ព័ត៌មានជាតិ
ដូងកំពតលក់បានថ្លៃលើសឆ្នាំមុន បានដល់ ៣ ពាន់រៀល ក្នុងមួយផ្លែ
លោក តេង វ៉ាន់ធឿន ប្រធានការិយាល័យក្សេត្រសាស្ត្រ និងផលិតភាពកសិកម្ម នៃមន្ទីរកសិកម្មខេត្តកំពតបានឱ្យ «កម្ពុជាថ្មី» ដឹងនៅថ្ងៃទី១៣ ខែសីហា នេះថា ផ្លែដូងកំពតឆ្នាំនេះប្រជាកសិករអាចលក់បានក្នុងតម្លៃចន្លោះពី ២៥០០ រៀល ទៅដល់ ៣ ពាន់រៀលក្នុងមួយផ្លែ ដែលជាតម្លៃល្អលើសពីឆ្នាំមុនបន្តិច។
លោក តេង វ៉ាន់ធឿន បានឲ្យដឹងថា ក្នុងឆ្នាំនេះ ប្រភេទដូងក្រអូប និងដូងគល់កែ ដែលពលរដ្ឋលក់តាមផ្លូវ ដូចជា ផ្លូវតាមភ្នំតាមោក តាមផ្លូវយាយមៅ ក៏ដូចជាតាមផ្លូវឃុំថ្មី និងតាមផ្លូវទៅកាន់រាជធានីភ្នំពេញ អាចលក់បានក្នុងតម្លៃចន្លោះពី ២៥០០ រៀល ទៅ ៣ពាន់រៀល ក្នុងមួយផ្លែ ដែលតម្លៃឆ្នាំនេះខុសគ្នា ៥០០រៀល កាលពីឆ្នាំ២០២៣ លក់បានត្រឹមតម្លៃ ២ ពាន់ ទៅ ២៥០០រៀល។
លោកអះអាងថា ទីផ្សារដូងកំពត នៅតែមានតម្រូវការខ្ពស់ទៅកាន់ទីផ្សាររាជធានីភ្នំពេញ និងលក់ក្នុងខេត្ត ក៏ដូចជានាំចេញទៅកាន់ខេត្តកណ្តាលជាដើម។ ជាក់ស្តែង យើងសង្កេតឃើញថា នៅពេលល្ងាចតែងមានឡានឈ្មួញមកប្រមូលទិញដូងពីកសិករនៅតាមចម្ការ ដឹកនាំចេញទៅកាន់ទីផ្សាររាជធានីភ្នំពេញជារៀងរាល់ថ្ងៃ។
ទន្ទឹមនេះ បើតាមការបញ្ជាក់បន្ថែមពីលោក ស្វាយ សឹម ម្ចាស់ចម្ការដូង ស្ថិតនៅភូមិព្រៃថ្នង ឃុំព្រៃថ្នង ស្រុកទឹកឈូ ខេត្តកំពត បានឱ្យ «កម្ពុជាថ្មី» ដឹងបន្ថែមថា បច្ចុប្បន្ននេះ លោកបានដាំដុះដូងប្រមាណជាង ២០០ ដើម ទៅលើដូង ២ ប្រភេទ គឺដូងទឹកក្រអូប និងដូងតុកកែ សម្រាប់បំពេញតម្រូវការឱ្យឈ្មួញ និងអាចទទួលបានកម្រៃដើម្បីផ្គត់ផ្គង់ជីវភាពគ្រួសារ។
លោក ស្វាយ សឹម បានលើកឡើងថា «បច្ចុប្បន្នទីផ្សារដូងមានភាពល្អគ្រាន់បើ ដោយមានឈ្មួញចាំមកទិញដល់ចម្ការជារៀងរាល់ខែ។ ក្នុងនោះ ដោយសារលោកលក់បោះឱ្យឈ្មួញដែលមកពីតាមបណ្ដាខេត្តនានាដូចជា កំពង់សោម ខេត្តកែប និងរាជធានីភ្នំពេញ និងខេត្តផ្សេងៗ ដែលបានមកកាត់ដល់ចម្ការ ដូច្នេះសម្រាប់ដូង ១ផ្លែ លោកបោះក្នុងតម្លៃ ១៥០០រៀល ដែលឈ្នួញកាត់ម្តងអាចបានចន្លោះពី ២០ឡូ ទៅ ៤០ ឡូ (១ឡូ ស្មើនឹង ១២ដូង) ដោយក្នុងរយៈពេល ១ ខែ ឈ្មួញមកកាត់ ៤ដង»។
ម្ចាស់ចម្ការរូបនេះ ក៏បានបញ្ជាក់បន្ថែមដែរថា លោកនិយាយនេះសម្រាប់តម្លៃបោះឱ្យម៉ូយជាប្រចាំប៉ុណ្ណោះ ប៉ុន្តែប្រសិនបើឈ្មួញ ឬអ្នកលក់រាយនៅលើទីផ្សារធម្មតា អាចលក់បានក្នុងតម្លៃចន្លោះពី ២៥០០រៀល ទៅដល់ ៣៥០០រៀល តាមប្រភេទដូងនីមួយៗ។
បើតាមរបាយការណ៍ពីមន្ទីរកសិកម្មខេត្តកំពត ផ្ទៃដីដាំដុះដូងក្នុងខេត្តកំពតក្នុងឆ្នាំ២០២២ មានចំនួនសរុប ៤០៥៥ ហិតា ដោយឡែកឆ្នាំ២០២៣ ផ្ទៃដីដាំដុះដូងកើនឡើងដល់ ៤៧១៩ហិតា ដែលចំនួននេះមានការកើនឡើង ៦៦៤ ហិតា បើធៀបនឹងឆ្នាំ២០២២៕
ផ្លូវក្រវាត់ព្រំដែនប្រវែង ១១ គ.ម តម្លៃ ២,៥ លាន ដុល្លារ ក្រាលបេតុងនៅក្រុងបាវិត សម្ពោធដាក់ឲ្យប្រើប្រាស់
TASS ៖ អ៊ីរ៉ង់ត្រៀមខ្លួនទទួលយកកិច្ចព្រមព្រៀងនុយក្លេអ៊ែរ ក្រោយ៣ថ្ងៃនៃការផ្ទុះអាវុធ
ឱកាសការងារ ២៣ ម៉ឺនកន្លែង រង់ចាំពលករចាប់ឱកាសការងារភ្លាមៗនៅព្រំដែនកម្ពុជា-ថៃ
បុណ្យភ្ជុំបិណ្ឌ ស្ពានឆ្លងកាត់ទន្លេមេគង្គខេត្តក្រចេះ បើកឱ្យពលរដ្ឋធ្វើដំណើរបណ្តោះអាសន្ន
ដាក់ពាក្យចូលរៀននៅ TVET បង្កើតឱកាសការងារ សាងក្តីសង្ឃឹមជំរុញលើកកម្ពស់ជីវភាព
អ្នកស្លាប់និងរបួសនៅអ៊ីស្រាអែលកើនឡើងយ៉ាងគំហុក ខណៈអ៊ីរ៉ង់បាញ់ស្រោចមីស៊ីល
ប្រទេស៣៦ទៀត រួមទាំងកម្ពុជាដែរ ប្រឈមការរឹតត្បិតឬហាមចូលអាមេរិក
ជម្លោះអ៊ីរ៉ង់-អ៊ីស្រាអែល៖ អ្នកស្លាប់និងរបួសកើនឡើង ចំពេលបង្កើនការវាយប្រហារគ្នា
បុណ្យភ្ជុំបិណ្ឌ ស្ពានឆ្លងកាត់ទន្លេមេគង្គខេត្តក្រចេះ បើកឱ្យពលរដ្ឋធ្វើដំណើរបណ្តោះអាសន្ន
កម្ពុជា បដិសេធដាច់អហង្កាមិនទទួលស្គាល់ផែនទីថៃគូសស្រេចតែចិត្តឯង ឬ«ផែនទីចោរ» ដែលសម្ដេចតេជោ បានហៅ
-
ព័ត៌មានអន្ដរជាតិ៥ ថ្ងៃ agoសេដ្ឋវិទូ៖ សេដ្ឋកិច្ចថៃប្រឈមហានិភ័យធ្លាក់ចូលក្នុងវិបត្តិបរិត្តផរណា
-
នយោបាយ៣ ថ្ងៃ agoរយៈពេលមិនដល់១២ម៉ោងកម្ពុជាទះថៃ៣កំផ្លៀង
-
ព័ត៌មានអន្ដរជាតិ៦ ថ្ងៃ agoសហព័ន្ធឧស្សាហកម្មថៃ៖ ការបិទព្រំដែនជាមួយកម្ពុជា ប៉ះពាល់ដល់ការនាំចេញថៃ ៥,២ ប៊ីលានដុល្លារ
-
ព័ត៌មានជាតិ១ សប្តាហ៍ agoនៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?
-
ព័ត៌មានអន្ដរជាតិ៣ ថ្ងៃ agoBreaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
-
ព័ត៌មានជាតិ៥ ថ្ងៃ agoកម្ពុជា នឹងទទួលរងឥទ្ធិពលព្យុះទី១ ចាប់ពីថ្ងៃនេះ ដល់ថ្ងៃទី១៣មិថុនា
-
ព័ត៌មានអន្ដរជាតិ៣ ថ្ងៃ agoមហាសំណាង! មនុស្សម្នាក់គត់នៅរស់ពីការធ្លាក់យន្តហោះឥណ្ឌា ដោយសារលោតចុះតាមច្រកចេញអាសន្ន
-
នយោបាយ៣ ថ្ងៃ agoសម្ដេចតេជោប្រាប់ទៅរដ្ឋាភិបាលត្រៀមផ្ទុះអាវុធគ្រប់ពេលដែលថៃឈ្លានពាន