ខេត្តស្វាយរៀង បង្កើនការថែទាំសុខភាពបឋម និងការកែលម្អគុណភាពសេវានៅតាមមូលដ្ឋានសុខាភិបាល ជុំទី២

នៅថ្ងៃទី២០ ខែកុម្ភៈ ឆ្នាំ ២០២៥ លោក ញ៉ែម សារី អភិបាលរងខេត្តស្វាយរៀង បានអមដំណើរ លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល ពិនិត្យការងារជំរុញការអនុវត្តផែនការឆ្នាំ២០២៥ លើការងារជំរុញបង្កើនការថែទាំសុខភាពបឋម និងការកែលម្អគុណភាពសេវានៅតាមមូលដ្ឋានសុខាភិបាល ជុំទី២ នៅតាមមណ្ឌលសុខភាពក្នុងខេត្តស្វាយរៀង។

ការចុះត្រួតពិនិត្យនេះ ផ្តោតទៅលើចំណុចសំខាន់ៗ ចំនួន៩ចំណុច មានដូចជា ១,ការជំរុញបង្កើនការថែទាំសុខភាពបឋម (PHC-BIF) នៅតាមមូលដ្ឋានសុខាភិបាលសាធារណៈ និងនៅក្នុងសហគមន៍។ ២,ហេដ្ឋារចនាសម្ព័ន្ធ បរិស្ថានក្នុង និងជុំវិញមណ្ឌលសុខភាព, ៣.ការលើកកម្ពស់គុណភាព សុវត្ថិភាពអ្នកជំងឺ, ៤.ការធ្វើបដិសណ្ឋារកិច្ចក្នុងការផ្តល់សេវាថែទាំដល់អ្នកជំងឺ។ ទី៥.ការគ្រប់គ្រង និងការអភិវឌ្ឍន៍ធនធានមនុស្ស,​ ៦.ការបណ្តុះបណ្តាលបន្ថែមលើបច្ចេកទេស និងប្រព័ន្ធឌីជីថល, ៧.ការគ្រប់គ្រងឱសថ និងសម្ភារៈបរិក្ខារ, ទី៨ ការបំពេញការងារ និងប្រចាំការ ២៤ម៉ោង/២៤ម៉ោង ៧ថ្ងៃ/សប្ដាហ៍ និងទី៩ ការធ្វេីអនាម័យពេលផ្ដល់សេវា ក្រោយផ្ដល់សេវា និងទីតាំងផ្ដល់សេវា។

ចំពោះការចុះពិនិត្យនេះ ធ្វើឡើងនៅក្នុងមណ្ឌលសុខភាពចំនួន៥ មានដូចជា មណ្ឌលសុខភាព បាវិត, មណ្ឌលសុខភាពសំបួរ, មណ្ឌលសុខភាពជ្រៃធំ ,មណ្ឌលសុខភាពស្វាយរំពារ និងមណ្ឌលសុខភាពគគីរសោម៕

ដោយ៖ ភក្ដី