តោះ! ឈ្វេងយល់ពី​ពាក្យបច្ចេកទេស​ ​ប្រើប្រាស់ញឹកញាប់​​ពាក់ព័ន្ធ​​សេវាធានារ៉ាប់រង​

ច្បាប់ស្តីពីការធានារ៉ាប់រង ត្រូវ​បានប្រកាស​ដាក់​ឲ្យ​ប្រើប្រាស់នៅ​ឆ្នាំ ២០១៤ ​មានគោលដៅពង្រឹងការគ្រប់គ្រង ការត្រួតពិនិត្យអាជីវកម្មធានារ៉ាប់រង កំណត់​អំពី​ការគ្រប់គ្រង​កិច្ចប្រតិបត្តិការ និង​ការធ្វើអាជីវកម្ម​ធានារ៉ាប់រង និង​ជំរុញ​ការប្រកួតប្រជែង ភាព​ស្មោះត្រង់ និង​តម្លាភាព​ក្នុងវិស័យធានារ៉ាប់រង។

បើតាមសមាគមធានារ៉ាប់រងនៅកម្ពុជា​​ គិតត្រឹមឆ្នាំ ២០២៤ មាន​ក្រុមហ៊ុន​​ផ្តល់​សេវា​ធានារ៉ាប់រង​ចំនួន ៤០ កំពុង​ប្រតិបត្តិការ​​ក្នុងប្រទេស​កម្ពុជា​​ ក្នុង​នោះក្រុមហ៊ុន​ធានារ៉ាប់រងទូទៅ​មាន​ចំនួន ១៨ ក្រុមហ៊ុន​ធានារ៉ាប់រង​អាយុជីវិត​មាន​ចំនួន ១៤ ក្រុមហ៊ុនធានារ៉ាបរងខ្នាត​តូច​មាន​ចំនួន ៧ និង​ក្រុមហ៊ុន​ធានារ៉ាប់រង​បន្ត​មាន​ចំនួន ១។

ពាក់ព័ន្ធ​សេវា​ធានារ៉ាប់រង​នេះ មាន​ពាក្យ​​បច្ចេកទេស​ជាទូទៅ​មួយ​ចំនួនត្រូវ​បាន​ប្រើប្រាស់​ជាញឹកញាប់ដែល​មាននិយមន័យ​​ដូចជា៖

-ក្រុមហ៊ុនធានារ៉ាប់រង សំដៅដល់ក្រុមហ៊ុនធានារ៉ាប់រង​ទូទៅ ក្រុមហ៊ុនធានារ៉ាប់រងអាយុជីវិត និង​សាខា​ក្រុមហ៊ុន​ធានារ៉ាប់រងបរទេស​ជាដើម

-ក្រុមហ៊ុនធានារ៉ាប់រងទូទៅ សំដៅដល់នីតិបុគ្គលប្រតិស្រុត ដែលប្រកបអាជីវកម្មធានារ៉ាប់រង ដើម្បី​ធានាហា​និភ័យលើទ្រព្យសម្បត្តិ ភារៈទទួលខុសត្រូវ និងសុខភាព

-ក្រុមហ៊ុនធានារ៉ាប់រងអាយុជីវិត សំដៅដល់នីតិបុគ្គល​ប្រតិស្រុតដែលប្រកបអាជីវកម្មធានារ៉ាប់រង ដើម្បី​ធានាទៅលើការស្លាប់ឬការរស់រានមានជីវិត ដោយអាចរួមបញ្ចូលការធានារ៉ាប់រងលើ​គ្រោះថ្នាក់​បុគ្គល ជំងឺធ្ងន់ធ្ងរ ឬជំងឺទូទៅ

-បុត្រសម្ព័ន្ធ សំដៅដល់ក្រុមហ៊ុនសហកម្មសិទ្ធិឬក្រុមហ៊ុនមូលធន ដែលគ្រប់គ្រងដោយក្រុមហ៊ុនសហកម្មសិទ្ធិឬក្រុមហ៊ុនមូលធនមួយផ្សេងទៀតដែលជា “ក្រុមហ៊ុនមេ”

-ក្រុមហ៊ុនភ្នាក់ងារធានារ៉ាប់រង សំដៅដល់នីតិបុគ្គលដែលជួសមុខឱ្យក្រុមហ៊ុនធានារ៉ាប់រង ធ្វើការណែនាំអំពីការលក់បណ្ណសន្យារ៉ាប់រង ការរៀបចំកិច្ចសន្យាធានារ៉ាប់រង ការប្រមួលបុព្វលាភ ការរៀបចំការធ្វើសំណងជាដើម ក្នុងក្របខណ្ឌកំណត់ច្បាស់លាស់នៃកិច្ចព្រមព្រៀងរវាងភ្នាក់ងារ ធានារ៉ាប់រងនិងក្រុមហ៊ុនធានារ៉ាប់រង ដោយទទួលកម្រៃជើងសាពីក្រុមហ៊ុនធានារ៉ាប់រងនោះ។

-ក្រុមហ៊ុនជើងសាធានារ៉ាប់រង សំដៅដល់នីតិបុគ្គលដែលធ្វើការក្នុងគោលដៅនៃអត្ថប្រយោជន៍របស់​អ្នកត្រូវបានធានារ៉ាប់រង ផ្តល់សេវាប្រឹក្សា ផ្តល់ព័ត៌មានទាក់ទងនឹងប្រភេទធានារ៉ាប់រង លក្ខខណ្ឌ និងបុព្វលាភនៃកិច្ចសន្យាធានារ៉ាប់រង ធ្វើការចរចា និងរៀបចំកិច្ចសន្យាធានារ៉ាប់រង រវាងអ្នកស្នើសុំការធានារ៉ាប់រងជាមួយក្រុមហ៊ុនធានារ៉ាប់រង និងលក់បណ្ណសន្យា​រ៉ាប់រង ដោយទទួលកម្រៃជើងសាពីក្រុមហ៊ុនធានារ៉ាប់រង និង/ឬកម្រៃប្រឹក្សាពីអតិថិជន។

-ក្រុមហ៊ុនវាយតម្លៃ​ហានិភ័យធានារ៉ាប់រង សំដៅដល់នីតិបុគ្គលឯករាជ្យដែលមានភារកិច្ច ត្រួតពិនិត្យ ផ្ទៀងផ្ទាត់ វាយតម្លៃការ​ខូចខាតពេលមានហានិភ័យធានារ៉ាប់រងកើតឡើង និងកំណត់ចេញនូវឯកសារសម្រាប់ជាមូលដ្ឋានឱ្យក្រុមហ៊ុនធានារ៉ាប់រងដោះស្រាយទូទាត់សំណង។ ក្រុមហ៊ុនវាយតម្លៃហានិភ័យធានារ៉ាប់រង ធ្វើសកម្មភាពដោយទទួលថ្លៃឈ្នួលពិនិត្យពីក្រុមហ៊ុនធានារ៉ាប់រង

-ភ្នាក់ងារធានារ៉ាប់រង សំដៅដល់រូបវន្តបុគ្គលឬនីតិបុគ្គល ដែលជួសមុខឱ្យក្រុមហ៊ុនធានារ៉ាប់រង ធ្វើការ​ណែនាំ​អំពីការលក់បណ្ណសន្យារ៉ាប់រង ការរៀបចំកិច្ចសន្យាធានារ៉ាប់រង ការប្រមូលបុព្វលាភ ការរៀបចំ​ការ​ធ្វើសំណងជាដើម ក្នុងក្របខ័ណ្ឌកំណត់ច្បាស់លាស់នៃកិច្ចព្រមព្រៀងរវាងភ្នាក់ងារ ធានារ៉ាប់រង និងក្រុមហ៊ុនធានារ៉ាប់រង ដោយ​ទទួលកម្រៃ​ជើងសា​ពីក្រុមហ៊ុន​ធានារ៉ាប់រងនោះ។

-អន្តរការីធានារ៉ាប់រង សំដៅដល់រូបវន្តបុគ្គល ឬនីតិបុគ្គលទាំងឡាយណាដែលផ្តល់សេវាវិជ្ជាជីវៈ ធានារ៉ាប់រង​ដល់អតិថិជន ក្នុងការរៀបចំកិច្ចព្រមព្រៀងរវាងក្រុមហ៊ុនធានារ៉ាប់រងនិងអតិថិជន ដើម្បីទទួលបានកម្រៃពីការផ្តល់សេវានោះ។ អន្តរការីធានារ៉ាប់រង រួមមាន ភ្នាក់ងារធានារ៉ាប់រង និងជើងសាធានារ៉ាប់រង។

-គ្រឹះសា្ថនធានារ៉ាប់រង សំដៅដល់ក្រុមហ៊ុនធានារ៉ាប់រង ភ្នាក់ងារធានារ៉ាប់រង ជើងសាធានារ៉ាប់រង ក្រុមហ៊ុនវាយតម្លៃ​ហានិភ័យ​ធានារ៉ាប់រង និងក្រុមហ៊ុនគណនាបុព្វលាភធានារ៉ាប់រង

-ក្រុមហ៊ុនគណនាបុព្វលាភធានារ៉ាប់រង សំដៅដល់ក្រុមហ៊ុនវិជ្ជាជីវៈដែលមានជំនាញវិភាគ និងគណនាហានិភ័យធានារ៉ាប់រង ដើម្បីកំណត់អត្រាបុព្វលាភធានារ៉ាប់រង

-ក្រុមហ៊ុនគ្រប់គងសំណងធានារ៉ាប់រង សំដៅដល់ក្រុមហ៊ុនវិជ្ជាជីវៈដែលមានជំនាញគ្រប់គ្រង​ ចាត់ចែង ដោះស្រាយសំណង​ធានារ៉ាប់រងជំនួសឱ្យក្រុមហ៊ុនធានារ៉ាប់រង ឬគម្រោងគ្រប់គ្រង អត្ថប្រយោជន៍របស់នីតិបុគ្គលប្រតិស្រុតផ្សេងទៀត ដោយទទួលបានកម្រៃសេវាពីក្រុមហ៊ុន ធានារ៉ាប់រង ឬនីតិបុគ្គលប្រតិស្រុតទាំងនោះ តាមកិច្ចព្រមព្រៀង។

-ក្រុមហ៊ុនមហាជនទទួលខុសត្រូវមានកម្រិត សំដៅ​ដល់ទ្រង់ទ្រាយមួយនៃក្រុមហ៊ុនមូលធន ដែល​ត្រូវ​បាន​អនុញ្ញាតដោយច្បាប់ស្តីពីសហគ្រាសពាណិជ្ជកម្ម ដើម្បីបោះផ្សាយលក់​មូលបត្រជាសាធារណៈ​។

-សាខា​ក្រុមហ៊ុនធានារ៉ាប់រង​បរទេស សំដៅដល់​សាខារបស់ក្រុមហ៊ុន​ធានារ៉ាប់រង​បរទេស ដែលបង្កើត​ឡើង​ក្រោម​ច្បាប់​នៃ​ប្រទេស​ដទៃ ហើយមានទីតាំងធ្វើពាណិជ្ជកិច្ចក្នុងព្រះរាជាណាចក្រកម្ពុជា។​ សាខាក្រុមហ៊ុនធានារ៉ាប់រងបរទេស គឺជាភ្នាក់ងារ​របស់ក្រុមហ៊ុនដើម ហើយពុំមាននីតិបុគ្គលិកលក្ខណៈដាច់ដោយឡែកពីក្រុមហ៊ុនដើមឡើយ

-សាខាក្រុមហ៊ុនធានារ៉ាប់រងក្នុងស្រុក សំដៅដល់សាខាអាជីវកម្មក្នុងស្រុករបស់ក្រុមហ៊ុនធានារ៉ាប់រង​ ដែលទទួលអាជ្ញាបណ្ណប្រតិបត្តិការ​អាជីវកម្មក្នុងព្រះរាជាណាចក្រកម្ពុជា

-កិច្ចសន្យាធានារ៉ាប់រងខ្នាតតូច ជាកិច្ចព្រមព្រៀងជាលាយលក្ខណ៍អក្សរដែលធ្វើឡើងដោយ ក្រុមហ៊ុនធានារ៉ាប់រងខ្នាតតូច និងអ្នកត្រូវបានធានារ៉ាប់រង ដែលតាមរយៈនោះ ក្រុមហ៊ុនធានារ៉ាប់រង ខ្នាតតូចព្រមទទួលនូវហានិភ័យជាក់លាក់ណាមួយ ដោយទទួលមកវិញនូវការបង់បុព្វលាភធានារ៉ាប់រង ពីអ្នកដែលត្រូវបានធានារ៉ាប់រង។ កិច្ចសន្យាធានារ៉ាប់រងខ្នាតតូចមួយ ត្រូវមានចំនួនទឹកប្រាក់អតិបរមាដែលត្រូវបានធានារ៉ាប់រង មិនលើសពី ២០ ០០០ ០០០ (ម្ភៃលាន) រៀល

-កិច្ចសន្យាធានារ៉ាប់រង ជាកិច្ចព្រមព្រៀងលាយលក្ខណ៍​អក្សរ ដែលធ្វើឡើង​ដោយ​ក្រុមហ៊ុន​ធានារ៉ាប់រង និង​អ្នកត្រូវបានធានារ៉ាប់រង ឬម្ចាស់បណ្ណសន្យារ៉ាប់រង ដែលតាមរយៈនោះ ក្រុមហ៊ុន​ធានារ៉ាប់រង​ព្រម​ទទួលនូវហានិភ័យជាក់លាក់ណា​មួយ ដោយទទួល​មកវិញនូវការ​បង់​បុព្វលាភ​ធានារ៉ាប់រង​ពីអ្នកដែលត្រូវបានធានារ៉ាប់រង ឬម្ចាស់បណ្ណសន្យារ៉ាប់រង។

-បណ្ណសន្យារ៉ាប់រង សំដៅដល់ឯកសារចងភ្ជាប់កាតព្វកិច្ចតាមផ្លូវច្បាប់ដែលចេញដោយក្រុមហ៊ុនធានារ៉ប់រង ដោយមានកំណត់ពីខ្លឹមសារសំខាន់ និងចែងពីលក្ខខណ្ឌ​លំអិត​ដែលបានព្រមព្រៀង រវាង​អ្នកត្រូវ​បានធានារ៉ាប់រង ឬ ម្ចាស់បណ្ណសន្យារ៉ាប់រង និងក្រុមហ៊ុនធានារ៉ាប់រងនៅក្នុងកិច្ច​សន្យា​ធានារ៉ាប់រង​។

-ការធានារ៉ាប់រង សំដៅដល់ការធ្វើកិច្ចសន្យាធានារ៉ាប់រងដែលក្នុងនោះ អ្នកត្រូវបានធានារ៉ាប់រង​ត្រូវបង់​បុព្វលាភ​ធានារ៉ាប់រងទៅឲ្យក្រុមហ៊ុនធានារ៉ាប់រង ហើយក្រុមហ៊ុនធានារ៉ាប់រងត្រូវធ្វើសំណង​ដល់​ការខូចខាត ឬការបាត់បង់ទ្រព្យសម្បត្តិ ដែលបង្កឡើងដោយហេតុការណ៍គ្រោះថ្នាក់ ឬក៏ធ្វើសំណងនៅពេលដែលអ្នកត្រូវបានធានារ៉ាប់រងស្លាប់ របួស ពិការ មានជំងឺ ឬនៅ​ពេល​ដែល​បុគ្គលនោះ ឈានដល់កាលកំណត់ណាមួយដែលភាគីទាំងពីរបានព្រមព្រៀងគ្នា ដូច​មានចែងក្នុងកិច្ចសន្យាធានារ៉ាប់រង

-ការធានារ៉ាប់រងខ្នាតតូច សំដៅដល់ការផ្តល់កិច្ចសន្យា​ធានារ៉ាប់រងខ្នាតតូច​ដល់អតិថិជនមានចំណូល​ទាប មាន​ជាអាទិ៍ ការធានារ៉ាប់រងខ្នាត​តូច​លើទ្រព្យសម្បត្តិ ការធានារ៉ាប់រងខ្នាត​តូច​លើអាយុ​ជីវិត ការធានារ៉ាប់រងខ្នាតតូច​លើសុខភាព និង​ការធានារ៉ាប់រងខ្នាតតូចលើគ្រោះថ្នាក់បុគ្គល

-កិច្ចសន្យាធានារ៉ាប់រងខ្នាតតូច សំដៅ​ដល់កិច្ចព្រមព្រៀង​ជាលាយលក្ខណ៍អក្សរ ដែលធ្វើឡើងរវាង​ក្រុមហ៊ុន​ធានារ៉ាប់រង និងអ្នកត្រូវបានធានារ៉ាប់រង ដែលតាមរយៈនោះក្រុមហ៊ុនធានារ៉ាប់រង ព្រម​ទទួល​នូវហានិភ័យ​ជាក់លាក់ណាមួយ ដោយទទួល​មកវិញ​នូវការបង់បុព្វលាភធានារ៉ាប់រង ពី​អ្នក​ត្រូវ​បាន​ធានារ៉ាប់រង ដែល​កំណត់ត្រឹម​ការធានារ៉ាប់រងខ្នាតតូច

-កិច្ចសន្យាធានារ៉ាប់រងខ្នាតតូចស្ទួន សំដៅដល់កិច្ចសន្យា​ដែលអ្នកត្រូវបានធានារ៉ាប់រងបានចុះកិច្ចសន្យា​ធានារ៉ាប់រងខ្នាតតូច​លើស​ពីមួយ ជាមួយ​ក្រុមហ៊ុនធានារ៉ាប់រង​ផ្សេងគ្នាក្នុងគោលបំណង ធានា​លើ​កម្មវត្ថុតែមួយ ដែល​នៅក្រោមលក្ខខណ្ឌដូចគ្នា និងក្រោមព្រឹត្តិការណ៍ធានាដូចគ្នា

-បុព្វលាភធានារ៉ាប់រង សំដៅ​ដល់ចំនួនទឹកប្រាក់ដែលអ្នកត្រូវបានធានារ៉ាប់រង ត្រូវបង់​ទៅឲ្យ​ក្រុមហ៊ុន​ធានារ៉ាប់រងតាម​ការកំណត់របស់ក្រុមហ៊ុន​ធានារ៉ាប់រងនៅក្នុងបណ្ណសន្យារ៉ាប់រង

–សាធនភាព សំដៅដល់សមត្ថភាពរបស់ក្រុមហ៊ុនធានារ៉ាប់រងក្នុងការបំពេញកាតព្វកិច្ចបំណុល

-ទ្រព្យសកម្មជាប់កាតព្វកិច្ច សំដៅដល់ទ្រព្យសកម្មទាំងឡាយណាដែលជាប់កាតព្វកិច្ចតាមផ្លូវច្បាប់ បទប្បញ្ញត្តិ កិច្ចសន្យា ឬកាតព្វកិច្ចផ្សេងទៀត ដែលរារាំងក្រុមហ៊ុនក្នុងការជម្រះបញ្ជីលក់ ផ្ទេរ ឬចាត់ចែងទ្រព្យសកម្មទាំងនេះ

-នីតិបុគ្គលប្រតិស្រុត សំដៅ​ដល់នីតិបុគ្គល ដែលបានចុះបញ្ជីត្រឹមត្រូវតាមច្បាប់នៃព្រះរាជាណាចក្រកម្ពុជា

-អគ្គនាយក សំដៅដល់​បុគ្គលមានឋានៈខ្ពស់បំផុត​ក្នុងកម្រិតប្រតិបត្តិរបស់ក្រុមហ៊ុន ដែលត្រូវបានតែងតាំង​ដោយក្រុមប្រឹក្សាភិបាល ដើម្បីគ្រប់គ្រងកិច្ចប្រតិបត្តិការអាជីវកម្មរបស់ក្រុមហ៊ុន

-បុគ្គលស្នើសុំ សំដៅ​ដល់រូបវន្តបុគ្គលឬនីតិបុគ្គល​ដែលដាក់ពាក្យស្នើសុំលិខិត​អនុញ្ញាតជាគោលការណ៍​ប្រកបអាជីវកម្ម​ក្រុមហ៊ុនធានារ៉ាប់រងទូទៅ ឬអាជីវកម្មធានារ៉ាប់រងអាយុជីវិត ឬអាជីវកម្មសាខាក្រុមហ៊ុនធានារ៉ាប់រងបរទេស

-ការធានារ៉ាប់រងជាកាតព្វកិច្ច សំដៅដល់ការធ្វើកិច្ចសន្យាធានារ៉ាប់រង ដែលអ្នកត្រូវបានធានារ៉ាប់រង ត្រូវបំពេញជាកាតព្វកិច្ចតាម​ការកំណត់នៃច្បាប់ និងបទប្បញ្ញត្តិស្តីពីការធានារ៉ាប់រងក្នុងគោលបំណង​បម្រើ​និងការពារផលប្រយោជន៍សាធារណៈ

