ព័ត៌មានជាតិ

រមណីយដ្ឋាន “ស្ទឹងរឹម” កំពុងលាក់ខ្លួនក្នុងដងព្រៃ នាស្រុករតនៈមណ្ឌល

បានផុស

២ years មុន

នៅ

ថ្ងៃព្រហស្បតិ៍ ៦ មិថុនា ២០២៤

ដោយ

តំបន់ទេសចរណ៍ដ៏ស្រស់ស្អាតស្ថិតក្នុងស្រុករតនៈមណ្ឌល ដែលមានឈ្មោះថា ស្ទឹងរឹម គឺពុំសូវមានអ្នកស្គាល់ និងទៅដល់ទីនោះឡើយ។ នៅក្នុងភូមិសាស្ត្រខេត្តបាត់ដំបង គឺសំបូរទៅដោយតំបន់ទេសចរណ៍ប្រវត្តិសាស្ត្រក្នុងនោះមានដូចជា តំបន់ទេសចរណ៍ធម្មជាតិ តំបន់ទេសចរណ៍កសិឧស្សាហកម្ម តំបន់អេកូទេសចរណ៍ និងតំបន់ទេសចរណ៍ផ្សេងៗជាច្រើនទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ទឹងរឹម គឺជាតំបន់ទេសចរណ៍ធម្មជាតិដែលមានទឹកហូរតិចៗនៅរដូវប្រាំង និងទឹកហូរខ្លាំងបង្គួរនៅរដូវវស្សា ដោយមានធម្មជាតិពណ៌បៃតងស្រស់ខ្ចីអមសងខាងដងស្ទឹង ដែលស្ទឹងនេះទឹកថ្លាដូចកញ្ចក់ឆ្លុះដល់បាតស្ទឹង មិនត្រឹមតែប៉ុណ្ណោះ អ្វីដែលធ្វើឲ្យយើងចាប់អារម្មណ៍គឺមានស្ពានឈើមួយខ្សែសម្រាប់ឆ្លងស្ទឹងរឹមនេះ បានបង្កើតនូវបរិយាកាសយ៉ាងល្អប្រសើរ ដោយគ្រាន់តែស្ទឹងរឹមមិនសូវមានថ្មច្រើនដូចស្ទឹងថ្វាកនោះឡើយ ដែលក្នុងនោះភ្ញៀវទេសចរណ៍ដែលទៅកំសាន្តអាចចែវទូកលេងបាននៅតាមទីកន្លែងដែលមានទឹកជ្រៅ ដើម្បីគយគន់ទេសភាពដ៏ស្រស់ត្រកាលនៅសងខាងដងស្ទឹង។

បច្ចុប្បន្ននេះ ស្ទឹងរឹម មានខ្យល់អាកាសបរិសុទ្ធ និងពុំសូវមានអ្នកស្គាល់ដែលធ្វើឲ្យតំបន់នេះមានភាពស្ងប់ស្ងាត់ ដូច្នេះ សូមប្រជាពលរដ្ឋ អញ្ជើញទៅទស្សនាកំសាន្តដើម្បីស្រូបយកខ្យល់អាកាសដ៏បរិសុទ្ធនាដងស្ទឹងរឹមដែលស្ថិតនៅក្នុង ឃុំត្រែង ស្រុករតនៈមណ្ឌល ខេត្តបាត់ដំបង ដែលមានប្រវែងប្រមាណ ៤៥ គីឡូម៉ែត្រ ពីក្រុងបាត់ដំបង។

ម្យ៉ាងវិញទៀត ក៏ដើម្បីឲ្យតំបន់ស្ទឹងរឹមនេះប្រែក្លាយជាតំបន់ទេសចរណ៍ធម្មជាតិ គឺសូមអញ្ជើញភ្ញៀវទេសចរណ៍ជាតិ និងអន្តរជាតិទៅកំសាន្តឲ្យបានគ្រប់គ្នានាថ្ងៃចុងសប្តាហ៍ឬថ្ងៃបុណ្យទានផ្សេងៗ និងថ្ងៃឈប់សម្រាកពីការងារជាដើមដើម្បីស្រូបយកខ្យល់អាកាសដ៏បរិសុទ្ធពីតំបន់ទេសចរណ៍ធម្មជាតិនេះ ៕

អត្ថបទ៖ សោ និយមរ័ត្ន

Related Topics:ខេត្តបាត់ដំបង ស្ទឹងរឹម

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា