ព័ត៌មានជាតិ

ជនជាតិភាគតិចពូនងប្រាប់ថា ទឹកឃ្មុំធម្មជាតិល្អបំផុតគឺអំឡុងខែកុម្ភៈ តម្លៃមួយលីត្រហក់ដល់ ៨ ម៉ឺនរៀល

បានផុស

២ years មុន

នៅ

ថ្ងៃចន្ទ ៣០ កញ្ញា ២០២៤

ដោយ

ជនជាតិភាគតិចពូនងនៅសហគមន៍ភូមិពូត្រុំ សង្កាត់រមនា ក្រុងសែនមនោរម្យ ខេត្តមណ្ឌលគិរីមានទម្លាប់ចុះរកទឹកឃ្មុំតាមរដូវកាល សម្រាប់ប្រើប្រាស់ប្រចាំថ្ងៃរួមទាំងប្រើជាឱសថព្យាបាលជំងឺមួយចំនួន។

ក្នុងដំណើរចុះទៅទស្សនកិច្ចនៅតំបន់ការពារធម្មជាតិកែវសីមា ក្នុងខេត្តមណ្ឌលគិរីកាលពីពេលថ្មីៗនេះ អ្នកស្រី សម សាមៀន ជនជាតិភាគតិចពូនងនៅភូមិពូព្រុំ សង្កាត់រមនា ក្រុងសែនមនោរម្យបានប្រាប់បទពិសោធន៍នៃការរកទឹកឃ្មុំតាមព្រៃធម្មជាតិក្នុងខេត្តមណ្ឌលគិរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្រ្តីជនជាតិភាគតិចរូបនេះរៀបរាប់ឲ្យដឹងថា ទឹកឃ្មុំធម្មជាតិអាចរកបានតាមរដូវកាលប៉ុណ្ណោះ ប៉ុន្តែទឹកឃ្មុំដែលមានគុណភាពល្អលេខ១ គឺអំឡុងខែកុម្ភៈ ឬអាចនិយាយថាជារដូវកាលទឹកឃ្មុំល្អបំផុតហើយលក់ក៏បានថ្លៃខ្ពស់។

ខណៈទឹកឃ្មុំធម្មជាតិកាន់តែកម្រ និងមានតម្លៃថ្លៃ នៅពេលសាកសួរបន្ថែមតើការមើលទឹកឃ្មុំសុទ្ធឬមិនសុទ្ធមានវិធីបែបណា ស្រ្តីជនជាតិភាគតិចពូនងរូបនេះហាក់មានភាពស្ទាក់ស្ទើរបន្តិចក្នុងការបញ្ជាក់ឲ្យច្បាស់។ យ៉ាងណាស្រ្តីជនជាតិដើមពូនងរូបនេះ បានលើកយកជំនឿគឺការប្រកាន់ភ្ជាប់ភាពស្មោះត្រង់។ អ្នកស្រី សម សាមៀន ឲ្យដឹងថា ជនជាតិដើមភាគតិចមានជំនឿមិនអាចយកទឹកឃ្មុំលាយឬបន្លំយកមកលក់ នាំឲ្យប៉ះពាល់សុខភាពអ្នកដទៃនោះទេ ខណៈទឹកឃ្មុំធម្មជាតិត្រូវបានប្រើសម្រាប់ជាឱសថព្យាបាលជំងឺមួយចំនួនយ៉ាងស័កសិទ្ធិដូចជាផ្តាសាយ ឈឺពោះជាដើម៕

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា