ព័ត៌មានជាតិ
គិតត្រឹមឆមាសទី ១ ក្រសួងការងារ ចុះអធិការកិច្ចការងារតាមរោងចក្រនានា ជិត ៥ ពាន់លើក
គិតត្រឹមឆមាសទី ១ ឆ្នាំ ២០២៤ នេះ ក្រសួងការងារ និងបណ្តុះបណ្តាលវិជ្ជាជីវៈ ចុះអធិការកិច្ចការងារតាមបណ្តារោងចក្រសហគ្រាសនានា ជិត ៥ ពាន់លើក ក្នុងនោះបានចេញលិខិតផាកពិន័យរោងចក្រចំនួន ៦៥ កន្លែង។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍នៅរសៀលថ្ងៃទី ០១ សីហា នេះថា គិតត្រឹមឆមាសទី ១ ឆ្នាំ ២០២៤ នេះ ក្រសួងបានបញ្ជូនក្រុមអធិការកិច្ចការងារចុះអធិការកិច្ចការងារសរុបចំនួន ៤ ៩៩២ លើក ក្នុងនោះចុះអធិការកិច្ចការងារសាមញ្ញចំនួន ៤ ៧៤៧ លើក ចុះអធិការកិច្ចការងារពិសេស ចំនួន ១៨៣ លើក ចុះតាមដានកំហិតចំនួន ៦២ រោងចក្រ បានដាក់កំហិត ១១១ រោងចក្រ និងចេញលិខិតផាកពិន័យ ចំនួន ៦៥ រោងចក្រ។
លោកបានឱ្យដឹងទៀតថា ការចុះអធិការកិច្ចជាង ៤ ០០០ លើកនេះ គឺជាការធ្វើអធិការកិច្ចសាមញ្ញប្រចាំឆ្នាំ ព្រោះរោងចក្រមានរហូតដល់ទៅជាង ១ ៥០០ រោងចក្រ ហើយការធ្វើអធិការកិច្ចនេះក៏ធ្វើតាមរបបស្វ័យប្រកាសរបស់និយោជកផងដែរ។
លោកបានពន្យល់ថា «ជាគោលការណ៍យើងធ្វើអធិការកិច្ចម្តងក្នុង ១ ឆ្នាំ ប៉ុន្តែយើងធ្វើអធិការកិច្ចពិសេសនៅពេលដែលយើងទទួលបានបណ្តឹង ឬមួយទទួលបានព័ត៌មាននៅតាមបណ្តាញសង្គម ឬអនាមិកណាមួយដែលមិនមានភាពមិនប្រក្រតីណាមួយនៅតាមរោងចក្រសហគ្រាសពាក់ព័ន្ធទៅនឹងអនុវត្តច្បាប់ការងារ ឬលក្ខខណ្ឌការងារ យើងត្រូវចុះអធិការកិច្ចពិសេស ឬក៏មានការតាមដាននូវការដាក់កម្រិតណាមួយដែលត្រូវបន្តអធិការកិច្ចរោងចក្រសហគ្រាសនោះបានអនុវត្តតាមបញ្ញត្តិដែលយើងបានដាក់កម្រិតឬទេ។ អីចឹងជាង ៤ ០០០ អធិការកិច្ច យើងបូករួមទាំងអធិការកិច្ចប្រចាំឆ្នាំតាមរោងចក្រសហគ្រាសទាំងអធិការកិច្ចតាមបណ្តាសហគ្រាសជួលបន្ត»។
លោកបន្តទៀតថា គោលបំណងចម្បង នៃការចុះធ្វើអធិការកិច្ចនេះ គឺយើងពិនិត្យដោះស្រាយពាក្យបណ្តឹង និងភាពមិនប្រក្រតីដែលយើងទទួលបានតាមបណ្តាញសង្គម ឬតាមអនាមិកពាក់ព័ន្ធទៅនឹងអនុវត្តច្បាប់ការងារ ឬលក្ខខណ្ឌការងារតាមរោងចក្រសហគ្រាស ឬបញ្ហាផ្សេងៗ កើតឡើងនៅក្នុងការបំពេញការងារតាមរោងចក្រសហគ្រាស ដើម្បីធានាឱ្យនិយោជក និងកម្មករ-និយោជិតគោរពគ្នាទៅវិញទៅមក គោរពច្បាប់ការងារ និងមានសុខដុមរមនានៅតាមរោងចក្រសហគ្រាស៕
អត្ថបទ ៖ សំអឿន
-
ព័ត៌មានអន្ដរជាតិ៦ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៣ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៥ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ២ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៥ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៧ ថ្ងៃ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៥ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS