ព័ត៌មានជាតិ
សម្ដេចក្រឡាហោម ស ខេង ប្រាប់ឲ្យអាជ្ញាធរខេត្តនៅជាប់ព្រំដែន បង្កើនការយកចិត្តទុកដាក់ទប់ស្កាត់ការលបលួចចួលតាមព្រំដែន
សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានស្នើឲ្យអាជ្ញាធរខេត្តនៅជាប់ព្រំដែន បង្កើនការយកចិត្តទុកដាក់ទប់ស្កាត់ការលបលួចចួលតាមព្រំដែន ហើយបើចាប់បាននៅច្រកណា ត្រូវតែបញ្ជូនចេញតាមច្រកនោះ ឬបណ្ដេញចេញពីប្រទេសកម្ពុជា។
សម្ដេចក្រឡាហោម ស ខេង បញ្ជាក់ថា អ្នកដែលចូលមកតាមច្រកផ្លូវការនោះ គឺស្រួលគ្រប់គ្រង ហើយក៏ស្រួលដោះស្រាយដែរ។ មានន័យថា ចូលតាមច្រកណា យើងត្រូវចាប់បញ្ជូនតាមច្រកនោះវិញ។ តែបញ្ហាសំខាន់ គឺការលួចលាក់ចូលតាមច្រករបៀង ដោយមិនមានសមត្ថកិច្ចណាដឹង ហើយក្រោយមកទើបយើងរកឃើញ នេះជាបញ្ហាលំបាក។ ជាមួយគ្នានោះ សម្ដេចក្រឡាហោម ស ខេង បានស្នើឱ្យខេត្តដែលនៅជាប់ព្រំដែន និងមានច្រកចេញចូលបង្កើនការគ្រប់គ្រងឲ្យច្បាស់លាស់។ ចំណែកនៅច្រកអន្តរជាតិ មានផ្នែកអន្តោប្រវេសន៍ ជាអ្នកទទួលខុសត្រូវ។
សម្ដេចក្រឡាហោម ស ខេង លើកឡើងដែរថា បើមានករណីលបលួចចូលមកតាមច្រកអន្តរជាតិ ឬច្រកតំបន់ សមត្ថកិច្ចនៅតាមព្រំដែន នៅពេលពិនិត្យមិនឃើញមានក្រដាសស្នាមបញ្ជាក់ ត្រូវតែបញ្ជូនត្រឡប់ទៅវិញ ឬត្រូវតែបណ្ដេញចេញ ដែលករណីនេះពាក់ព័ន្ធរដ្ឋមន្ត្រីក្រសួងមហាផ្ទៃ។ ចំពោះការដោះស្រាយជាមួយស្ថានទូតចិន ឬស្ថានទូតណាផ្សេងទៀត គឺធ្វើតាមលំដាប់លំដោយ។ តែបញ្ហាសំខាន់ គឺត្រូវពង្រឹងការចូល កុំឲ្យចូលមកបាន ហើយត្រូវយកចិត្តទុកដាក់ចាត់ចែងឲ្យបានល្អ៕
កោះកែវ
-
សន្តិសុខសង្គម៤ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច២ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៧ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ សប្តាហ៍ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៦ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៧ ថ្ងៃ agoកុលបុត្រកុលធីតា ៣២៨រូប ចូលរួមពិធីបួសនៅវត្តព្រះឥន្ទទេព ដើម្បីតបស្នងសងគុណ និងអបអរសាទរវិសាខបូជា
-
ព័ត៌មានជាតិ១៩ ម៉ោង agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៣ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី