ក្រុមប្រឹក្សាអភិវឌ្ឍន៍​កម្ពុជា ​​បើកកិច្ចប្រជុំចង្អៀត ពិនិត្យសំណើវិនិយោគ ១៧ គម្រោង មាន​ទុន​វិនិយោគ​ប្រមាណ ១៥០ លានដុល្លារ

គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា នៅព្រឹកមិញនេះបានរៀបចំកិច្ចប្រជុំច្រកចេញចូលតែមួយ ដើម្បីពិនិត្យពិភាក្សាលើសំណើសុំចុះបញ្ជីគម្រោងវិនិយោគចំនួន ១៧គម្រោង ក្រោមអធិបតីភាពលោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា។

កិច្ចប្រជុំ​ដែលមានការ​ចូលរួមពីតំណាងក្រសួង ស្ថាប័ន និងរដ្ឋបាលរាជធានីខេត្តពាក់ព័ន្ធ ដើម្បី​ពិនិត្យ​គម្រោងវិនិយោគចំនួន ១៧ ដែល​មានទុនវិនិយោគសរុបប្រមាណ ១៥០ លានដុល្លារអាម៉េរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមមន្រ្តី​ក្រុមប្រឹក្សាអភិវឌ្ឍន៍កម្ពុជា គម្រោង​វិនិយោគទាំងនេះ មានមុខសញ្ញាវិនិយោគក្នុងវិស័យកសិកម្ម និងកសិ-ឧស្សាហកម្ម​ចំនួន ១ គម្រោង (បង្កើតរោងចក្រកែច្នៃជ័រកៅស៊ូ) និងក្នុងវិស័យឧស្សាហកម្មចំនួន ១៦ គម្រោង (បង្កើត​រោងចក្រ​កែច្នៃលោហធាតុ, ផ្គុំដំឡើងគ្រឿងអេឡិចត្រូនិក, ផលិតអំពូលភ្លើងនិងបរិក្ខារអគ្គិសនី, ផលិតគ្រឿងសង្ហារិម, ផលិតផ្កានិងផ្លែឈើសិប្បនិម្មិត, ផលិតឧបករណ៍ជាងនិងឧបករណ៍ប្រើប្រាស់ក្នុងយានដ្ឋាន, ផលិតចង្ក្រាននិង​ឡចម្អិន, ផលិត​សម្ភារៈវេចខ្ចប់, ផលិតសម្ភារៈសម្រាប់បោះជំរុំ, ខារអំបោះ, បោកគក់និងជ្រលក់ពណ៌) ដោយបានបោះទីតាំងវិនិយោគ​នៅរាជធានីភ្នំពេញ, ខេត្តកំពង់ស្ពឺ, ខេត្តតាកែវ, ខេត្តត្បូងឃ្មុំ, ខេត្តស្វាយរៀង, ខេត្តកំពង់ឆ្នាំង និងខេត្តបន្ទាយមានជ័យ។

មន្រ្តី​ក្រុមប្រឹក្សាអភិវឌ្ឍន៍កម្ពុជា បានគូស​បញ្ជាក់ថា តាមរយៈ​គម្រោង​វិនិយោគ​ទាំងនេះ ​អាចបង្កើតការងារបានចំនួនប្រមាណ ៩ ពាន់កន្លែង៕