ព័ត៌មានជាតិ

ប្រហែសមិនបានទេ គ្រូពេទ្យចុះទៅខណ្ឌច្បារអំពៅចុះទៅយកអ្នកវិជ្ជមានកូវីដទាំងយប់

បានផុស

៥ years មុន

នៅ

ថ្ងៃចន្ទ ១៥ មីនា ២០២១

ដោយ

Kang Tola

ភ្នំពេញ ៖ ពិតជាប្រហែសមិនបានទេ ខណៈជំងឺកូវីដ១៩ដ៏កាចសាហាវកំពុងចម្លងយ៉ាងពេញបន្ទុកមកលើមនុស្សមិនថាអ្នកមានឬអ្នកក្រឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងចាប់តាំងពីព្រលប់រហូតដល់យប់ទៅហើយក៏គ្រូពេទ្យបង្អែកខណ្ឌច្បារអំពៅរួមទាំងអាជ្ញាធរបានចុះទៅយកអ្នកផ្ទុកជំងឺកូវីដ១៩ចំនួន៣នាក់ យកមកមន្ទីរពេទ្យភ្លាមៗ។

យោងតាមប្រភពពីលោកគុយ គឹមហ៊ាង មន្ត្រីសាលាខណ្ឌច្បារអំពៅទទួលបន្ទុកតាមដានសភាពការជំងឺកូវីដបានឲ្យដឹងថា មកដល់យប់ថ្ងៃទី១៥ខែមីនានេះគ្រូពេទ្យបង្អែកខណ្ឌច្បារអំពៅរួមទាំងអាជ្ញាធរបានចុះទៅយកអ្នកផ្ទុកវីរូសកូវីដ១៩ចំនួន៣នាក់ក្នុងនោះមានម្នាក់ស្ថិតក្នុងផ្ទះលេខ៩ផ្លូវជាតិលេខ១ភូមិដើមអំពិលសង្កាត់ច្បារអំពៅទី១និង២នាក់ទៀតស្នាក់នៅផ្ទះលេខ២៩៧ផ្លូវប៉េឡារីស បុរីប៉េង ហួត ភូមិបឹងឈូក សង្កាត់និរោធ។

លោក គុយ គឹម ហ៊ាង បានបញ្ជាក់ថាមកដល់យប់នេះក្នុងមូលដ្ឋានខណ្ឌច្បារអំពៅរាជធានីភ្នំពេញរកឃើញទីតាំងចត្តាឡីស័កចំនួន២១ហើយដែលភាគច្រើននៅសង្កាត់និរោធតែម្តង។ លោកសុំឲ្យប្រជាពលរដ្ឋត្រូវប្រុងប្រយ័ត្ននូវជំងឺដ៏កាចសាហាវនេះកុំមើលស្រាលឲ្យសោះ៕

ដោយ ៖ នរា