ព័ត៌មានជាតិ
រដ្ឋាភិបាលចំណាយជាង ១២២ប៊ីលាន រៀល ឧបត្ថម្ភគ្រួសារក្រីក្រ និងងាយរងគ្រោះអំឡុងវិបត្តិកូវីដ-១៩ ជុំទី៤ លើកទី២
រដ្ឋាភិបាលកម្ពុជា បានចំណាយថវិការដ្ឋអស់ជាង ១២២,៦៧៧លាន រៀល ក្នុងការអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរង គ្រោះក្នុងអំឡុងពេលប្រយុទ្ធនឹងកូវីដ-១៩ សម្រាប់ជុំទី៤ លើកទី២ ដែលទើបបញ្ចប់នៅល្ងាចម្សិលមិញនេះ ដោយកម្មវិធី ជុំទី៤ លើកទី៣ ចាប់អនុវត្តពីថ្ងៃទី២៥ ខែមីនានេះ រហូតដល់ថ្ងៃទី២៤ ខែមេសា ឆ្នាំ២០២១។
លោក ឈួរ សុបញ្ញា ប្រធាននាយកដ្ឋានសុខុមាលភាពសង្គម នៃអគ្គនាយកដ្ឋានបច្ចេកទេស ក្រសួងសង្គមកិច្ច អតីតយុទ្ធជន និងយុវនីតិសម្បទា បានឱ្យដឹងថា គិតត្រឹមថ្ងៃទី២៤ ខែមីនា ឆ្នាំ២០២១ វេលាម៉ោង ១៨:០០ ការបើកឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងអំឡុងពេលប្រយិទ្ធនឹងជំងឺកូវីដ១៩ ជុំទី៤ លើកទី២ ត្រូវបានបញ្ចប់។
លោក ឈួរ សុបញ្ញា បានឱ្យដឹងទៀតថា ដោយគិតទាំងនៅទីប្រជុំជនក្នុងរាជធានី ក្រៅរាជធានី និងជនបទ គ្រួសារកម្រិត១មានចំនួនសរុប ២៦៦,៦២៤គ្រួសារ គ្រួសារកម្រិត២មានចំនួនសរុប ៤២៥,៤៦៨គ្រួសារ គិតជាសមាជិកនៃគ្រួសារទាំងពីរមានចំនួនសរុប ២,៧៤៤,៣០១នាក់ ដោយប្រើថវិកាសរុបចំនួន ១២២,៦៧៧,៣៩២,០០០រៀល (មួយរយម្ភៃពីរប៊ីលាន ប្រាំមួយរយចិតសិបប្រាំពីរលាន បីរយកៅសិនពីរពាន់រៀល)។
លោក ឈួរ សុបញ្ញា បានឱ្យដឹងទៀតថា ចាប់តាំងពីថ្ងៃទី២៥ ខែមីថុនា ឆ្នាំ២០២០ ដល់ ថ្ងៃទី២៤ ខែកុម្ភៈ ឆ្នាំ២០២១ រាជរដ្ឋភិបាលបានផ្ដល់ការអន្តរាគមន៍ក្នុងការអនុវត្តកម្មវិធីឧបត្ថម្ភសាច់ប្រាក់ជូនប្រជាជនក្រីក្រ និងងាយរងគ្រោះក្នុងអំឡុងពេលប្រយិទ្ធនឹងជំងឺកូវីដ១៩ ដោយចំណាយថវិការដ្ឋចំនួន ១,០៤៤,៩៩៣,២៣៦,០០០ រៀល (មួយពាន់សែសិបបួនប៊ីលាន ប្រាំបួនរយកៅសិបបីលាន ពីររយសាមសិបបីពាន់ រៀល) ស្មើនឹង ២៦១.២៥ លានដុល្លារអាមេរិក។
លោក ឈួរ សុបញ្ញា បានឱ្យដឹងទៀតថា សម្រាប់ការបើកផ្ដល់ប្រាក់ឧបត្ថម្ភជុំទី៤ លើកទី៣ នឹងចាប់ផ្ដើមពីថ្ងៃទី២៥ ខែមីនា ឆ្នាំ២០២១ រហូតដល់ថ្ងៃទី២៤ ខែមេសា ឆ្នាំ២០២១។
គួររំលឹកផងដែរថា កាលពីថ្ងៃទី២៤ ខែមិថុនា ឆ្នាំ២០២០ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសដាក់ឱ្យអនុវត្តជាផ្លូវការនូវកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងអំឡុងពេលប្រយិទ្ធនឹងជំងឺកូវីដ-១៩។ ក្រសួងសង្គមកិច្ច អតីតយុទ្ធជន និងយុវនីតិសម្បទា ក៏បានចាប់ផ្ដើមដំណើរអនុវត្តកម្មវិធីនៅថ្ងៃទី២៥ ខែមិថុនា ឆ្នាំ២០២០ ដែលមកដល់បច្ចុប្បន្នបានចំនួន៤ជុំ មាន៩លើករួចមកហើយ៕
អត្ថបទ៖ ច័ន្ទ វីរៈ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង