Connect with us

ព័ត៌មានជាតិ

អន្តរាគមន៍ជួយសង្គ្រោះស្រូវកសិករនៅឃុំព្រែកសាម៉ាន់ សម្រេចបាន ១៨៤ ហិកតា លើ​ផ្ទៃដីសរុប ៤៨៣ ហិកតា

បានផុស

នៅ

រយៈពេល ១៤ ថ្ងៃ ការចុះអន្តរាគមន៍បូម​ទឹកជួយសង្គ្រោះស្រូវកសិករនៅឃុំព្រែកសាម៉ាន់ សម្រេចបាន ១៨៤ហិកតា ក្នុងចំណោមផ្ទៃដីសរុបចំនួន ៤៨៣ហិកតា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មានផ្ទៃដីស្រែប្រាំងសរុបចំនួន ៤៨៣ហិកតា មាន ៣ភូមិ ស្មើនឹងប្រជាពលរដ្ឋចំនួន ៣៨៩គ្រួសារ នៅឃុំព្រែកសាម៉ាន់ ស្រុកឆ្លូង ដែលកំពុងត្រូវបានអាជ្ញាធរខេត្តក្រចេះ ចុះអន្តរាគមន៍បូកទឹកជួយសង្គ្រោះទាន់ពេលវេលា។ នេះតាមការឲ្យដឹងពីលោក ព្រំ លាភ សមាជិកក្រុមប្រឹក្សាឃុំព្រែកសាម៉ាន់ បានឲ្យ កម្ពុជាថ្មី ដឹងនៅព្រឹកថ្ងៃទី៣០ ខែមករា ឆ្នាំ២០២៥នេះ ។

សមាជិកក្រុមប្រឹក្សាឃុំរូបនេះ​បានឲ្យដឹងបន្តថា សកម្មភាពបូមទឹកជួយសង្គ្រោះស្រូវប្រាំងរបស់ប្រជាកសិករនៅក្នុងឃុំរបស់លោក គិតត្រឹមថ្ងៃទី៣០ ខែមករានេះ គឺមានរយៈពេល ១៤ ថ្ងៃមកហើយ ជាលទ្ធផលសម្រេចបាន ១០០ ភាគរយ លើផ្ទៃដីចំនួន ១៨៤ ហិកតា ក្នុងចំណោមផ្ទៃដីសរុបចំនួន ៤៨៣ហិកតា ដោយបាននឹងកំពុងតែដំណើរការដំឡើងម៉ាស៊ីន បូមទឹកបន្ថែមទៀត ឆ្លើយតបតាមតម្រូវការចាំបាច់ និងតាមដានបន្តការវិវដ្តស្រូវដែលមានអាយុនៅតិច ប៉ុន្តែរហូតមកដល់ពេលនេះ ពុំទាន់មានស្រូវស្រែណាមួយរងគ្រោះនៅឡើយទេ។

នៅក្នុងកិច្ចអន្តរាគមន៍បូមទឹកជួយសង្គ្រោះដំណាំស្រូវរដូវប្រាំងជូនប្រជាកសិករនៅក្នុងឃុំព្រែកសាម៉ាន់នេះដែរ រាជរដ្ឋាភិបាលកម្ពុជា តាមរយៈក្រុមការងាររបស់រាជរដ្ឋាភិបាលចុះជួយមូលដ្ឋានខេត្តក្រចេះ ក្រសួងកសិកម្ម រុក្ខាប្រមាញ់ និងនេសាទ ក៏ដូចជាអាជ្ញាធរថ្នាក់ខេត្ត មន្ទីរពាក់ព័ន្ធ បានប្រើប្រាស់នូវម៉ាស៊ីនបូមទឹកសរុបចំនួន ៥ គ្រឿង និងឧបត្ថម្ភប្រេងសរុបចំនួន ១០ ៥០០លីត្រ។

តាមការបញ្ជាក់ពីលោក ព្រំ លាភ នៅក្នុងកិច្ចអន្តរាគមន៍បូមទឹកជួយសង្គ្រោះស្រូវប្រាំងនេះ តាមការប៉ាន់ស្មានគ្រោងនឹងចំណាយពេលជាង ១ ខែ និងចំណាយប្រេងសរុបចំនួន ១៣ ៥០០ លីត្រ ខណៈបច្ចុប្បន្នក្រុមការងារមានប្រេងចំនួន ១០ ៥០០ លីត្រ នៅខ្វះប្រេងចំនួន ៣ ០០០ លីត្របន្ថែមទៀត នេះបើគិតតាំងពីចាប់ផ្តើមរហូតដល់បញ្ចប់ ការជួយសង្គ្រោះចប់សព្វគ្រប់នោះ។

