ព័ត៌មានជាតិ

អ្នកសារព័ត៌មានជាង ៥០ នាក់ ចុះទៅខេត្តមណ្ឌលគិរី-ក្រចេះ ផ្សព្វផ្សាយពីឧស្សាហកម្មរ៉ែ និងកសិឧស្សាហកម្មទេសចរណ៍

បានផុស

១ year មុន

នៅ

ថ្ងៃព្រហស្បតិ៍ ១៣ កុម្ភៈ ២០២៥

ដោយ

ក្លឹបអ្នកកាសែតកម្ពុជា នៅព្រឹកថ្ងៃទី១៣ ខែកុម្ភៈ ឆ្នាំ២០២៥ នេះ បានដឹកនាំអ្នកសារព័ត៌មានជាង ៥០ នាក់ ដែលមកពីជាង ២០ ស្ថាប័នផ្សេងគ្នា ចុះបេសកកម្មទ្រង់ទ្រាយធំទៅកាន់ខេត្តមណ្ឌលគិរី និងខេត្តក្រចេះ ដើម្បីផ្សព្វផ្សាយព័ត៌មានទ្រង់ទ្រាយធំពីឧស្សាហកម្មរ៉ែ និងកសិឧស្សាហកម្មទេសចរណ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បេសកកម្មនេះ មានរយៈពេល ៤ ថ្ងៃពេញ គឺចាប់ពីថ្ងៃទី១៣ ដល់១៦ ខែកុម្ភៈ ឆ្នាំ២០២៥ ដែលដឹកនាំដោយ ក្លិបអ្នកកាសែតកម្ពុជា ដោយរំពឹងថា អត្ថបទសារព័ត៌មានរាប់រយចេញជា ៥ ភាសា ខ្មែរ, បារាំង, វៀតណាម, ចិន និង អង់គ្លេស នឹងត្រូវបានផ្សព្វផ្សាយទាំងក្នុង និងក្រៅប្រទេស ដែលជាការរួមចំណែកដល់ការស្រូបយក អ្នកវិនិយោគជាតិ និងអន្តរជាតិនិង ភ្ញៀវទេសចរបន្ថែមទៀតមកកាន់ខេត្តភាគឦសានទាំងពីរនេះ។

លោក ពុយ គា ប្រធានក្លិបអ្នកកាសែតកម្ពុជា បានថ្លែងថា របេសកកម្មលើកនេះហាក់ប្លែកបន្តិចពី បេសកកម្មកន្លងមក ដោយយើងបានផ្ដោតទៅលើវិស័យឧស្សាហកម្មរ៉ែ និងកសិឧស្សាហកម្មទេសចរណ៍ដែលជា វិស័យដ៏មានសក្តានុពលក្នុងខេត្តមណ្ឌលគិរី និងខេត្តក្រចេះ ខណៈការផ្សព្វផ្សាយពីសក្តានុពលនៃខេត្តភូមិភាគឦសានទាំងពីរនេះហាក់ដូចជាមិនទាន់ទូលំទូលាយនៅឡើយ។

នេះជាបេសកកម្មលើកទី ៧ របស់ ក.អ.ក បន្ទាប់ពីបេសកកម្មដ៏មានសារសំខាន់បែបនេះត្រូវបានធ្វើ ឡើងជាបន្តបន្ទាប់ទៅតាមខេត្តនានារួមមានខេត្តព្រះសីហនុ កែប សៀមរាប ខេត្តពោធិ៍សាត់ និងរមណីយដ្ឋាន ឋានសួគ៌បូកគោជាដើម៕

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា