ព័ត៌មានជាតិ
នាយករដ្ឋមន្ត្រីកម្ពុជា៖ គ្មានការបង់លុយផ្ទាល់តាមព្រលានទៀតទេ ស្នើសុំវីសានិងបង់លុយតាមអនឡាញទាំងអស់
ថ្លែងនៅក្នុងឱកាសអញ្ជើញជាអធិបតីភាពក្នុងពិធីជួបសំណេះសំណាល និងពិសាភោជនាហាររៀបចំឡើងដោយសមាគមឧកញ៉ាកម្ពុជា និងសមាគមអ្នកអភិវឌ្ឍន៍លំនៅឋានកម្ពុជា នារសៀលថ្ងៃទី ០២ ខែសីហា ឆ្នាំ២០២៤ សម្តេចធិបតីនាយករដ្ឋមន្ត្រីកម្ពុជាបានអះអាងថា នឹងបន្តតាមដានប្រសិទ្ធភាពការដាក់ឲ្យអនុវត្តប្រព័ន្ធស្នើសុំវិសាតាមអនឡាញ ដើម្បីធានាបានដំណើរការដោយរលូនគ្មានការរាំងស្ទះ។
ដើម្បីជំរុញលំហូរអ្នកដំណើរតាមអាកាសយានដ្ឋាន សម្តេចធិបតីបានគូសបញ្ជាក់ថា សម្តេចបានដាក់ឲ្យអនុវត្តប្រព័ន្ធ E arrival និង E visa ដើម្បីធានាបានការធ្វើដំណើរដោយដោយរលូនរបស់របស់អ្នកទេសចរឆ្លងកាត់ព្រលានយន្តហោះទាំង ៣ នៅកម្ពុជា។
«លំហូរការចេញចូលប្រទេសនីមួយៗតាមច្រកអន្តោប្រវេសន៍ទាំងផ្លូវគោក ផ្លូវអាកាស បច្ចុប្បន្ននេះប្រទេសភាគច្រើនគេលែងប្រើក្រដាសទៀតហើយ គឺតាមអនឡាញទាំងអស់ ហើយកម្ពុជាក៏ត្រូវដើរតាមនេះដែរ»។ សម្តេចធិបតីអះអាង។
មកដល់ម៉ោងនេះ សម្តេចធិបតីក៏ថ្លែងកោតសរសើរដល់ក្រសួងមហាផ្ទៃ អគ្គនាយកដ្ឋានអន្តោប្រវេសន្ត គយ និងសុខាភិបាល ដែលពាក់ព័ន្ធច្រកចេញចូលនៅតាមព្រលានយន្តហោះ រួមទាំងក្រសួងការបរទេស និងសហប្រតិបត្តិការអន្តរជាតិ ដែលបានដាក់ឲ្យអនុវត្តប្រព័ន្ធស្នើសុំវីសាតាមអនឡាញ រួមទាំងការបង់លុយតាមអនឡាញ។
សម្តេចរំលឹកថា កន្លងទៅការស្នើសុំវីសាមានពីរវិធី ទីមួយគឺស្នើសុំតាមស្ថានទូត តាមអគ្គកុងស៊ុលកម្ពុជានៅក្រៅប្រទេស។ ទីពីរគឺ visa on arrival នៅពេលអ្នកដំណើរចុះនៅព្រលានដែលត្រូវបំពេញបែបបទនិងតម្រង់ជួរបង់លុយ ហើយការបំពេញទម្រង់បែបបទមាន ៣ ទម្រង់មាន អន្តោប្រវេសន្តផង គយ និងសុខាភិបាល។
«ឥលូវយើងបានឯកភាព និងរៀបចំជាប្រព័ន្ធអេឡិចត្រូនិកទាំងអស់ ដើម្បីសម្រួលដល់អ្នកដំណើរមិនបាច់បំពេញបែបបទលើក្រដាសស្មុគស្មាញ ហើយអាចបង់លុយតាមអនឡាញថែមទៀត»។
បើតាមប្រមុខរដ្ឋាភិបាល ដំណើរការនេះនឹងចាប់ផ្ដើមអនុវត្តចាប់ពីថ្ងៃ ០១ ខែកញ្ញាទៅ ហើយសម្តេចក៏នឹងបន្តតាមដានប្រសិទ្ធភាពនៃការអនុវត្តផងដែរ។ ទាក់ទងការរៀបចំប្រព័ន្ធសុំវីសាតាមអនឡាញនេះ សម្ដេចធិបតីក៏លើកសរសើរការបង្កើតប្រូក្រាមនេះឡើង ដែលធ្វើឡើងដោយកូនខ្មែរដែលជាមោទនភាពថែមទៀត។
ការសម្រួលបដិសណ្ឋារកិច្ចសំខាន់ណាស់ជះឥទ្ធិពលដល់កម្ពុជា។ ការផ្សព្វផ្សាយប៉ះពាល់កម្ពុជា ដែលពេលខ្លះក៏ពាក់ព័ន្ធទៅបញ្ហាបដិសណ្ឋារកិច្ច។ នេះបើតាមការគូសបញ្ជាក់បន្ថែមរបស់សម្តេចនាយករដ្ឋមន្រ្តី។
សម្តេចសង្ឃឹមអ្វីដែលបានធ្វើនេះ រួមជាមួយការខិតខំប្រឹងប្រែងរបស់មន្រ្តីតាមព្រលានក៏ដូចជាគ្រប់វិស័យ នឹងជួយសម្រួលដល់ការធ្វើដំណើររបស់ភ្ញៀវទេសចរមិនថាជាបរទេសរួមទាំងពលរដ្ឋក្នុងស្រុក កាន់តែមានភាពល្អប្រសើរតាំងពីច្រកចេញដល់ច្រកចូល៕
[អត្ថបទវិភាគ] ការបោះឆ្នោតរបស់មីយ៉ាន់ម៉ា គឺជាច្រកចេញរបបសឹកយោធាដើម្បីត្រួសត្រាយផ្លូវបង្កើតរដ្ឋាភិបាលចម្រុះ និងការទទួលស្គាល់
សម្តេច ទៀ បាញ់ ចែកវិញ្ញាបនប័ត្រសម្គាល់ម្ចាស់អចលនវត្ថុជាង៤ម៉ឺនប័ណ្ណ ដល់ពលរដ្ឋខេត្តសៀមរាប
កម្ពុជា-ថៃ នឹងពង្រឹងបន្ថែមលើកិច្ចសហប្រតិបត្តិការក្នុងវិស័យការងារ និងបណ្ដុះបណ្ដាលវិជ្ជាជីវៈ
មន្ទីរបរិស្ថានខេត្តមណ្ឌលគិរី បើកយុទ្ធនាការ «ផ្លូវជាតិស្អាតគ្មានសំរាម និងសំណល់ប្លាស្ទិក» នៅស្រុកអូររាំង
លើកដំបូង មន្ត្រីការបរទេសរុស្ស៊ីថា «គ្មានឡើយវត្តមានយោធាចិនជួយកងទ័ពខ្លួន»
ថៃ ព្រមាន! យុវជនបង្ហោះរូបស្រាតពេលលេងសប្បាយបុណ្យសង្ក្រាន្ត ប្រឈមជាប់ពន្ធនាគារ៥ឆ្នាំ
បេសកជនអាមរិក ស្នើផែនការកាត់តំបន់ចំនួន៤ឲ្យរុស្ស៊ី ជាថ្នូរនឹងបទឈប់បាញ់
ពលរដ្ឋខេត្តក្រចេះនិងកំពង់ធំ នឹងភ្ជាប់និស្ស័យគ្នា តាមរយៈគម្រោងស្ថាបនាផ្លូវជាតិលេខ ៦០បេ
កុំភ្លេចទស្សនា! ជើងខ្លាំងកម្ពុជា ៤រូបប្រកួតនៅសហរដ្ឋអាមេរិកស្អែកនេះហើយ
ហ្សេលេនស្គី៖ រុស្ស៊ី ប្រើបណ្ដាញសង្គម និងលុយទាក់ទាញទាហានចិនឲ្យចូលច្បាំង
-
សន្តិសុខសង្គម៦ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម៥ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
ព័ត៌មានជាតិ៥ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
សន្តិសុខសង្គម៧ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
សន្តិសុខសង្គម៤ ថ្ងៃ agoលោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
-
ព័ត៌មានជាតិ២ ថ្ងៃ agoនគរបាលខណ្ឌសែនសុខ ហៅយុជនក្រុមសម្រួលចរាចរណ៍ មកណែនាំ និងដកហូតឯកសណ្ឋាន
-
ព័ត៌មានអន្ដរជាតិ៣ ថ្ងៃ agoពន្ធគយបដិការរបស់ត្រាំ ចូលជាធរមាន ដោយមិនលើកលែងប្រទេសណាមួយ
-
ព័ត៌មានអន្ដរជាតិ១ សប្តាហ៍ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល