ព័ត៌មានជាតិ

នៅភ្នំពេញ មានមណ្ឌលចត្តាឡីស័ក ប្រមាណ១០០ទីតាំង ដើម្បីបង្ការទប់ស្កាត់ជំងឺកូវីដ-១៩

បានផុស

៥ years មុន

នៅ

ថ្ងៃចន្ទ ២២ មីនា ២០២១

ដោយ

ខណៈដែលរាជធានីភ្នំពេញ បាននិងកំពុងប្រឈមមុខនៃការរីករាលដាលនៃជំងឺកូវីដ-១៩ ក្នុងព្រឹត្តិការណ៍សហគមន៍២០កុម្ភៈ គិតត្រឹមថ្ងៃ២២មីនានេះ នៅរាជធានីភ្នំពេញមានមណ្ឌលចត្តាឡីស័ករបស់រដ្ឋនិងកន្លែង សម្រាប់ចត្តាឡីស័កនៅតាមផ្ទះ មានចំនួនប្រមាណ១០០ទីតាំង ដែលរដ្ឋបាលរាជធានីភ្នំពេញ បានកំពុងតែបិទនឹងដាក់ឲ្យបងប្អូនប្រជាពលរដ្ឋធ្វើចត្តាឡីស័ក ដើម្បីបង្ការទប់ស្កាត់ការរីករាលដាលនៃជំងឺកូវីដ-១៩នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះបើតាមការបញ្ជាក់ឲ្យដឹង ពីលោក ម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញ នៅព្រឹកថ្ងៃទី ២២ខែមីនានេះ។ លោកម៉េត មាសភក្តី បានមានប្រសាសន៍ឲ្យដឹងថា ក្នុងព្រឹត្តិការណ៍សហគមន៍២០កុម្ភៈនេះ នៅរាជធានីភ្នំពេញមានមណ្ឌលសម្រាប់ចត្តាឡីស័កចំនួនប្រមាណ ជាង២០០ ទីតាំង ក្នុងនោះ មានទីតាំងចត្តាឡីស័ករបស់រដ្ឋចំនួន៧ទីតាំង និង ទីតាំងដែលបិទឲ្យធ្វើចត្តាឡីស័ក នៅតាមខុនដូនិងផ្ទះរបស់ប្រជាពលរដ្ឋ មានចំនួនប្រមាណ២០០ទីតាំង។ ប៉ុន្តែមកដល់ពេលនេះ មានទីតាំងប្រមាណជាង១០០ទីតាំងហើយ ដែលយើងបានបើកឲ្យដំណើរការឡើងវិញ ក្រោយពីធ្វើចត្តាឡីស័កហើយ រកមិនឃើញ អ្នកជាប់ពាក់ព័ន្ធនឹងជំងឺកូវីដ-១៩នេះ។

គួរបញ្ជាក់ថា ក្រសួងសុខាភិបាល នៅព្រឹកថ្ងៃទី២២ ខែមីនា ឆ្នាំ២០២១នេះ បានប្រកាសបន្តរកឃើញអ្នកឆ្លងកូវីដ-១៩ថ្មី ចំនួន៧៣នាក់ទៀត និងជាសះស្បើយ ១៧នាក់។ ក្នុងនោះករណីឆ្លងសហគមន៍ ៧១នាក់(ភ្នំពេញចំនួន២៨នាក់ ខេត្តព្រះសីហនុ ៣២នាក់ កំពង់ធំ ៥នាក់ កណ្ដាល ៣នាក់ សៀមរាប ១នាក់ ព្រៃវែង ១នាក់ និងខេត្តកែប ចំនួន១នាក់ )អ្នកដំណើរពីបរទេស ០២នាក់ ។ គិតត្រឹមព្រឹកថ្ងៃទី២២ ខែមីនា ឆ្នាំ២០២១ មានអ្នកឆ្លងសរុបចំនួន១៧៥៣ នាក់ អ្នកជាសះស្បើយចំនួន៩៦៧ នាក់ អ្នកកំពុងព្យាបាលចំនួន៧៨១នាក់និងមាន អ្នកស្លាប់ចំនួន ០៣ នាក់៕

អត្ថបទ៖ ស្រីរ័ត្ន

សូមចុចអាន៖ រកឃើញវិជ្ជមានកូវីដ១៩លើ បុរសអាយុ ៣២ ឆ្នាំនៅខណ្ឌ ឬស្សីកែវ

Related Topics:កូវីដ-១៩

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា