ព័ត៌មានជាតិ
មន្ត្រីជំនាញ អំពាវនាវពលរដ្ឋ បង្កើនការប្រុងប្រយ័ត្នចំពោះជំងឺគ្រុនឈាម ខណៈជំងឺនេះមានការកើនឡើង
មន្ត្រីជំនាញសុខាភិបាល បានធ្វើការអំពាវនាវឱ្យប្រជាពលរដ្ឋ ត្រូវបង្កើនការប្រុងប្រយ័ត្នខ្ពស់ចំពោះជំងឺគ្រុនឈាម ខណៈជំងឺនេះកំពុងមានការកើនឡើងគួរព្រួយបារម្ភ។
លោកវេជ្ជបណ្ឌិត លាង ឫទ្ធា ប្រធានកម្មវិធីជាតិប្រយុទ្ធនឹងជំងឺគ្រុនឈាម នៃក្រសួងសុខាភិបាលបានឱ្យដឹងថា ក្នុងរយៈពេល ៦ ខែ ឆ្នាំ ២០២៤ នេះ ជំងឺគ្រុនឈាមបានកើនឡើងរហូតដល់ជាង ៦ ៧០០ ករណី កើនឡើងជាង ១៥% បើប្រៀបធៀបរយៈពេលដូចគ្នាកាលពីឆ្នាំ ២០២៣ កន្លងទៅ ក្នុងនោះបណ្តាលឱ្យអ្នកជំងឺស្លាប់អស់មួយចំនួនតូច ដោយសារការបញ្ជូនមកមន្ទីរពេទ្យមានការយឺតយ៉ាវ។
លោកវេជ្ជបណ្ឌិត បានពន្យល់ថា ការកើនឡើងករណីជំងឺគ្រុនឈាម រហូតដល់ជាង ១៥% នេះ បណ្តាលមកពីឆ្នាំនេះជាឆ្នាំដែលដល់វដ្ដ នៃផ្ទុះជំងឺគ្រុនឈាមដែលតែងតែកើតឡើងចន្លោះ ៤ ទៅ ៥ ឆ្នាំម្តង ខណៈមានការផ្ទុះជំងឺគ្រុនឈាមច្រើនកាលពីឆ្នាំ ២០១៩។
លោកវេជ្ជបណ្ឌិត បានបន្តថា ទោះបីយ៉ាងណាមន្ត្រីជំនាញគ្រប់លំដាប់ថ្នាក់បានខិតខំទប់ស្កាត់ ចាប់តាំងពីដើមឆ្នាំមកម្ល៉េះ និងបានថយចុះមួយកម្រិតហើយ ប៉ុន្តែមកដល់ខែកក្កដានេះ មានភ្លៀងធ្លាក់ច្រើនជំងឺគ្រុនឈាមបានហក់ឡើងវិញទៀត ពិសេសនៅខេត្តសៀមរាប ក្រចេះ ត្បូងឃ្មុំ និងកំពង់ចាម ជាដើម។
លោកវេជ្ជបណ្ឌិត សូមអំពាវនាវឱ្យពលរដ្ឋទូទាំងប្រទេសចូលរួម និងបង្កើនការប្រុងប្រយ័ត្នខ្ពស់ តាមរយៈការសម្អាតជុំវិញផ្ទះ ឬកន្លែងប្តូរកង់ឡាន កុំឱ្យដក់ទឹក និងត្រូវបញ្ជូនអ្នកជំងឺដែលមានអាការក្តៅខ្លួនមកមន្ទីរពេទ្យរដ្ឋជាចាំបាច់ មិនត្រូវធ្វើការព្យាបាលជំងឺដោយខ្លួនឯង ឬជាមួយពេទ្យឯកជនដែលមិនមានជំនាញច្បាស់លាស់នោះទេ ព្រោះអាចធ្វើឱ្យកូនចៅលោកអ្នកស្លាប់បាត់បង់ជីវិតបាន។
លោកវេជ្ជបណ្ឌិត បានបញ្ជាក់ថា ក្រសួងសុខាភិបាល ក៏ដូចមន្ត្រីជំនាញគ្រប់លំដាប់ថ្នាក់ បាននិងកំពុងបន្តការយកចិត្តទុកដាក់ដោយប្រើប្រាស់នូវគ្រប់មធ្យោបាយ ជាពិសេសការត្រៀមចែកថ្នាំអាបែត ១៦០ តោន សេរ៉ូមជាង ៧ ម៉ឺនប្លោក ថ្នាំបាញ់ជាង ៦ ពាន់ដប និងឧបករណ៍ផ្សេងៗ ជាច្រើនទៀត ដើម្បីទប់ស្កាត់ជំងឺគ្រុនឈាមឆ្នាំនេះ កុំឱ្យមានការផ្ទុះរាតត្បាតទ្រង់ទ្រាយធំ៕
អត្ថបទ ៖ សំអឿន
-
សេដ្ឋកិច្ច៤ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ២ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៣ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ៤ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
សន្តិសុខសង្គម៣ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៤ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៤ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
សេដ្ឋកិច្ច៤ ថ្ងៃ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