ព័ត៌មានជាតិ

សមត្ថកិច្ច ជូនដំណឹងដល់ពលរដ្ឋ សូមបង្កើនការប្រុងប្រយ័ត្ន ចំពោះទឹកស្ទឹងព្រែកត្នោតឡើងជិតដល់កម្រិតប្រកាសអាសន្នហើយ!

បានផុស

២ years មុន

នៅ

ថ្ងៃពុធ ២៣ តុលា ២០២៤

ដោយ

Kang Tola

ភ្នំពេញ ៖ ទឹកសណ្ដរស្ទឹងព្រែកត្នោតមានការកើនឡើងជិត ដល់កម្រិតត្រូវប្រកាសសន្នហើយ គិតត្រឹមថ្ងៃទី ២៣ ខែតុលា ឆ្នាំ២០២៤នេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្ដីជូនដំណឹង របស់ប៉ុស្តិ៍នគរបាលរដ្ឋបាលគងនយ បានបង្ហោះសេចក្តីជូនដំណឹងជូនពលរដ្ឋរស់នៅក្នុងមូលដ្ឋានមានខ្លឹមសារដូច្នេះថា សូមជូនដំណឹងដល់បងប្អូនប្រជាពលរដ្ឋរស់នៅក្នុងមូលដ្ឋានសង្កាត់ គងនយ មេត្តាជ្រាបថា ទឹកជំនន់ស្ទឹងព្រែកត្នោត បានឡើងជិតដល់កម្រិតប្រកាសអាសន្នហើយ។ អាស្រ័យហេតុនេះ សូមបងប្អូនទាំងអស់សូមមានការប្រុងប្រយ័ត្ន ចំពោះគ្រោះធម្មជាតិមួយនេះផង ។

លោកស្រី គឹម ញឹប អភិបាលនៃគណៈអភិបាលខណ្ឌដង្កោ បានប្រាប់ឱ្យដឹងថា ស្ថានភាពកម្ពស់ទឹកធម្មតា គឺមានកម្ពស់ ១១,៨០ សង់ទីម៉ែត្រ ។ ប៉ុន្តែតែទោះបីជាយ៉ាងណា សូមបងប្អូននៅតាមសណ្តស្ទឹងព្រែកត្នោតមានការប្រុងប្រយ័ត្ន។

លោកស្រីអភិបាល បានបន្តថា ជាក់ស្ដែងទំនប់ទឹកស្ពាន៧មករា ត្រូវបានជន់លិចដោយសារទឹកភ្លៀងហក់ឡើង ហើយទ្វារទឹកស្ពានកំពង់ទួល ក៏ត្រូវបើកទ្វាររំដោះទឹកដើម្បីបញ្ជៀសការជន់លិចទឹកភ្លៀងនៅតំបន់មួយចំនួនផ្នែកខាងលើ នៃខេត្តកំពង់ស្ពឺផងដែរ។

ជាមួយគ្នានេះ លោកស្រី អភិបាលខណ្ឌដង្កោ ក៏សូមអំពាវនាវដល់ពលរដ្ឋ ដែលរស់នៅក្នុងខណ្ឌដង្កោទាំងមូល ជាពិសេសអ្នករស់នៅតាមសណ្តរមាត់ស្ទឹងព្រែកត្នោត មេត្តាបង្កើនការប្រុងប្រយ័ត្ន ឱ្យបានខ្ពស់ បង្ការការពារជៀសវាងមានគ្រោះថ្នាក់ចៃដន្យណាមួយកើតឡើង។

សូមជម្រាបផងដែរថា ស្ទឹងព្រែកត្នោតគឺអាងស្តុកទឹកស្រាប់បងប្អូនប្រជាកសិកស្រោចស្រព ហើយក៏ជាទ្វារទឹកដ៏សំខាន់សម្រាប់រំដោះទឹកជន់លិចតំបន់ទំនាប់ៗមួយចំនួនក្នុងមូលដ្ឋានខេត្តកំពង់ស្ពឺ ដែលហូរតាមសណ្ដរស្ទឹងព្រែកត្នោតឆ្លងកាត់មូលដ្ឋានរាជធានីភ្នំពេញនិងខេត្តកណ្ដាល៕

អត្ថបទ ៖ រដ្ឋា