ព័ត៌មានជាតិ

អ្នកធ្វើចត្តាឡីស័កជាង១៦០០នាក់ត្រូវបានអាជ្ញាធរអនុញ្ញាតឲ្យវិលត្រឡប់ទៅផ្ទះវិញ

បានផុស

៥ years មុន

នៅ

ថ្ងៃអាទិត្យ ២១ មីនា ២០២១

ដោយ

អ្នកធ្វើចត្តាឡីស័កជាង១៦០០នាក់ត្រូវបានអាជ្ញាធរខេត្តកណ្តាលអនុញ្ញាតឲ្យវិលត្រឡប់ទៅផ្ទះវិញបន្ទាប់ពីធ្វើចត្តាឡីស័ករយៈពេល១៤ថ្ងៃបានត្រឹមត្រូវតាមការណែនាំរបស់ក្រសួងសុខាភិបាល។

លោក គ្រុយ ម៉ាឡែន នាយករដ្ឋបាលសាលាខេត្តកណ្តាលបានឲ្យដឹងនៅរសៀលថ្ងៃទី២១ ខែមីនានេះថាគិតត្រឹមថ្ងៃទី២១ខែមីនានេះ នៅខេត្តកណ្តាលអ្នកពាក់ព័ន្ធនឹងព្រឹត្តិការណ៍សហគមន៍២០កុម្ភៈសរុបចំនួន១៤៧០៨នាក់ក្នុងនោះអ្នកប៉ះពាល់ផ្ទាល់ចំនួន១៧២៦នាក់អ្នកកំពុងធ្វើចត្តាឡីស័កនៅតាមមណ្ឌល១១៣៨១នាក់និងអ្នកកំពុងធ្វើចត្តាឡីស័កនៅតាមផ្ទះនិង១៦៦៥នាក់បានបញ្ចប់ការធ្វើចត្តាឡីស័កអនុញ្ញាតឲ្យវិលត្រឡប់ទៅលំនៅដ្ឋានវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថាក្នុងចំណោមអ្នកពាក់ព័ន្ធទាំងនោះមានអ្នកឆ្លងកូវីដ១៩ប្រមាណជិត២៦០នាក់និងជាសះស្បើយចំនួន១៨នាក់។

លោកបានណែនាំដល់អ្នកដែលបានបញ្ចប់ធ្វើចត្តាឡីស័កវិលត្រឡប់ទៅផ្ទះវិញត្រូវបន្តអនុវត្តវិធានការរបស់ក្រសួងសុខាភិបាលឲ្យបានខ្ជាប់ខ្ជួនជាទីបំផុតពិសេសវិធានការ៣ការពានិង៣កុំដើម្បីការពារកុំឲ្យឆ្លងជំងឺកូវីដ១៩ដល់ខ្លួនយើងផងក្រុមគ្រសារនិងសហគមន៍យើងទាំងមូលផងដែរ។

គួរបញ្ជាក់ថាគិតត្រឹមព្រឹកថ្ងៃទី២១មីនានេះមានអ្នកឆ្លងក្នុងព្រឹត្តិការណ៍សហគមន៍២០កុម្ភៈសរុបចំនួន១១៧២នាក់ស្រី៥១៩នាក់ប្រុស៦៥៣នាក់នៃអ្នកឆ្លងសរុប១៦៩០នាក់និងអ្នកជាសះស្បើយ៩៥០នាក់និងអ្នកកំពុងសម្រាកព្យាបាលនៅមន្ទីរពេទ្យចំនួន៧៣៥នាក់៕

អត្ថបទ ៖ សំអឿន