ព័ត៌មានជាតិ

ម៉ាស៊ីនបូមទឹករបស់កងអង្គរក្សសម្តេចតេជោ ចំនួន៤គ្រឿង ត្រូវបានដាក់បូមនៅផ្សារបឹងព្រលឹត

បានផុស

៦ ខែ មុន

នៅ

ថ្ងៃអាទិត្យ ៦ តុលា ២០២៤

ដោយ

ម៉ាស៊ីនបូមទឹកខ្នាតធំរបស់កងអន្តរាគមន៍នៃបញ្ជាការដ្ឋានកងអង្គរក្សសម្តេចតេជោ ចំនួន៤គ្រឿងត្រូវបានដឹកយកទៅដាក់បូមនៅតំបន់ផ្សារបឹងព្រលឹតស្ថិតក្នុងភូមិអូរអណ្តូង១សង្កាត់ព្រែកប្រាខណ្ឌច្បារអំពៅរាជធានីភ្នំពេញដើម្បីបូមទឹកពីប្រពន្ធ័លូតូចចូលទៅលូធំ។

យោងតាមប្រសាសន៍របស់លោក ចេង មុនីរ៉ា អភិបាលនៃគណអភិបាលខណ្ឌច្បារអំពៅបានមានឲ្យដឹងថា ម៉ាស៊ីនបូមទឹកខ្នាតធំរបស់កងអន្តរាគមន៍នៃកងអង្គរក្សសម្តេចតេជោ ត្រូវបានដឹកយកទៅដាក់បូមចំនួន៤គ្រឿងត្រូវបានបញ្ជូនទៅកាន់តំបន់ផ្សារបឹងព្រលឹតដើម្បីបូមទឹកតាមប្រពន្ធ័លូតូចចូលទៅលូធំដើម្បីជំរុញឲ្យទឹកបានហូលឿនទៅស្ថានីយ៍បូមទឹកព្រែកបារាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអភិបាលខណ្ឌច្បារអំពៅខណៈដែលលោកកំពុងស្ថិតនៅទីតាំងម៉ាស៊ីនបូមទឹកបានបញ្ជាក់ថាម៉ាស៊ីនបូមទឹក៤គ្រឿងអាចជួយរុញទឹកឲ្យហូរបានលឿនដូច្នេះទឹក និងបានរំដោះទឹកចេញពីតំបន់លិចលង់(ផ្សារបឹងព្រលឹង)ឆាប់ៗ ។ នេះបើសិនជាពុំមានធ្លាក់ភ្លៀងខ្លាំងនោះ។ក្នុងនោះលោក ចេង មុនីរ៉ា អភិបាលខណ្ឌច្បារអំពៅតំណាងឲ្យបងប្អូនប្រជាពលរដ្ឋក្នុងមូលដ្ឋានខណ្ឌច្បារអំពៅសូមសំដែងក្តីរំភើបរីករាយនៅពេលដែលសម្តេចតេជោ ប្រធានគណបក្សប្រជាជនកម្ពុជាសម្តេចបានបញ្ជារឲ្យកងអង្គរក្សរបស់សម្តេចដឹកយកម៉ាស៊ីនមកបូមទឹកចេញពីតំបន់រងការលិចលង់ទាំងយប់ដូចថ្ងៃនេះ៕

អត្ថបទៈ នរា