តាមរយៈការជួយអន្តរាគមន៍បូមទឹកជួយសង្គ្រោះស្រូវរបស់ប្រជាកសិករពីសំណាក់រាជរដ្ឋាភិបាលកម្ពុជា លោក រ៉េត ស៊ីនុន ជាកសិកររស់នៅក្នុងឃុំព្រែកសាម៉ាន់បានឲ្យកម្ពុជាថ្មីដឹងថា ការ​ស្វះស្វែងបូមទឹកជួយដល់កសិករទាន់ពេលវេលា ទោះបីជាមិនទាន់គ្រប់បរិបូរ ប៉ុន្តែក៏គ្រប់គ្រាន់ដែរ។ លោកឲ្យដឹងបន្តថា សម្រាប់រូបលោក មានដីស្រែចំនួន ១ ហិកតាកន្លះ ធ្វើស្រូវពូជប្រភេទ ៥៤៥១ ដែលអាចទទួលបានទិន្នផលស្រូវចម្លោះពី ៩ តោន ទៅ ១០តោន ប្រសិនបើមានទឹកគ្រប់គ្រាន់៕

អត្ថបទ ប្រុញ វិធិន

Helistar Cambodia - Helicopter Charter Services
Sokimex Investment Group
ព័ត៌មានជាតិ១៨ នាទីutes មុន

សមត្ថកិច្ច​នឹង​រៀប​ចំ​ចំណតយានយន្ត​សម្រាប់​អ្នក​មក​ចូលរួមសង្រ្កាន្តវត្តភ្នំ ពីថ្ងៃទី១៤ ដល់ថ្ងៃទី១៦ខែមេសា

ព័ត៌មានជាតិ៤២ នាទីutes មុន

រដ្ឋមន្ត្រីឧស្សាកម្ម៖ សហគ្រាសធុនតូច-មធ្យម រួមចំណែក ៥៨% ផលិតផលក្នុងស្រុកសរុប

សេដ្ឋកិច្ច២ ម៉ោង មុន

អ្នករត់តាក់ស៊ី៖ បច្ចុប្បន្ន រប​រដឹកអ្នកដំណើរមិនសូវកាក់កប ប៉ុន្ដែជំនួសដោយការផ្ញើអីវ៉ាន់

ព័ត៌មានអន្ដរជាតិ២ ម៉ោង មុន

ធនាគារកណ្ដាលរុស្ស៊ីព្រួយបារម្ភពីហានិភ័យសេដ្ឋកិច្ច ជុំវិញការធ្លាក់ចុះតម្លៃប្រេង

ព័ត៌មានអន្ដរជាតិ២ ម៉ោង មុន

របកគំហើញ​ថ្មី! អ្នក​វិទ្យាសាស្ត្រ​អាច​បង្កាត់​​សត្វមួយ​ប្រភេទ​ដែល​ផុតពូជ​ជាង​ ១ម៉ឺន​ឆ្នាំ​មុន

លោក ជួន ណារិន្ទ
សន្តិសុខសង្គម១០ ម៉ោង មុន

លោក ជួន ណារិន្ទ៖ សមត្ថកិច្ចមិនអនុញ្ញាតឲ្យយក​ដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ

ព័ត៌មានជាតិ៧ ម៉ោង មុន

ទារលុយមិនបានហើយ ត្រូវកូនបំណុលប្តឹងពីបទគំរាមកំហែងហែកកេរ្តិ៍ទៀត! តើអ្វីទៅ ជាអំពើគំរាមកំហែងហែកកេរ្តិ៍?

ចរាចរណ៍៤ ម៉ោង មុន

ក្រឡាប់រថយន្តដឹកមាន់ សង្កត់រថយន្តអ្នកដំណើរ កៀបជាប់មនុស្ស ០៤ នាក់ នៅស្រុកមុខកំពូល

ព័ត៌មានអន្ដរជាតិ៩ ម៉ោង មុន

លោក ត្រាំ ឲ្យ EU ចាយ​លុយ​៣៥០​ពាន់​លាន​ដុល្លារ​ទិញ​ថាមពល​ពី​អាមេរិក ដើម្បី​បន្ធូរបន្ថយ​ពន្ធ

ព័ត៌មានអន្ដរជាតិ១១ ម៉ោង មុន

ម៉ាក្រុង ទាមទារឲ្យប្រើធម៌ក្តៅលើរុស្ស៊ី បើពូទីន មិនព្រមឈប់បាញ់នៅអ៊ុយក្រែន

Sokha Hotels

ព័ត៌មានពេញនិយម