-បណ្ណសន្យារ៉ាប់រងគ្រោះថ្នាក់បុគ្គល សំដៅដល់កិច្ចសន្យាធានារ៉ាប់រងដែលផលប្រយោជន៍​របស់វា​ជាប្រាក់ ឬផលប្រយោជន៍សំណងជាវត្ថុ ឬផលប្រយោជន៍សំណងរួមមានជាប្រាក់ និងជាវត្ថុ​ទៅ​ឲ្យ​អ្នក​ត្រូវបាន​ធានារ៉ាប់រង នៅពេលមានហានិភ័យកើតឡើង ដើម្បីធានាលើគ្រោះថ្នាក់​ទាំងឡាយ

-ម្ចាស់បណ្ណសន្យារ៉ាប់រង សំដៅដល់រូបវន្តបុគ្គល ឬនីតិបុគ្គលដែលមានសិទ្ធិស្របច្បាប់លើ​បណ្ណ​សន្យា​រ៉ាប់រង

-វិញ្ញាបនបត្រធានារ៉ាប់រង សំដៅ​ដល់ឯកសារ​ដែលចេញដោយក្រុមហ៊ុនធានារ៉ាប់រងដើម្បី​​បញ្ជាក់​ថាអ្នកត្រូវបានធានារ៉ាប់រង​បានទិញការធានារ៉ាប់រងពីក្រុមហ៊ុនធានារ៉ាប់រង

-សំណងធានារ៉ាប់រង សំដៅ​ដល់សំណងជាប្រាក់ឬជាវត្ថុ ឬសំណងរួមជាប្រាក់និងជាវត្ថុ ដែល​ត្រូវសង​ដោយ​ក្រុមហ៊ុនធានារ៉ាប់រង

-កំណត់សំអាង សំដៅដល់ឯកសារបណ្តោះអាសន្ន ដែលចេញដោយក្រុមហ៊ុនធានារ៉ាប់រង ឬភ្នាក់ងារ​ធានារ៉ាប់រង ជំនួសបណ្ណសន្យារ៉ាប់រងស្ថាពរ ។

-ពិន័យអន្តរការណ៍ សំដៅដល់ការផាកពិន័យជាទឹកប្រាក់ចំពោះទង្វើរបស់​ក្រុមហ៊ុនធានារ៉ាប់រង​ដែល​អនុវត្តផ្ទុយ​ពីការណែនាំ​របស់​បញ្ញត្តិករធានារ៉ាប់រង

-អភិបាលបណ្តោះអាសន្ន សំដៅដល់អ្នកគ្រប់គ្រង​បណ្តោះអាសន្ន ដែលតែងតាំងដោយក្រសួង​សេដ្ឋកិច្ច និងហិរញ្ញវត្ថុ ដើម្បី​បំពេញភារកិច្ចក្រុមហ៊ុនធានារ៉ាប់រង មុនពេលធ្វើការជម្រះបញ្ជីដើម្បីវាយតម្លៃលើស្ថានភាព​សាធនភាព​របស់ក្រុមហ៊ុន

-អ្នកជម្រះបញ្ជី សំដៅដល់រូបវន្តបុគ្គល​ដែលត្រូវបានតែងតាំង​ដោយក្រសួងសេដ្ឋកិច្ច និងហិរញ្ញវត្ថុ ឬ​តុលាការ ដើម្បីធ្វើការដោះស្រាយទូទាត់បំណុល នៅពេលដែលក្រុមហ៊ុនធានារ៉ាប់រងត្រូវជម្រះបញ្ជី

– អ្នកត្រូវបានធានារ៉ាប់រង សំដៅដល់​រូបវន្តបុគ្គល ឬនីតិបុគ្គល​ដែលទិញបណ្ណសន្យារ៉ាប់រង ក្នុង​ករណី​មួយចំនួន​អាចជាម្ចាស់បណ្ណសន្យារ៉ាប់រងផង និង​អាចជាអ្នកត្រូវបានធានារ៉ាប់រងផង។

– អ្នកទទួលផល សំដៅ​ដល់​តតិយជន​នៃកិច្ចសន្យា ដែលត្រូវបានកំណត់ថាមានសិទ្ធិស្របច្បាប់​ក្នុង​ការ​ទទួលផលប្រយោជន៍​ពីកិច្ចសន្យាទាំងឡាយណា​ដែលទាក់ទង នឹង​ការធានារ៉ាប់រង​លើ​អាយុជីវិត​តែ​ប៉ុណ្ណោះ។

– អ្នកស្នើ​សុំធានារ៉ាប់រង សំដៅ​ដល់រូបវន្តបុគ្គល ឬនីតិបុគ្គលដែលអាចនឹងក្លាយជាអ្នកត្រូវបាន​ធានារ៉ាប់រង​នាពេលអនាគត ដែល​បំពេញនិ​ងចុះហត្ថលេខា​​លើទម្រង់បែបបទ​ជាលាយលក្ខណ៍អក្សរ​របស់​ក្រុមហ៊ុនធានារ៉ាប់រងអំពីស្ថានភាពផ្ទាល់របស់បុគ្គលនោះ។

– យានយន្ត សំដៅដល់យានដែលធ្វើចរាចរណ៍ដោយម៉ាស៊ីនលើផ្លូវគោក និងផ្លូវទឹក

-ជើងសាធានារ៉ាប់រង សំដៅដល់នីតិបុគ្គលដែលធ្វើការក្នុងគោលដៅនៃអត្ថប្រយោជន៍របស់អ្នក​ត្រូវ​បាន​ធានារ៉ាប់រង ផ្តល់សេវាប្រឹក្សា ផ្ដល់ព័ត៌មានទាក់ទងនឹងប្រភេទធានារ៉ាប់រង លក្ខខណ្ឌនិង​បុព្វលាភ​​នៃកិច្ចសន្យាធានារ៉ាប់រង ធ្វើការចរចា និងរៀបចំកិច្ចសន្យាធានារ៉ាប់រងរវាង អ្នក​ស្នើសុំ​ការធានារ៉ាប់រង​ជាមួយក្រុមហ៊ុនធានារ៉ាប់រង និងលក់បណ្ណសន្យារ៉ាប់រង ដោយទទួលកម្រៃ​ជើងសា​ពី​ក្រុមហ៊ុន​ធានារ៉ាប់រង និង/ឬកម្រៃប្រឹក្សាពីអតិថិជន

