសង្គមស្ដីទី នៃក្រសួងការងារ និងបណ្ដុះបណ្ដាលវិជ្ជាជីវៈ ជាមួយគណៈប្រតិភូ នៃអង្គភាពសុខុមាលភាព និងសំណងគ្រោះថ្នាក់ការងារ នៃសាធារណរដ្ឋកូរ៉េ ដែលដឹកនាំដោយលោក Kim Yong-Wan ប្រធានវិទ្យាស្ថានស្រាវជ្រាវសុខុមាលភាពការងារ នៃអង្គភាពសុខុមាលភាព និងសំណងគ្រោះថ្នាក់ការងារ នៃសាធារណរដ្ឋកូរ៉េ កាលពីព្រឹកថ្ងៃទី២៨ ខែឧសភា ឆ្នាំ ២០២៤ នៅទីស្នាក់ការកណ្ដាល ប.ស.ស។
ក្នុងជំនួបនាឱកាសនេះ លោកអគ្គនាយក ប.ស.ស.ស្ដីទី បានសម្តែងនូវអំណរគុណចំពោះអង្គភាពសុខុមាលភាព និងសំណងគ្រោះថ្នាក់ការងារ នៃសាធារណរដ្ឋកូរ៉េ ដែលបានចូលរួមចំណែកលើគម្រោងជំនួយអភិវឌ្ឍន៍ផ្លូវការផ្នែកស្ដារនីតិសម្បទា ជាពិសេសចំពោះការប្តេជ្ញាចិត្ត និងខិតខំប្រឹងប្រែងអនុវត្តគម្រោងបច្ចុប្បន្ន និងបន្តជួយគាំទ្របន្ថែមទៅលើការអនុវត្តសកម្មភាពក្នុងផែនការមេ លើការកសាងមជ្ឈមណ្ឌលស្តារនីតិសម្បទាសម្រាប់កម្មករ-និយោជិតដែលទទួលរងគ្រោះថ្នាក់ការងារ និងការកសាងសមត្ថភាពរបស់បុគ្គលិកផ្នែកស្តារនីតិសម្បទារបស់ ប.ស.ស។
លោកអគ្គនាយក ប.ស.ស.ស្ដីទី បានបន្តថា កិច្ចសហប្រតិបត្តិការរវាង COMWEL និង ប.ស.ស. កើតមានឡើងចាប់តាំងពីឆ្នាំ ២០០៥ មកម្ល៉េះ ហើយរយៈពេលច្រើនឆ្នាំកន្លងមកនេះ វិស័យសន្តិសុខសង្គមកម្ពុជា បានទទួលនូវការគាំទ្រ និងជំនួយអភិវឌ្ឍន៍ជាច្រើនពីសាធារណរដ្ឋកូរ៉េ ហើយកិច្ចសហប្រតិបត្តិការនេះ នឹងនៅតែបន្តកិច្ចសហការជាមួយគ្នាបន្ថែមទៀត ក្នុងការរួមចំណែកអភិវឌ្ឍន៍វិស័យសន្តិសុខសង្គម ឱ្យកាន់តែមានភាពល្អប្រសើរឡើងបន្ថែមទៀត។
ក្នុងជំនួបខាងលើនេះផងដែរ លោក Kim Yong-Wan ប្រធានវិទ្យាស្ថានស្រាវជ្រាវសុខុមាលភាពការងារ នៃអង្គភាពសុខុមាលភាព និងសំណងគ្រោះថ្នាក់ការងារ (COMWEL) នៃសាធារណរដ្ឋកូរ៉េ ក៏សាទរចំពោះគម្រោងជំនួយអភិវឌ្ឍន៍ផ្លូវការផ្នែកស្តារនីតិសម្បទា សម្រាប់កម្មករ-និយោជិតដែលទទួលរងគ្រោះថ្នាក់ការងារ (ODA Project) ដែលបច្ចុប្បន្នកំពុងដំណើរការយ៉ាងរលូន ហើយពិសេសជាងនេះទៅទៀត COMWEL នឹងប្ដេជ្ញាពង្រឹងកិច្ចសហប្រតិបត្តិការជាមួយ ប.ស.ស. លើអ្វីដែលបានព្រមព្រៀងគ្នា ដើម្បីពង្រឹងលើប្រព័ន្ធស្ដារនីតិសម្បទានៅកម្ពុជាឱ្យកាន់តែមានលក្ខណៈល្អប្រសើរ ព្រមទាំងសិក្សាលើគម្រោងថ្មីបន្ថែមសម្រាប់ផ្នែកស្តារនីតិសម្បទា នៃវិស័យសន្តិសុខសង្គមកម្ពុជាផងដែរ៕
អត្ថបទ ៖ សំអឿន
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