កីឡា

ភ្លេចៗ ដល់ការប្រកួតជើងទី២ វិសាខា ប៉ះ ភ្នំពេញក្រោន វគ្គពាក់កណ្ដាលផ្ដាច់ព្រ័ត្រពានសម្ដេច

បានផុស

១ year មុន

នៅ

ថ្ងៃអង្គារ ៦ ឧសភា ២០២៥

ដោយ

បន្ទាប់ពីស្មើគ្នាលទ្ធផល ២-២ នៅជើងទី១ កាលពីថ្ងៃទី៣០ ខែមេសា ឆ្នាំ២០២៥ នៅទឹកដី អ អេស អិន ស្អែកនេះឈានដល់ការប្រកួតជើងទី២ ហើយរវាងក្រុមទាំងពីរ វិសាខា និង ភ្នំពេញក្រោន ក្នុងវគ្គពាក់កណ្ដាលផ្ដាច់ព្រ័ត្រពានរង្វាន់សម្ដេចតេជោ ហ៊ុន សែន លើកទី១៨។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្មវិធីប្រកួតផេក Hun Sen Cup

ការប្រកួតនៅជើងទី២ នេះនឹងធ្វើឡើងនៅថ្ងៃទី៧ ខែឧសភា ឆ្នាំ២០២៥ ដោយប្ដូរមកកាន់ទឹកដីព្រីនស៏ របស់វិសាខា វិញម្ដងចាប់ពីវេលាម៉ោង ៦ល្ងាចតទៅ។ ជំនួបជើងទី១ បានត្រឹមស្មើគ្នាប៉ុណ្ណោះ ចាំមើលក្រុមណាដែលអាចយកឈ្នះ និងបានឡើងទៅវគ្គផ្ដាច់ព្រ័ត្រពានរង្វាន់សម្ដេច។

ក្រុមវិសាខា

ចំណែកមួយគូទៀតនោះគឺ ព្រះខ័នរាជស្វាយរៀង ប៉ះ បឹងកេត ប៉ុន្តែការប្រកួតលើកទៅថ្ងៃទី១៤ ខែឧសភា ឆ្នាំ២០២៥ វិញ។ ដោយសារតែព្រះខ័នរាជស្វាយរៀង មានភារកិច្ចធំប្រកួតផ្ដាច់ព្រ័ត្រ AFC Challenge League ជាមួយ FK Arkadag នៅថ្ងៃទី១០ ឧសភា ប៉ុន្មានថ្ងៃខាងមុខនេះ។

កុំភ្លេចតាមដានជំនួបដ៏តានតឹងនៅវគ្គពាក់កណ្ដាលផ្ដាច់ព្រ័ត្ររវាង វិសាខា ប៉ះ ភ្នំពេញក្រោន នៅថ្ងៃស្អែកនេះទាំងអស់គ្នា។ ការប្រកួតនេះនឹងមានផ្សាយលើ BTV NEWS ផងដែរ៕