ព័ត៌មានជាតិ

មានវិធីសាស្ត្រចរចាបែបណា ទាមទារសំណងធានារ៉ាប់រងបានច្រើន លើយានយន្តប៉ះទង្គិចខូចខាត?

បានផុស

១ year មុន

នៅ

ថ្ងៃអង្គារ ២៩ មេសា ២០២៥

ដោយ

យានយន្តជួបគ្រោះថ្នាក់ខូចខាតដោយសារការប៉ះទង្គិច កើតមានជាញឹកញាប់ហើយក៏មានការជជែកច្រើនលើការទាមទារសំណង។ នេះបើតាមលោក នី លីហួង ប្រធានគណៈកម្មការអប់រំនៃសមាគមធានារ៉ាប់រងកម្ពុជា។

នៅក្នុងវេទិកាចែករំលែកព័ត៌មានអំពី «បច្ចុប្បន្នភាពនៃទីផ្សារធានារ៉ាប់រងនៅកម្ពុជាជាមួយក្លិបអ្នកកាសែតកម្ពុជា» លោក នី លីហួង ប្រធានគណៈកម្មការអប់រំនៃសមាគមធានារ៉ាប់រងកម្ពុជា បានលើករណីពាក់ព័ន្ធសំណងការខូចខាតយានយន្ត ដែលមានការលើកមតិផ្សេងៗលើការទាមទារសំណងមកស្រាយបញ្ជាក់បន្ថែម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក នី លីហួង ប្រធានគណៈកម្មការអប់រំនៃសមាគមធានារ៉ាប់រងកម្ពុជា

មន្រ្តីអប់រំនៃសមាគមធានារ៉ាប់រងកម្ពុជាបានលើកឡើងលក្ខខណ្ឌមួយចំនួន ដែលសំណងនៃការទាមទារអាចមានការប្រែប្រួលតាមភាពជាក់ស្ដែង។ លោកបានបញ្ជាក់ថា ការទាមទារសំណងអាស្រ័យទៅតាមកត្តាតម្លៃនៃយានយន្ត ហើយការចរចាក៏ផ្អែកលើគោលការណ៍និងលក្ខខណ្ឌតាមផ្លូវច្បាប់។

«ដូចករណីរថយន្តព្រុសបុកខូចចង្កៀង និងរថយន្តរ៉លរ៉យបុកខូចចង្កៀងដូចគ្នា ដូច្នេះតម្លៃនៃសំណងមិនអាចដូចគ្នានោះទេ។ ប្រាកដជារថយន្តរ៉លរ៉យត្រូវទទួលបានការទូទាត់សំណងច្រើនជាងរថយន្តព្រុស»។

ដូច្នេះការទូទាត់សំណងធានារ៉ាប់រង មិនមែនចេះតែទាមទារតាមការចង់បានត្រូវផ្អែកលើលក្ខខណ្ឌនិងកាតព្វកិច្ចតាមផ្លូវច្បាប់ រួមទាំងលទ្ធភាពដែលក្រុមហ៊ុនអាចផ្តល់ឲ្យបាន៕