មន្ទីរពេទ្យអន្តរជាតិមិត្តភាព អង្គរជប៉ុន ពិនិត្យជំងឺទឹកដក់ក្នុងភ្នែកជូនពលរដ្ឋ ឥតគិតថ្លៃ រយៈពេល ៣ថ្ងៃ

មន្ទីរពេទ្យអន្តរជាតិមិត្តភាព អង្គរជប៉ុន ផ្តល់ជូនការពិនិត្យវាស់កម្រិតនៃការមើលឃើញ និងជំងឺទឹកដក់ក្នុងភ្នែក ជូនដល់មន្ត្រីរាជការ និងប្រជាពលរដ្ឋខេត្តសៀមរាប ដោយឥតគិតថ្លៃ រយៈពេល ៣ថ្ងៃ។ នេះបើយោងតាមសេចក្តីជូនដំណឹងរបស់រដ្ឋបាលខេត្តសៀមរាប កាលពីពេលថ្មីៗនេះ។

ការផ្តល់ជូននេះ ធ្វើឡើងចាប់ពីថ្ងៃទី២៩ ដល់ថ្ងៃទី៣១ ខែឧសភា ឆ្នាំ២០២៥ ពីម៉ោង ០៨៖៣០ នាទីព្រឹក រហូតដល់ម៉ោង ១៦៖០០ នាទីរសៀល​ ស្ថិតក្នុងភូមិចន្លោង សង្កាត់ស្រង៉ែ ក្រុងសៀមរាប ខេត្តសៀមរាប។ សម្រាប់ព័ត៌មានលម្អិតសូមទំនាក់ទំនងទូរសព្ទលេខ ០៧៦ ៦៧ ៧៧ ៨៧៩/ ០៨ ៧​៧៩ ១៥០ ឬ ០៩៧ ៧៧ ៩៩ ៨៨២។

ជាមួយគ្នានេះដែរ រដ្ឋបាលខេត្ត បានថ្លែងអំណរគុណដល់មន្ទីរពេទ្យអន្តរជាតិ មិត្តភាព អង្គរជប៉ុន និងពិសេសក្រុមគ្រូពេទ្យទាំងអស់ ដែលជារឿយៗធ្វើការពិនិត្យវាសកម្រិតនៃការមើលឃើញ និងព្យាបាលជំងឺទឹកដក់ក្នុងភ្នែក ដោយឥតគិតថ្លៃជូនមន្ត្រីរាជការ និងប្រជាពលរដ្ឋ ក្នុងខេត្តសៀមរាប៕