កីឡា

ក្រោយទទួលបានសំបុត្រ VIP ពីឯកឧត្តម ឌី វិជ្ជា ព្រឹទ្ធាចារ្យ អ៊ុំ សួន ប្រាប់ពីការចូលចិត្តបាល់ទាត់ស្មើជីវិត

បានផុស

១ year មុន

នៅ

ថ្ងៃអង្គារ ៦ ឧសភា ២០២៥

ដោយ

ព្រឹទ្ធាចារ្យដែលស្រឡាញ់ចូលចិត្តវិស័យកីឡាបាល់ទាត់យ៉ាងស្មោះស្ម័គ្រ ព្រឹទ្ធាចារ្យ អ៊ុំ សួន ចូលចិត្តកីឡាបាល់ទាត់ស្មើជីវិត និងចង់តាមដានពីបច្ចេកទេសលេងយុទ្ធសាស្ត្របោកបញ្ឆោតគ្នាលើទីលាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រឹទ្ធាចារ្យ អ៊ុំ សួន

ព្រឹទ្ធាចារ្យ អ៊ុំ សួន បានឲ្យដឹងថា ក្នុងមួយជីវិតរបស់លោកតាគឺស្រឡាញ់ចូលចិត្តកីឡាតែម្ដង។ ពិសេសនោះគឺកីឡាបាល់ទាត់ជាងគេបង្អស់។ មិនថាជាការប្រកួតតូច-ធំ នោះទេ លោកតាតែងតែឆ្លៀតទៅទស្សនាផ្ទាល់ជានិច្ច ព្រោះនេះជាការកម្សាន្តមួយសម្រាប់លោកតា។

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា

ការចូលចិត្តបាល់ទាត់នេះគឺចាប់តាំងពីលោកលេងខ្លួនឯងអំឡុងឆ្នាំ១៩៦០ ជាង និងក្រោយចូលនិវត្តន៍ពីបាល់ទាត់រហូតមកដល់ពេលបច្ចុប្បន្ន។ ចំណុចដែលធ្វើឲ្យលោកតាចង់ទស្សនាការប្រកួតផ្សេងៗនោះគឺមើលបច្ចេកទេសលេងរបស់ក្រុមនីមួយៗពេលប៉ះគ្នា។ យុទ្ធសាស្ត្រ កល់ល្បិច ការបោកបញ្ឆោតគ្នាទៅវិញទៅមករបស់ក្រុមទាំងពីរពេលប៉ះគ្នាចំណុចទាំងនេះហើយដែលព្រឹទ្ធាចារ្យបាល់ទាត់រូបនេះតែងតែសប្បាយតាមដានកន្លងមក។

ព្រឹទ្ធាចារ្យ អ៊ុំ សួន

បញ្ជាក់ដែរថា ព្រឹទ្ធាចារ្យ អ៊ុំ សួន ត្រូវបានមហាជនទូទៅពិសេសអ្នកនិយមកីឡាបាល់ទាត់ស្គាល់ច្បាស់ និងហៅថាអ្នកគាំទ្របាល់ទាត់ដ៏ស្មោះស្ម័គ្រនៅកម្ពុជា។ មិនថារាល់ការប្រកួតតូច-ធំ ជាការប្រកួតរវាងក្លឹប ឬជម្រើសជាតិនោះទេព្រឹទ្ធាចារ្យរូបនេះតែងតែទៅគាំទ្រជានិច្ច។ នៅវគ្គផ្ដាច់ព្រ័ត្រ AFC Challenge League រវាងព្រះខ័នរាជស្វាយរៀង ប៉ះ FK Arkadag ថ្ងៃទី១០ ខែឧសភា ឆ្នាំ២០២៥ លោកតានឹងទៅទស្សនាផ្ទាល់ផងដែរនៅពហុកីឡដ្ឋានជាតិមរតកតេជោ បន្ទាប់ពីឯកឧត្ដម ឌី វិជ្ជា ប្រធានក្លិបព្រះខ័នរាជស្វាយរៀង បានប្រកាសជូនសំបុត្រ VIP ដល់លោកតា៕

អត្ថបទដោយ៖ នួន ស៊ីណា