ព័ត៌មានជាតិ

សូមកុំភ្ញាក់ផ្អើល ខណៈនេះគ្រូពេទ្យចុះទៅយកសំណាកពីអ្នកពាក់ព័ន្ធក្នុងបុរី ប៉េង ហួត ជាលើកទី២ទេ

បានផុស

៥ years មុន

នៅ

ថ្ងៃចន្ទ ១៥ មីនា ២០២១

ដោយ

អាជ្ញាធរខណ្ឌច្បារអំពៅ បានសហការណ៍ជាមួយក្រុមគ្រូពេទ្យស្ម័គ្រចិត្តសម្តេចតេជោ ចុះទៅយកសំណាកពីអ្នកពាក់ព័ន្ធជំងឺកូវីដ១៩ ជាលើកទី២ក្នុងព្រឹត្តិការណ៍ថ្ងៃទី២០កុម្ភៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីលោក គុយ គឹមហ៊ាង មន្ត្រីសាលាខណ្ឌច្បារអំពៅទទួលបន្ទុកតាមដានសភាពការណ៍ជំងឺកូវីដ១៩បានឲ្យដឹងថា ក្នុងរយៈពេល២ថ្ងៃជាប់គ្នា គឺថ្ងៃទី១៤និង១៥ខែមីនានេះ ក្រុមគ្រូពេទ្យស្ម័គ្រចិត្តសម្តេចតេជោ សហការណ៍ជាមួយអាជ្ញាធរខណ្ឌច្បារអំពៅ បានចុះទៅយកសំណាកពីជនជាតិចំនួន៩នាក់ ដែលកំពុងដាក់ខ្លួនជាចត្តាឡីសក័ក្នុងផ្ទះលេខ២៩៧ផ្លូវប៉ូឡារីស(បុរីប៉េង ហួត គម្រោង៧)ក្នុងភូមិបឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញក្នុងព្រឹត្តិការណ៍សហគមន៍២០កុម្ភៈមកនោះ។

លោក គុយ គឹមហ៊ាង បានបញ្ជាក់នេះ ជាលើកទី២ហើយ ដែលអាជ្ញាធរនឹងក្រុមគ្រូពេទ្យស្ម័គ្រចិត្តសម្តេចតេជោ ចុះទៅយកសំណាកអ្នកពាក់ព័ន្ធជំងឺកូវីដ១៩ ក្នុងព្រឹត្តិការថ្ងៃទី២០ខែកុម្ភៈ។ដូច្នេះសូមបងប្អូនប្រជាពលរដ្ឋ កុំមានការភាន់ច្រឡំខ្លាចក្រែងមានអ្នកវិជ្ជមានកូវីដ១៩នៅទីតាំង ដែលគ្រូពេទ្យទៅយកសំណាកជាលើកទី២។ ហើយការចុះយកសំណាកនេះ គឺធ្វើឡើងរហូតដល់ថ្ងៃទី១៥ខែមីនានេះ រហូតដល់អស់។ គួរបញ្ជាក់ថា ចាប់តាំងពីថ្ងៃទី១៤រហូតដល់១៥ខែមីនានេះ មានចចាមអារ៉ាមថានៅក្នុងបុរី ប៉េង ហួត គម្រោង៧មានអ្នកជាប់វិជ្ជមានកូវីដ១៩ទៀតហើយធ្វើឲ្យប្រជាពលរដ្ឋមានការភ័យខ្លាច។ តែធាតុពិតគ្រូពេទ្យចុះទៅយកសំណាកលើកទី២ ពីអ្នកពាក់ព័ន្ធបន្ទាប់ពីយកសំណាកលើកទី១គឺពុំអវិជ្ជមានទាំងអស់៕

អត្ថបទ៖ នរា

សូមចុចអាន៖ ពលរដ្ឋ៤៧នាក់ ត្រូវអនុញ្ញាតឲ្យទៅលំនៅដ្ឋានវិញ

Related Topics:ខណ្ឌច្បារអំពៅ កូវីដ-១៩ យកសំណាក

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា