ព័ត៌មានអន្ដរជាតិ

ស្លាប់១៤នាក់នៅឥណ្ឌា ព្រោះភ្លៀងធ្លាក់ខ្លាំង

បានផុស

១ year មុន

នៅ

ថ្ងៃអង្គារ ៦ ឧសភា ២០២៥

ដោយ

Chheang

យ៉ាងហោចណាស់មនុស្ស ១៤នាក់បានបាត់បង់ជីវិតនៅក្នុងរដ្ឋ Gujarat នៃប្រទេសឥណ្ឌា ដោយសារតែភ្លៀង និងខ្យល់ព្យុះបក់បោកខ្លាំង គិតចាប់តាំងថ្ងៃចន្ទទី៥ឧសភាឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយកដ្ឋានឧតុនិយមឥណ្ឌា នៅថ្ងៃអង្គារនេះបានព្យាករថានឹងមានភ្លៀងធ្លាក់ជាបន្តបន្ទាប់ជាមួយនឹងផ្លេកបន្ទោរ និងខ្យល់បក់ខ្លាំងក្នុងល្បឿន ៥០ទៅ៦០គីឡូម៉ែត្រក្នុងមួយម៉ោងនៅទូទាំងរដ្ឋ Gujarat សម្រាប់រយៈពេលពីរបីថ្ងៃខាងមុខទៀត។

យោងតាមមជ្ឈមណ្ឌលប្រតិបត្តិការសង្គ្រោះបន្ទាន់របស់រដ្ឋ (SEOC) អ្នកស្លាប់មានលំនៅដ្ឋានក្នុងទីក្រុងផ្សេងៗគ្នា ដូចជា Kheda, Vadodara, Ahmedabad, Dahod, Aravalli និង Anand ហើយមូលហេតុនៃការស្លាប់រួមមាន ការដួលរលំដើមឈើ បាក់ផ្ទាំងផ្សព្វផ្សាយពាណិជ្ជកម្ម ឆ្លងចរន្តអគ្គិសនី រន្ទះបាញ់ និងបាក់ស្រុតសំណង់។

បន្ថែមពីលើការស្លាប់ និងរបួស គ្រោះធម្មជាតិដ៏ធ្ងន់ធ្ងរនេះបានបណ្តាលឲ្យមានការបំផ្លិចបំផ្លាញផ្ទះសម្បែងប្រជាជនអស់រាប់សិបខ្នងផងដែរ នៅទីក្រុង Dahod។

នាយកដ្ឋានឧតុនិយមឥណ្ឌា បានណែនាំអ្នកស្រុកឲ្យរក្សាការប្រុងប្រយ័ត្ន និងធ្វើការត្រៀមខ្លួនជាចាំបាច់ ខណៈដែលលក្ខខណ្ឌអាកាសធាតុអាក្រក់នឹងអាចបន្តកើតមាននាប៉ុន្មានថ្ងៃខាងមុខទៀត៕

ដោយ៖ ឈាង