-ម្ចាស់បណ្ណសន្យារ៉ាប់រង សំដៅដល់រូបវន្តបុគ្គលឬនីតិបុគ្គលដែលមានសិទ្ធិស្របច្បាប់លើបណ្ណ សន្យារ៉ាប់រង។ ក្នុងករណីមួយចំនួន ម្ចាស់បណ្ណសន្យារ៉ាប់រង អាចជាអ្នកទទួលផលផងនិងអាចជាអ្នកត្រូវបានធានារ៉ាប់រងផងនៃបណ្ណសន្យារ៉ាប់រង

– ការធានារ៉ប់រងបន្ត សំដៅដល់ប្រតិបត្តិការធានារ៉ាប់រង ដែលក្រុមហ៊ុនធានារ៉ាប់រងដើមត្រូវបានធានារ៉ាប់រងដោយក្រុមហ៊ុនធានារ៉ាប់រងផ្សេងទៀត ដែលជាក្រុមហ៊ុនធានារ៉ាប់រងបន្ត នូវហានិភ័យមួយផ្នែកឬ ទាំងស្រុង ដែលខ្លួនបានចុះកិច្ចសន្យាធានារ៉ាប់រង

-កិច្ចព្រមព្រៀងធានារ៉ាប់រងបន្ត សំដៅដល់កិច្ចសន្យានៃកម្មវិធីធានារ៉ាប់រងបន្ត សម្រាប់គ្រប់គ្រងហានិភ័យជាក់លាក់ដែលមានចំនួនទឹកប្រាក់ដែលត្រូវបានធានារ៉ាប់រងលើសពីកម្រិតរក្សាទុកហានិភ័យ ក្រោមវិសាលភាពនៃផលិតផលធានារ៉ាប់រង​នីមួយៗ

-កិច្ចព្រមព្រៀងធានារ៉ាប់រងបន្តបែបសមាមាត្រ សំដៅដល់កិច្ចព្រមព្រៀងធានារ៉ាប់រងបន្តដែលក្រុមហ៊ុនធានារ៉ាប់រងដើម និងក្រុមហ៊ុនធានារ៉ាប់រងបន្ត ព្រមចែករំលែកតាមសមាមាត្រនៃបុព្វលាភធានា​រ៉ាប់រង និងសំណងដែលកើតឡើងដោយ​ហានិភ័យ​ដែលត្រូវបានធានា

-កិច្ចព្រមព្រៀងធានារ៉ាប់រងបន្តបែបមិនសមាមាត្រ សំដៅដល់កិច្ចព្រមព្រៀងធានារ៉ាប់រងបន្ត ដែលក្រុមហ៊ុនធានារ៉ាប់រងបន្ត ធានាលើប្រាក់សំណងរបស់ក្រុមហ៊ុនធានារ៉ាប់រងដើម ដែលលើសពីចំនួនដែលបានកំណត់តាមបុព្វលាភធានារ៉ាប់រង​

-កម្រិតរក្សាទុកហានិភ័យ សំដៅដល់ចំនួនឬចំណែកនៃទឹកប្រាក់ ដែលត្រូវបានធានារ៉ាប់រងចំពោះហានិភ័យណាមួយដែលត្រូវបានរក្សាទុក និងត្រូវធ្វើសំណងផ្ទាល់ដោយក្រុមហ៊ុនធានារ៉ាប់រង

-មួយព្រឹត្តិការណ៍ សំដៅដល់ហេតុការណ៍ណាមួយដែលកើតឡើងហើយបណ្ដាលឱ្យមានការខូចខាតដោយហេតុបង្កតែមួយ ក្នុងអំឡុងពេលតែមួយ និងកន្លែងតែមួយ

-ការធ្វើអធិការកិច្ចធានារ៉ាប់រង សំដៅដល់ការតាមដាននិងត្រួតពិនិត្យស្ថានភាពហិរញ្ញវត្ថុ និងប្រតិបត្តិការទីផ្សាររបស់គ្រឹះស្ថានធានារ៉ាប់រង និងបុគ្គលពាក់ព័ន្ធដែលផ្តល់សេវាក្នុងវិស័យ ធានារ៉ាប់រង និងការតាមដាន ស្រាវជ្រាវ ត្រួតពិនិត្យ និងស៊ើបអង្កេតបទល្មើសក្នុងវិស័យ ធានារ៉ាប់រង ដើម្បីជំរុញនិងពង្រឹងការអនុវត្តច្បាប់និងលិខិតបទដ្ឋានគតិយុត្តពាក់ព័ន្ធវិស័យ ធានារ៉ាប់រង និងចាត់វិធានការតាមផ្លូវច្បាប់ចំពោះបុគ្គលប្រព្រឹត្តអំពើល្មើសនឹងច្បាប់និង/ ឬលិខិតបទដ្ឋានគតិយុត្តពាក់ព័ន្ធវិស័យធានារ៉ាប់រងជាធរមាន

