ព័ត៌មានជាតិ

៥ ឆ្នាំចុងក្រោយ សមាជិកក្រុមផលិតកម្មទុរេនខ្មែរ កើបចំណូលបានរាប់សែនដុល្លារពីដំណាំទុរេន

បានផុស

២ years មុន

នៅ

ថ្ងៃចន្ទ ៨ កក្កដា ២០២៤

ដោយ

ប្រធានក្រុមផលិតកម្មទុរេនខ្មែរបានអះអាងថា ៥ ឆ្នាំចុងក្រោយពោលពីឆ្នាំ ២០១៩ សមាជិកក្រុមផលិតកម្មទុរេនខ្មែរ ទទួលបានជោគជ័យទ្រង់ទ្រាយធំ ជាមួយការដាំដុះដំណាំទុរេនដោយអាចកើបប្រាក់ចំណូលបានរាប់ម៉ឺនរាប់សែនដុល្លារក្នុងមួយរដូវកាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៊ុន នាង គ្រូបច្ចេកទេស និងប្រធានក្រុមផលិតកម្មទុរេនខ្មែរបានគូសបញ្ជាក់ថា ក្រោយបើកវគ្គបណ្ដុះបណ្ដាលបច្ចេកទេសដល់កសិករពីការដាំដុះដំណាំទុរេនតាំងពីឆ្នាំ ២០១៧ មក សមាជិកកសិករដែលទទួលបានការបណ្ដុះបណ្ដាលមកដល់ពេលនេះមានជាងមួយពាន់នាក់ ដែលសុទ្ធតែជាម្ចាស់ចម្ការទុរេនមកពីតាមបណ្ដាខេត្តផ្សេងៗមានកំពត ត្បូងឃ្មុំ កោះកុង ស្ទឹងត្រែង រតនគីរី បាត់ដំបង ជាដើម។

លោក ប៊ុន នាង បានកត់សម្គាល់ពីជោគជ័យនៃការដាំដុះទុរេនចាប់ពីឆ្នាំ ២០១៩ ដែលធ្វើឲ្យកសិករទទួលបានផលនិងកើនប្រាក់ចំណូលយ៉ាងក្រាស់ក្រែល។

ខណៈដំណាំទុរេនជាដំណាំមានតម្លៃសេដ្ឋកិច្ចខ្ពស់ និងកំពុងរីកសាយដាំដុះនៅទូទាំងប្រទេស លោក ប៊ុន នាង ដែលជាអ្នកជំនាញមួយរូបលើការដាំដុះដំណាំទុរេនបានមើលឃើញថា ដំណាំទុរេនអាចដាំដុះនៅគ្រប់ទីកន្លែងក្នុងប្រទេសកម្ពុជា តែខុសគ្នាត្រង់ថាតំបន់ខ្លះងាយស្រួលដាំ ខណៈផលលំបាកមានកម្រិតខុសៗគ្នាតាមតំបន់នីមួយៗ៕