ព័ត៌មានជាតិ
រដ្ឋបាលខណ្ឌឫស្សីកែវ បញ្ជាកម្លាំងចុះទប់ស្កាត់ការហូរកំប្លោក និងកាកសំណល់នានា ត្រង់ចំណុចស្ពានព្រែកព្នៅ
រដ្ឋបាលខណ្ឌឫស្សីកែវ បានរៀបចំកៀងកៀរដុំកំប្លោកអែបមកមាត់ច្រាំងទន្លេសាប រហូតដល់ថ្ងៃបញ្ចប់ នៃព្រះរាជពិធីបុណ្យ «អុំទូក សំពះព្រះខែ អកអំបុក និងបណ្ដែតប្រទីប»។
ជាក់ស្ដែងនៅថ្ងៃទី ១២ ខែវិច្ឆិកា ឆ្នាំ ២០២៤ នេះ លោក ស្មាស់ រិទ្ធី និង លោក ប៊ុត បូវណ្ណារ័ត្ន អភិបាលរងឫស្សីកែវ ដឹកនាំដោយកម្លាំងគណៈបញ្ជាការឯកភាព ចុះទប់ស្កាត់ការហូរកំប្លោក និងកាកសំណល់នានា ត្រង់ចំណុចស្ពានព្រែកព្នៅ ដែលហូរតាមដងទន្លេសាបឆ្ពោះទៅកាន់ព្រះបរមរាជវាំង ជាទីប្រារព្ធព្រះរាជពិធីបុណ្យអុំទូក បណ្ដែតប្រទីប អកអំបុក និងសំពះព្រះខែ រយៈពេល ៣ ថ្ងៃ ចាប់ពីថ្ងៃទី ១៤-១៦ ខែវិច្ឆិកា ឆ្នាំ ២០២៤ ដែលនៅសល់តែប៉ុន្មានទៀតប៉ុណ្ណោះ។
រដ្ឋបាលរាជធានីភ្នំពេញ ក៏បានរៀបកងកម្លាំងប្រដាប់អាវុធគ្រប់ប្រភេទការពារនូវសុវត្ថិភាព សន្តិសុខ សណ្ដាប់ធ្នាប់ ភ្ញៀវជាតិ និងអន្តរជាតិ និងប្រជាពលរដ្ឋ ក្នុងព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ដើម្បីឱ្យព្រះរាជពិធីនេះប្រព្រឹត្តទៅប្រកបដោយភាពសប្បាយរីករាយ។
សូមបញ្ជាក់ថា ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំនេះ នឹងប្រព្រឹត្តទៅរយៈពេល ៣ ថ្ងៃ គឺថ្ងៃព្រហស្បតិ៍ សុក្រ និងសៅរ៍ ទី ១៤-១៥-១៦ ខែវិច្ឆិកា ឆ្នាំ ២០២៤ ដោយមានទូកងចូលរួមប្រកួតប្រជែងចំនួន ៣៤៦ ទូក លើសពីឆ្នាំកន្លងទៅ ៩ ទូក និងមានកីឡាករចំណុះទូកប្រមាណជាង ២ ម៉ឺននាក់ និងប្រទីបចំនួន ៣៥ ប្រទីប៕
អត្ថបទ ៖ ម៉េង
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៦ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