ព័ត៌មានជាតិ
កម្ពុជា-ចិន បង្កើនកិច្ចសហការអភិវឌ្ឍបច្ចេកវិទ្យា និងជំរុញការអភិវឌ្ឍសេដ្ឋកិច្ចឌីជីថល
វេទិកាកិច្ចសហប្រតិបត្តិការសេដ្ឋកិច្ចឌីជីថល ២០២៤ និងពិធីសម្ពោធសមាគមឧស្សាហកម្មសេដ្ឋកិច្ចឌីជីថលចិនកម្ពុជា បានប្រកាសរៀបចំំឡើង ក្នុងគោលដៅពង្រឹងនិងពង្រីកកិច្ចសហការរវាងកម្ពុជាចិនបន្ថែមទៀត ជាពិសេសលើផ្នែកបច្ចេកវិទ្យាក៏ដូចជាក្នុងការជំរុញការអភិវឌ្ឍសេដ្ឋកិច្ចឌីជីថលជារួមរបស់ប្រទេសទាំងពីរកម្ពុជាចិន។
ថ្លែងនៅក្នុងពិធីបើកវេទិកាកិច្ចសហប្រតិបត្តិការសេដ្ឋកិច្ចឌីជីថល ២០២៤ និងពិធីសម្ពោធសមាគមឧស្សាហកម្មសេដ្ឋកិច្ចឌីជីថលចិនកម្ពុជានៅព្រឹកមិញនេះ លោក អូន ព័ន្ធមុនីរ័ត្ន ឧបនាយករដ្ឋមន្រ្តិ និងជារដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុបានកត់សម្គាល់ថា ក្នុងរយៈពេលប៉ុន្មានឆ្នាំចុងក្រោយនេះ បច្ចេកវិទ្យាឌីជីថលមានការរីកចម្រើនយ៉ាងរហ័ស និងបានក្លាយជាជន្ទល់ថ្មីមួយបន្ថែមសម្រាប់គាំទ្រកំណើននិងធានាភាពធន់សេដ្ឋកិច្ច។
បច្ចេកវិទ្យាឌីជីថលបានជំរុញនវានុវត្តន៍ថ្មីៗដែលរូមចំណែកបង្កើតតម្លៃបន្ថែម បង្កើតផលិតភាពប្រសិទ្ធភាព ការងារ និងក្លាយជាកត្តាជំរុញការតភ្ជាប់ពាណិជ្ជកម្មជាមួយសេដ្ឋកិច្ចសកល។
សម្រាប់កម្ពុជា ការអភិវឌ្ឍសេដ្ឋកិច្ចឌីជីថលត្រូវបានចាត់ទុកជាចលករសំខាន់មួយក្នុងដំណើរការអភិវឌ្ឍន៍សេដ្ឋកិច្ច។ នេះបើតាមលោក អូន ព័ន្ធមុនីរ័ត្ន។
លោក អូន ព័ន្ធមុនីរ័ត្ន បញ្ជាក់ថា រដ្ឋាភិបាលនីតិកាលកាលទី ៦ បានប្រកាសដាក់ឲ្យអនុវត្តក្របខណ្ឌគោលនយោបាយសេដ្ឋកិច្ចនិងសង្គមឌីជីថលកម្ពុជា (២០២១- ២០៣៥) និងគោលនយោបាយរដ្ឋាភិបាលឌីជីថល (២០២២-២០៣៥) ដែលជាឯកសារគោលនយោបាយរយៈពេលវែង សម្រាប់ជាត្រីវិស័យរៀបចំបរិវត្តកម្មឌីជីថលកម្ពុជា។
រដ្ឋាភិបាលនីតិកាលទី ៧ នេះដែរ ក៏បានដាក់ចេញយុទ្ធសាស្ត្របញ្ចកោណដំណាក់កាលទី ១ ដើម្បីកំណើនការងារ សមធម៌ ប្រសិទ្ធិភាព និងចីរភាព ដោយផ្តោតសំខាន់លើរបៀបវារៈធានាប្រសិទ្ធភាពសមិទ្ធកម្មតាមរយៈការអនុវត្តអភិក្រម ឆ្លុះកញ្ចក់ ងូតទឹក ដុះក្អែល ព្យាបាល និងវះកាត់។
យុទ្ធសាស្ត្របញ្ចកោណដំណាក់ទី ១ បានកំណត់អាទិភាពគន្លឹះ ៥ គឺ មនុស្ស ផ្លូវ ទឹក ភ្លើង និងបច្ចេកវិទ្យា ជាពិសេសបច្ចេកវិទ្យាឌីជីថល។ បច្ចេកវិទ្យាឌីជីថលត្រូវបានកំណត់ជាអាទិភាពគន្លឹះថ្មីមួយ ដើម្បីឆ្លើយតបបដិវត្តកម្មឧស្សាហកម្ម ៤.០ និងបរិវត្តកម្មឌីជីថលនៃសេដ្ឋកិច្ចនិងសង្គមកម្ពុជា ក៏ដូចជាឆ្លើយតបតម្រូវការក្នុងការលើកកម្ពស់ផលិតភាពសេដ្ឋកិច្ចដែលជាគ្រឹះ និងជាមធ្យោបាយក្នុងការសម្រេចឲ្យបានចក្ខុវិស័យប្រែក្លាយកម្ពុជាជាប្រទេសមានចំណូលខ្ពស់នៅឆ្នាំ ២០៥០។
ចូលរួមក្នុងឱកាសបើកវេទិកាកិច្ចសហប្រតិបត្តិការសេដ្ឋកិច្ចឌីជីថល ២០២៤ និងពិធីសម្ពោធសមាគមឧស្សាហកម្មសេដ្ឋកិច្ចឌីជីថលចិនកម្ពុជា លោក វ៉ាង វិនពីន ឯកអគ្គរាជទូតចិនប្រចាំនៅកម្ពុជាបានគូសបញ្ជាក់ថា បច្ចុប្បន្នរង្វង់ជុំថ្មីមួយនៃការអភិវឌ្ឍស៊ីជម្រៅនូវបដិវត្តបច្ចេកវិទ្យា និងបរិវត្តកម្មឧស្សាហកម្ម បានប្រែក្លាយសេដ្ឋកិច្ចឌីជីថលទៅជាចំណុចកំណើតថ្មីនៃសេដ្ឋកិច្ចសកល បរិវត្តកម្ម សង្គមឌីជីថលគឺជានិន្នាការរួមទៅហើយ។
លោកបន្តថា យុទ្ធសាស្ត្របញ្ចកោណដំណាក់កាល់ទី១ របស់រដ្ឋាភិបាលកម្ពុជា បានកំណត់យកការអភិវឌ្ឍសេដ្ឋកិច្ចឌីជីថល និងការកសាងសង្គមឌីជីថល ជាអាទិភាពគន្លឹះមួយក្នុងចំណោមអាទិភាពគន្លឹះផ្សេងទៀត។ រាជរដ្ឋាភិបាលកម្ពុជាក៏បានផ្តល់សារៈសំខាន់ការបណ្តុះបណ្តាលធនធានមនុស្សវិស័យឌីជីថល ជំរុញការបង្កើតវិទ្យាស្ថានបច្ចេកវិទ្យាឌីជីថល ដើម្បីបង្កើតលក្ខខណ្ឌកាន់តែល្អប្រសើរដល់ការជំរុញការប្រើប្រាស់បច្ចេកវិទ្យាឌីជីថល។
ទាក់ទងការបង្កើតសមាគមឧស្សាហកម្មសេដ្ឋកិច្ចឌីជីថល ចិន-កម្ពុជា លោក វ៉ាង វិនពីន អះអាងថា គឺចំពេលវេលាដែលត្រឹមត្រូវ បង្ហាញយ៉ាងកាន់តែច្បាស់អំពីការផ្តល់សារៈសំខាន់កាន់តខ្លាំងទៅលើកិច្ចសហប្រតិបត្តិការលើវិស័យសេដ្ឋកិច្ចឌីជីថលរវាងប្រទេសចិននិងកម្ពុជា៕
ផ្លូវថ្មើរជើង ៖ រដ្ឋបាលរាជធានីមិនអនុញ្ញាតឱ្យក្រាលកន្ទេល លក់ដូរលើសួនច្បារ និង លើស្មៅទេ
ចតរថយន្តក្បែរផ្លូវរថភ្លើងទៅហូបបាយមួយភ្លែត ត្រូវរថភ្លើងបុករុញចូលផ្ទះ
ភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
ព្រះខ័នរាជស្វាយរៀង បន្តឈរកំពូលតារាងរឹងមាំ ដោយនាំមុខពិន្ទុ ភ្នំពេញក្រោន កាន់តែច្រើន
ចំនួនអ្នកស្លាប់ក្នុងគ្រោះរញ្ជួយដីនៅមីយ៉ាន់ម៉ាកើនលើស៣៣០០នាក់
បាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
ចតរថយន្តក្បែរផ្លូវរថភ្លើងទៅហូបបាយមួយភ្លែត ត្រូវរថភ្លើងបុករុញចូលផ្ទះ
ភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
រយៈពេលជិត១០ម៉ោង មីយ៉ាន់ម៉ាជួបការរញ្ជួយដីច្រើនលើក
តម្លៃហាងឆេងមាសដាំក្បាលចុះ ១០០ ដុល្លារ
-
ព័ត៌មានជាតិ៤ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៤ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ១២ ម៉ោង agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានជាតិ៣ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ព័ត៌មានអន្ដរជាតិ៣ ថ្ងៃ agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ចរាចរណ៍៥ ថ្ងៃ agoរថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៥ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ២ ថ្ងៃ agoBreaking News! ផ្ទុះការបាញ់គ្នាដ៏រន្ធត់ នៅក្បែរផ្សារខេត្ត Samut Prakan ប្រទេសថៃ