-មន្ត្រីអធិការកិច្ចធានារ៉ាប់រង សំដៅដល់មន្ដ្រីនៃនិយ័តករធានារ៉ាប់រងកម្ពុជាដែលត្រូវបានតែងតាំងជាមន្ត្រីអធិការកិច្ចធានារ៉ាប់រងនិង/ឬដែលទទួលបាននីតិសម្បទាជានគរបាលយុត្តិធម៌ អនុលោម​តាមច្បាប់ស្តីពីការធានារ៉ាប់រងនិងបទប្បញ្ញត្តិពាក់ព័ន្ធជាធរមាន

-បុគ្គលពាក់ព័ន្ធដែល​ផ្តល់សេវាក្នុងវិស័យធានារ៉ាប់រង សំដៅដល់ភ្នាក់ងារធានារ៉ាប់រងជា រូបវន្តបុគ្គល ក្រុមហ៊ុនគណនាបុព្វលាភធានារ៉ាប់រង ក្រុមហ៊ុនគ្រប់គ្រងសំណងធានារ៉ាប់រង ឬបុគ្គលផ្សេងទៀតដែលទទួលបានការអនុញ្ញាតពីនិយ័តករធានារ៉ាប់រងកម្ពុជា ឱ្យធ្វើសកម្មភាពធានារ៉ាប់រងនៅក្នុងព្រះរាជាណាចក្រកម្ពុជា

-បុគ្គលទទួលរងអធិការកិច្ចធានារ៉ាប់រង សំដៅដល់គ្រឹះស្ថានធានារ៉ាប់រង និងបុគ្គលពាក់ព័ន្ធដែលផ្តល់សេវាក្នុងវិស័យធានារ៉ាប់រង។

-អគ្គនាយក សំដៅដល់រូបវន្តបុគ្គលមានឋានៈខ្ពស់បំផុតក្នុងកម្រិតប្រតិបត្តិរបស់ក្រុមហ៊ុន ដែលត្រូវបានតែងតាំងដោយក្រុមប្រឹក្សាភិបាលដើម្បីដឹកនាំនិងគ្រប់គ្រងប្រតិបត្តិការអាជីវកម្មរបស់ក្រុមហ៊ុន

-អភិបាលមិនប្រតិបត្តិ សំដៅដល់សមាជិកក្រុមប្រឹក្សាភិបាល ដែលមិនពាក់ព័ន្ធនឹងកិច្ចប្រតិបត្តិការ អាជីវកម្មប្រចាំថ្ងៃក្នុងក្រុមហ៊ុនធានារ៉ាប់រង

-អភិបាល សំដៅដល់សមាជិកនៃក្រុមប្រឹក្សារបស់ក្រុមហ៊ុន

-ក្រុមហ៊ុនសវនកម្ម សំដៅដល់នីតិបុគ្គលដែលទទួលបានអាជ្ញាបណ្ណប្រកបវិជ្ជាជីវៈសវនកម្មចេញដោយនិយ័តករ​គណនេយ្យ​​និងសវនកម្ម

-ប្រាក់បម្រុងបច្ចេកទេសធានារ៉ាប់រង (Insurance Technical Reserve -ITR) សំដៅដល់ចំនួនប្រាក់ដែលក្រុមហ៊ុន​ធានារ៉ាប់រងត្រូវរក្សាទុកដោយឡែកនៅក្នុងរបាយការណ៍ស្ថានភាពហិរញ្ញវត្ថុ សម្រាប់​ទូទាត់បំណុលដែលកើតឡើងពីកិច្ចសន្យាធានារ៉ាប់រង ដោយបម្រែបម្រួលប្រាក់បម្រុងបច្ចេកទេសធានារ៉ាប់រងនេះ ជាកម្មវត្ថុនៃការគណនាពន្ធលើប្រាក់ចំណូលនៅក្នុងឆ្នាំជាប់ពន្ធ

-ប្រាក់បម្រុងបុព្វលាភធានារ៉ាប់រងមិនទាន់ចាត់ទុកជាចំណូល (Uneamed Premium Reserve – UPR) សំដៅដល់ចំនួនប្រាក់បុព្វលាភធានារ៉ាប់រងដុលមិនទាន់ចាត់ទុកជាចំណូល ដែលក្រុមហ៊ុនធានារ៉ាប់រងត្រូវរក្សាទុក សម្រាប់រយៈពេលនៃកិច្ចសន្យាធានារ៉ាប់រងដែលមិនទាន់ផុតសុពលភាព

-ប្រាក់បម្រុងសំណងធានតាំប់រងដលបានទទួលរបាយការណ៏ប៉ុន្តែមិនទាន់បានទូទាត់ (Reported But Not Settled – RBNS) សំដៅដល់ចំនួនប្រាក់ដែលក្រុមហ៊ុនធានារ៉ាប់រងត្រូវរក្សាទុក សម្រាប់ទូទាត់​សំណង​ធានារ៉ាប់រងនិងចំណាយដែលកើតឡើងពីកិច្ចសន្យាធានារ៉ាប់រង ដែលបានទទួលរបាយការណ៍ ប៉ុន្តែមិនទាន់បានទូទាត់

-ប្រាក់បម្រុងសំណងធានារ៉ាប់រងដលកើតឡើង ប៉ុន្តែមិនទាន់ទទួលរបាយការណ៏ (Incurred But Not Reported – IBNR) សំដៅដល់ចំនួនប្រាក់ដែលក្រុមហ៊ុនធានារ៉ាប់រងត្រូវរក្សាទុកសម្រាប់ទូទាត់សំណងធានារ៉ាប់រងនិងចំណាយដែលកើតឡើងពីកិច្ចសន្យាធានារ៉ាប់រង ប៉ុន្តែក្រុមហ៊ុនមិនទាន់ ទទួលបានរបាយការណ៍អំពីព្រឹត្តិការណ៍នៃការទាមទារសំណងទាំងនេះ

-ប្រាក់បម្រុងហានិភ័យមិនទាន់ផុតសុពលភាព (Unexpired Risk Reserve – URR) សំដៅ ដល់ចំនួនប្រាក់ដែលក្រុមហ៊ុនធានារ៉ាប់រងត្រូវរក្សាទុក សម្រាប់ករណីដែលក្រុមហ៊ុនរក្សាប្រាក់ បម្រុងបុព្វលាភធានារ៉ាប់រងមិនទាន់ចាត់ទុកជាចំណូល មិនគ្រប់គ្រាន់សម្រាប់ទូទាត់សំណង ធានារ៉ាប់រងនិងចំណាយដែលកើតឡើងពីកិច្ចសន្យាធានារ៉ាប់រង

-ប្រាក់បម្រុងគណិតវិទ្យា (Mathematical Reserve – MR) សំដៅដល់ប្រាក់បម្រុងដែលគណនា ដោយប្រើប្រាស់ “វិធីសាស្ត្រវាយតម្លៃតាមបុព្វលាភធានារ៉ាប់រងដុល (Gross Premium Valuation – GPV)” ដែលក្រុមហ៊ុនធានារ៉ាប់រងត្រូវរក្សាទុក សម្រាប់ទូទាត់សំណងធានារ៉ាប់រង និងចំណាយដែលកើតឡើងពីកិច្ចសន្យាធានារ៉ាប់រងរយៈពេលច្រើនជាង ១ (មួយ) ឆ្នាំ។ -កិច្ចសន្យាធានារ៉ាប់រងជាក្រុម សំដៅដល់កិច្ចសន្យាធានារ៉ាប់រងមួយដែលមានអ្នកត្រូវបាន ធានារ៉ាប់រងលើសពី ១ (មួយ) នាក់

-កាលបរិច្ឆេទបិទបញ្ជីគណនេយ្យ សំដៅដល់ការិយបរិច្ឆេទ ដែលត្រូវបិទបញ្ជីគណនេយ្យដោយ ត្រូវបានកំណត់នៅថ្ងៃទី៣១ ខែធ្នូ នៃឆ្នាំនីមួយៗ

-ប្រាក់បម្រុងគណិតវិទ្យា សំដៅដល់ប្រាក់បម្រុងដែលគណនាដោយប្រើប្រាស់ “វិធីសាស្ត្រ វាយតម្លៃបុព្វលាភធានារ៉ាប់រងដុល (Gross Premium Valuation – GPV)” ដែលក្រុមហ៊ុនធានារ៉ាប់រងត្រូវរក្សាទុកសម្រាប់ទូទាត់សំណងធានារ៉ាប់រង និងចំណាយដែលកើតឡើងពីកិច្ចសន្យាធានារ៉ាប់រងរយៈពេលច្រើនជាង ១ (មួយ) ឆ្នាំ

-ប្រាក់​ធានារ៉ាប់រងតាមហានិភ័យ (Sum at Risk) សំដៅដល់ប្រាក់បន្ថែមលើប្រាក់បម្រុងបច្ចេកទេសធានារ៉ាប់រង សម្រាប់​គណនាសាធនភាពតម្រូវ ក្នុងករណីអ្នកត្រូវបានធានារ៉ាប់រង ទទួលមរណភាពឬពិការអចិន្ត្រៃយ៍។ ប្រាក់ធានារ៉ាប់រងតាមហានិភ័យសម្រាប់ផលិតផលធានារ៉ាប់រងរងបន្ថែមវេជ្ជសាស្ត្រត្រូវបានកំណត់ឱ្យស្មើសូន្យ។

-ភ្នាក់ងារធានារ៉ាប់រងជារូបវន្តបុគ្គល សំដៅដល់រូបវន្តបុគ្គលដែលជួសមុខឱ្យក្រុមហ៊ុនធានារ៉ាប់រង ធ្វើការណែនាំអំពីការលក់​បណ្ណសន្យារ៉ាប់រង ការរៀបចំកិច្ចសន្យាធានារ៉ាប់រង ការប្រមូលបុព្វលាភ ការរៀបចំការធ្វើសំណងជាដើម ក្នុងក្របខណ្ឌ​កំណត់ច្បាស់លាស់នៃកិច្ចព្រមព្រៀង រវាងរូបវន្តបុគ្គលដែលជាភ្នាក់ងារធានារ៉ាប់រងនិងក្រុមហ៊ុនធានារ៉ាប់រង ដោយទទួលកម្រៃជើងសាពីក្រុមហ៊ុនធានារ៉ាប់រងនោះ

-ទីសំណាក់ សំដៅដល់ទីស្ថានដែលបុគ្គលម្នាក់ស្នាក់អាស្រ័យនៅ ឬអាស្រ័យនៅជាក់ស្តែងក្នុង រយៈពេលជាកំណត់ណាមួយដែលមិនមែនជាលំនៅឋាន៕