ព័ត៌មានជាតិ
ប្រធានសម្ព័ន្ធសហជីពជាតិ៖អង្គការសង់ត្រាល់បានលួចបង្កើតសហជីពនៅតាមរោងចក្រដោយប្រើឈ្មោះថា “សហជីពការពារសិទ្ធិកម្មករ”
ភ្នំពេញ ៖ លោកហ្វា សាលី ប្រធានសម្ព័ន្ធសហជីពជាតិ ថ្លែងថា អង្គការសង់ត្រាល់បានជ្រៀតជ្រែកការងារសហជីព ដោយធ្វើជាខ្នងបង្អែកនៅពីក្រោយការចងក្រងសហជីពតាមមូលដ្ឋាន ដោយប្រើពាក្យថា «សហជីពការពារសិទ្ធិកម្មករ» នៅតាមបណ្តារោងចក្រ ហើយចេញរបាយការណ៍ស្រមោល មានចេតនាអុកឡុកស្ថេរភាពសង្គមកម្ពុជា ធ្វើឱ្យមានវិវាទសហជីព បែកបាក់សាមគ្គី ក្នុងបំណងក្តិចពន្លករីកចម្រើនក្នុងវិស័យកាត់ដេរនៅកម្ពុជា ដែលរាជរដ្ឋាភិបាលកំពុងយកចិត្តទុកដាក់ខ្លាំង។
លោកបានថ្លែងបែបនេះ ក្នុងពេលផ្តល់កិច្ចសម្ភាសន៍ ដល់អ្នកសារព័ត៌មាន នៅព្រឹកថ្ងៃទី២ ខែកក្កដានេះ ក្រោយដាក់ញត្តិប្តឹងទៅក្រសួងមហាផ្ទៃ សុំជួយអន្តរាគមន៍ពិនិត្យភាពមិនប្រក្រតី នៃរបាយការណ៍សង់ត្រាល់ ដែលចេញកាលពីថ្ងៃទី៤ ខែមិថុនា ឆ្នាំ២០២៤ ធ្វើឱ្យប៉ះពាល់ដល់ការងាររបស់កម្មករនិយោជិកទូទាំងប្រទេស និងភាពស្អាតស្អំកម្ពុជា។
តាមប្រសាសន៍លោកហ្វា សាលី អង្គការសង់ត្រាល់បានជ្រៀតជ្រែកកិច្ចការងារសហជីព ជ្រោមជ្រែងបង្កើតឱ្យមាន សហជីព ឯករាជ្យ ដែលធ្វើតាមបញ្ជារបស់ខ្លួន ក្នុងការបម្រើនយោបាយបរទេស ចោទប្រកាន់ លាបពណ៌ថា សហជីពស្របច្បាប់នៅកម្ពុជា ថាជាសហជីពពណ៌លឿង ដែលជាការញុះញង់នាំឱ្យបែកបាក់សាមគ្គី ធ្វើឱ្យអន្តរជាតិយល់ច្រឡំ លែងទុកចិត្តចំពោះ សុខសន្តិភាពរបស់ប្រទេសជាតិ និងព្រួយបារម្ភចំពោះការបណ្តាក់ទុន។
លោកថ្លែងថា «ខ្ញុំបានដាក់ជូនលោករដ្ឋមន្ត្រីថា ឱ្យពិនិត្យទៅលើការជ្រៀតជ្រែកទាំងឡាយណា របស់អង្គការសង់ត្រាល់នេះ ពីព្រោះយើងឃើញថា សជីពឯករាជ្យមួយចំនួនត្រូវបាន បង្កើតនិងជ្រោមជ្រែងដោយអង្គការនេះនៅពីក្រោយ ឈ្មោះថា សហជីពការពារសិទ្ធិកម្មករ ប្រមាណ៥-៦រោងចក្រដែលយើងរកឃើញ។ ដូចច្នេះយើងអំពាវនាវឱ្យលោកឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ មេត្តាកោះអញ្ជើញថ្នាក់ដឹកនាំសហជីពទាំងនោះមកពិនិត្យ និង សិក្សាស្រាវជ្រាវអំពីឬគល់ក៏ដូចជា ហិរញ្ញវត្ថុមួយចំនួនដែល សហជីពមូលដ្ឋាននោះប្រើ»។
លោកបន្ថែមថា «យើងអត់អាចលើកលែងបានទេ ពីព្រោះរបាយការណ៍ទាំងអស់នេះ ធ្ងន់ធ្ងរខ្លាំងណាស់ វាធ្វើឱ្យប៉ះពាល់ដល់ ស្ថេរភាពនៅកម្ពុជា ទៅដល់អ្នកបញ្ជាទិញ ទៅដល់ការវិនិយោគថ្មីៗ។ ហើយកម្មករបច្ចុប្បន្នកំពុងតែធ្វើការងារយ៉ាងសស្រាក់សស្រាំ មានការងារគ្រប់គ្រាន់ អ៊ីចឹងកុំឱ្យកម្ពុជាចាប់ផ្តើមមានពន្លកហើយគាត់នាំគ្នាទៅក្តិចដូចច្នេះខ្ញុំទទួលយកអត់បានទេ ក្នុងនាមជាអ្នកការពារសិទ្ធិកម្មករ»។
លោកបញ្ជាក់ថា របាយការណ៍ចុះថ្ងៃទី៤ ខែមិថុនា ឆ្នាំ២០២៤ របស់សង់ត្រាល់ ជារបាយការណ៍គ្មានមូលដ្ឋានប្រភពច្បាស់លាស់គ្រប់គ្រាន់ ប្រឌិត បំភ្លៃ គ្មានការស្រាវជ្រាវបែបវិទ្យាសាស្ត្រ ញុះញង់បំបែកបំបាក់ ធ្វើឱ្យមានការរើសអើង។ ក្នុងរបាយការណ៍សង់ត្រាល់សម្ភាសន៍សហជីពតែ១០ ក្នុងចំណោម១៤ រោងចក្រ ក្នុងគម្រោងរោងចក្រកាន់តែប្រសើររបស់ ILO-BFC មិនអាចតំណាងកម្ពុជាតាំងមូលបានទេ ព្រោះសហជីពមូលដ្ឋានមានរហូតដល់ជាង ៦ ០០០ រីឯរោងចក្រវាយនភណ្ឌ និងកាត់ដេរមានរហូតដល់ជាង១ ៥០០ រោងចក្រ៕
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១១ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