ព័ត៌មានជាតិ

អាជីវកម្មធ្វើប្រហិតសាច់គោ នៅខេត្តកំពង់ធំ អាចរកចំណូលបានជាង ១ លានរៀល ក្នុងមួយថ្ងៃ

បានផុស

២ years មុន

នៅ

ថ្ងៃព្រហស្បតិ៍ ៤ កក្កដា ២០២៤

ដោយ

លោកស្រី ទ្រី ដានី ម្ចាស់ផលិតកម្មខ្នាតគ្រួសារផលិតប្រហិតសាច់គោខេត្តកំពង់ធំ បានឱ្យ«កម្ពុជាថ្មី» ដឹងថា លោកស្រីអាចទទួលចំណូលពីអាជីវកម្មខ្នាតតូចមួយនេះ ក្នុងមួយថ្ងៃបានជាង ១លានរៀល ពីការលក់ប្រហិតសាច់គោ ដើម្បីយកមកផ្គត់ផ្គង់ជីវភាពគ្រួសារប្រចាំថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណើរការប្រមាណ ៤-៥ឆ្នាំមកហើយ បែបគ្រួសារ អាជីវកម្មខ្នាតតូចរបស់លោកស្រី ទ្រី ដានី ដំបូងឡើងមិនបានរៀនពីរូបមន្តនៃការផលិតពីក្រុមហ៊ុនណានោះទេ គឺធ្វើឡើងតាមបែបធម្មជាតិ និងរូបមន្តគ្រួសារផ្ទាល់។ ប្រហិតសាច់គោរបស់លោកស្រី គឺយកតែសាច់គោស្រស់មកធ្វើតែប៉ុណ្ណោះ ដើម្បីអាចធានាទាំងរសជាតិ និងគុណភាពប្រហិត។ ម្យ៉ាងវិញទៀត ការផលិតត្រូវតែមានកំណត់ម៉ោងច្បាស់លាស់ ព្រោះមិនមានលាយបញ្ចូលសារធាតុស្វិតចូលទៅក្នុងប្រហិតនោះទេ ដែលអាចធានាបានគុណភាព សុវត្ថិភាពដល់អ្នកទទួលទាន។

បច្ចុប្បន្ន លោកស្រីធ្វើការផលិតសាច់គោតែ ១ប្រភេទតែប៉ុណ្ណោះ ដែលធ្វើចេញពីសាច់គោស្រស់ ធានាដល់គុណភាព និងរសជាតិ ដោយក្នុងនោះគឺមានបែងចែកទៅតាមប្រភេទប្រហិតនីមួយៗ មានតម្លៃចាប់ពី ២ ម៉ឺនរៀល ដល់ ៣៥០០០រៀល ក្នុងមួយគីឡូក្រាម និង ៤ម៉ឺនរៀលក្នុងមួយគីឡូក្រាមសម្រាប់ប្រហិតសាច់គោលេខ១។

លោកស្រីបានបន្តថា «បច្ចុប្បន្ននេះ ក្នុងមួយថ្ងៃ អាចផលិត និងអាចលក់បានក្នុងរង្វង់ចន្លោះពី ៣០-៦០ គីឡូក្រាម ដែលអាចរកចំណូលជាង ១ លានរៀលមួយថ្ងៃ ដើម្បីយកមកផ្គត់ផ្គង់ជីវភាពគ្រួសារ»។

ជាក់ស្តែង បើទោះបីជាការផលិតប្រហិតសាច់គោរបស់លោកស្រីតាមបែបលក្ខណៈគ្រួសារក៏ពិតមែន ប៉ុន្តែសហគ្រាសលោកស្រី ក៏ទទួលបានការទទួលស្គាល់ពីគុណភាព សុវត្ថិភាព និងច្បាប់ផលិតត្រឹមត្រូវ ពីក្រសួងពាណិជ្ជកម្ម អំពីគុណភាពនៃការផលិតថាមិនមានដាក់បញ្ចូលនូវសារធាតុគីមី៕

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា