Connect with us

ព័ត៌មានជាតិ

ប្រមុខមហាផ្ទៃ តែងតាំងលោក នុត សវនា ជាប្រធានពន្ធនាគារព្រៃស បន្ទាប់ពន្ធនាគារនេះផ្ទុះរឿងអ្នកជាប់ឃុំ ជប់លៀង

បានផុស

នៅ

លោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានតែងតាំង លោក នុត សវនា ដែលជាអ្នកនាំពាក្យ និងជាអគ្គនាយករង នៃអគ្គនាយកដ្ឋានពន្ធនាគារ ឱ្យទទួលបន្ទុកជាប្រធានមណ្ឌលអប់រំកែប្រែទី១ ឬហៅថាពន្ធនាគារព្រៃស។ នេះបើតាមប្រកាសតែងតាំងមន្ត្រីរាជការរបស់លោក ស សុខា ចេញនៅថ្ងៃទី១៦ ខែតុលា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងមាត្រា១ នៃប្រកាសស្ដីពីការតែងតាំងមន្ត្រីរាជការ បានសម្រេចថា ៖«ត្រូវបានតែងតាំង លោក ឧត្ដមអគ្គានុរក្សថ្នាក់លេខ១ នុត សវនា ឱ្យទទួលបន្ទុកជាប្រធានមណ្ឌលអប់រំកែប្រែទី១ នៃអគ្គនាយកដ្ឋានពន្ធនាគារបន្ថែមលើមុខតំណែងបច្ចុប្បន្ន»។

ការតែងតាំងនេះ ធ្វើឡើងបន្ទាប់ពីលោក ផែង វណ្ណៈ​ ផ្សព្វផ្សាយវីដេអូ ជនជាតិចិន និងជនជាតិខ្មែរ ដែលកំពុងជាប់ឃុំមួយក្រុម ធ្វើពិធីជប់លៀង រាំលេង ដែលអះអាងថានៅក្នុងមណ្ឌលអប់រំកែប្រែទី១​ឬហៅថាពន្ធនាគារព្រៃស លើបណ្ដាញសង្គមហ្វេសប៊ុក។

ម្យ៉ាងទៀត ការតែងតាំងនេះ បានធ្វើឡើងរយៈពេលមួយថ្ងៃបន្ទាប់ពីសម្ដេចធិបតី ហ៊ុន ម៉ាណែត បានប្រកាសជាផ្លូវការថា បានឯកភាពឱ្យឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ពិនិត្យដោះដូរក្បាលម៉ាស៊ីនដឹកនាំពន្ធនាគារព្រៃស ឬមណ្ឌលអប់រំកែប្រែទី១ ដើម្បីដោះស្រាយបញ្ហាអសកម្មនានាដែលបាននិងកំពុងកើតឡើងនាពេលបច្ចុប្បន្ន។

គួរឱ្យដឹងថា មណ្ឌលអប់រំកែប្រែទី១​ មានទីតាំងភូមិព្រៃស សង្កាត់ព្រៃស ខណ្ឌដង្កោ រាជធានីភ្នំពេញ។ មុនថ្ងៃទី១០ ខែកញ្ញា ប្រធានមណ្ឌលអប់រំកែប្រែទី១ ឬពន្ធនាគារព្រៃស គឺជាលោកឧត្តមអគ្គានុរក្សថ្នាក់លេខ១ យិន គន្ធ។ ប៉ុន្តែលោក យិន គន្ធ បានចូលនិវត្តន៍ពីតួនាទីជាប្រធានមណ្ឌលអ​ប់រំ និងកែប្រែទី១ ត្រឹមថ្ងៃទី០៩ ខែកញ្ញា ឆ្នាំ២០២៤។ ក្រោយការចូលនិវត្តន៍របស់លោក យិន គន្ធ មួយថ្ងៃ គឺចាប់ពីថ្ងៃទី១០ ខែកញ្ញា ឆ្នាំ២០២៤ លោកឧត្ដមអគ្គានុរក្សថ្នាក់លេខ២ ​ម៉ុង ម៉េងអ៊ាន់ ត្រូ​វបាន​តែង​តាំង​ជា​ប្រ​ធាន​ស្តី​ទី​មណ្ឌល​អប់រំកែប្រែទី១៕

រូបថត លោក យិន គន្ធ អតីតប្រធានមណ្ឌលអប់រំកែប្រែទី១។

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២៣ ម៉ោង មុន

កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក

ក្រុងប៉ោយប៉ែត
សន្តិសុខសង្គម២២ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

សន្តិសុខសង្គម៣ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានអន្ដរជាតិ២៣ ម៉ោង មុន

ការ​ខូចខាត​បឋម ព្រោះ​គ្រោះរញ្ជួយដីដ៏ខ្លាំងក្លា​ដែល​វាយប្រហារអាស៊ីអាគ្នេយ៍

ព័ត៌មានអន្ដរជាតិ២៣ ម៉ោង មុន

នាយករដ្ឋមន្ត្រី​ថៃ ដាក់​ចេញ​បទបញ្ជា​​បន្ទាន់ដើម្បី​គ្រប់គ្រង់​គ្រោះរញ្ជួយដី​

Sokha Hotels

ព័ត៌មានពេញនិយម