ព័ត៌មានជាតិ

ថ្នាក់ដឹកនាំ និងមន្ត្រីរដ្ឋបាលរាជធានី គាំទ្ររាជរដ្ឋាភិបាល ចំពោះកិច្ចសហប្រតិបត្តិការតំបន់ត្រីកោណអភិវឌ្ឍន៍ CLV-DTA និងប្រឆាំងដាច់ខាតក្រុមជ្រុលនិយមចង់ផ្តួលរំលំរាជរដ្ឋាភិបាល

បានផុស

២ years មុន

នៅ

ថ្ងៃសុក្រ ១៦ សីហា ២០២៤

ដោយ

ថ្នាក់ដឹកនាំ និងមន្ត្រីរាជការនៃរដ្ឋបាលរាជធានីភ្នំពេញទាំងអស់ នារសៀលថ្ងៃទី១៦សីហានេះ បានជួបជុំគ្នាក្នុងបរិវេណសាលារាជធានីភ្នំពេញ ដើម្បីបង្ហាញសារគាំទ្រ លើរាជរដ្ឋាភិបាលកម្ពុជា ចំពោះកិច្ចសហប្រតិបត្តិការតំបន់ត្រីកោណអភិវឌ្ឍន៍ CLV-DTA និងប្រឆាំងដាច់ខាតចំពោះក្រុមជ្រុលនិយមដែលប៉ុនប៉ងផ្តួលរំលំរាជរដ្ឋាភិបាលស្របច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពិធីនេះ ថ្នាក់ដឹកនាំ និងមន្ត្រីរាជការនៃរដ្ឋបាលរាជធានីភ្នំពេញបានស្រែកព្រមៗគ្នាថា៖ «យើងខ្ញុំទាំងអស់គ្នាមន្ត្រីរាជការនៃរដ្ឋបាលរាជធានីភ្នំពេញ ជឿជាក់លើរាជរដ្ឋាភិបាលកម្ពុជា សូមប្រកាសគាំទ្រយ៉ាងពេញទំហឹងចំពោះកិច្ចសហប្រតិបត្តិការតំបន់ត្រីកោណអភិវឌ្ឍន៍ CLV-DTA និងប្រឆាំងដាច់ខាត ចំពោះក្រុមជ្រុលនិយមដែលប៉ុនប៉ងផ្តួលរំលំរាជរដ្ឋាភិបាលស្របច្បាប់។

គួរបញ្ជាក់ថា ក្រុមអគតិ និងពួកជ្រុលនិយម គ្រោងនឹងរៀបចំធ្វើបាតុកម្ម ដើម្បីផ្តួលរំលំរាជរដ្ឋាភិបាលស្របច្បាប់ នាថ្ងៃទី១៨សីហាខាងមុខនេះ។ ចំពោះ គម្រោងរបស់ក្រុមជ្រុលនិយមនិងក្រុមអគតិនេះ គណៈបញ្ជាការឯកភាពរាជធានីភ្នំពេញបានត្រៀមកម្លាំងរួចជាស្រេចហើយ គឺមិនឱ្យកើតមានចលនាជ្រុលនិយមនេះកើតមានជាដាច់ខាត ដោយធានាថា កិច្ចការពារសន្តិសុខ សុវត្ថិភាព និងការរក្សាស្ថេរភាពនយោបាយ គឺត្រូវធានាបាន១០០ភាគរយ៕

ដោយ ៖ ស្រីរ័ត្ន