ព័ត៌មានជាតិ

ត្រឹម១ខែនេះ ក្រសួងបានធ្វើតេស្តអ្នកពាក់ព័ន្ធសហគមន៍២០កុម្ភៈជិត៩ម៉ឺនតេស្ត

បានផុស

៥ years មុន

នៅ

ថ្ងៃសៅរ៍ ២០ មីនា ២០២១

ដោយ

ភ្នំពេញ ៖ លោកស្រី វេជ្ជបណ្ឌិត យក់សម្បត្តិ រដ្ឋលេខាធិការក្រសួងសុខាភិបាលបានមានប្រសាសន៍នៅរសៀលថ្ងៃទី២០នេះថា រយៈពេល១ខែនៃព្រឹត្តិការណ៍សហគមន៍២០កុម្ភៈនេះក្រសួងសុខាភិបាលបានប្រមូលសំណាកពីអ្នកជាប់ពាក់ព័ន្ធនៅទូទាំងប្រទេសបានចំនួន៨៩៥៧១តេស្តក្នុងនោះមានវិជ្ជមានកូវីដ១៩ចំនួន១១១៥នាក់ស្រី៤៩៦និងប្រុស៦១៦នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមនាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាលបានឲ្យដឹងថា ចាប់តាំងពីប្រទេសកម្ពុជាបានរកឃើញករណីជំងឺកូវីដ១៩ដំបូងបំផុត នៅថ្ងៃទី២៧មករា២០២០ រហូតមកដល់ថ្ងៃទី២០ខែមីនា ឆ្នាំ២០២១នេះ ក្រសួងសុខាភិបាលបានធ្វើតេស្តចំនួន៦២៦៦០០តេស្តស្មើនឹង៣៧២៩៧ក្នុងចំណោម១លាននាក់។

លោកស្រីបានឲ្យដឹងទៀតថា ក្នុងចំណោមអ្នកឆ្លងសហគមន៍២០កុម្ភៈនោះ មានអ្នកជាសះស្បើយចំនួន៤៣១នាក់ស្រី២០៩នាក់ប្រុស២២២នាក់ នៃចំនួនអ្នកឆ្លងសរុប១៦៣២នាក់និងអ្នកជាសះស្បើយចំនួន៩៣៥នាក់ ព្រមទាំងអ្នកកំពុងសម្រាកព្យាបាលនៅមន្ទីរពេទ្យចំនួន៦៩២នាក់ក្នុងនោះមានអ្នកពាក់ព័ន្ធនឹងសហគមន៍២០កុម្ភៈចំនួន៦៨៤នាក់។

គួរបញ្ជាក់ថា ព្រឹត្តិការណ៍សហគមន៍២០កុម្ភៈនេះមានឆ្លងរាលដាលដល់រាជធានីខេត្តចំនួន១២ក្នុងនោះ រាជធានីភ្នំពេញមានអ្នកឆ្លងច្រើនជាងគេបន្ទាប់មក ខេត្តកណ្តាល កំពង់សោម ព្រៃវែង កោះកុង កំពង់ធំ ស្វាយរៀង បន្ទាយមានជ័យ សៀមរាប តាកែវ បាត់ដំបងនិងខេត្តកំពង់ចាម៕

ដោយ ៖ សំអឿន