ព័ត៌មានជាតិ
អ្នកនាំពាក្យជំរុញឱ្យគ្រប់ភាគីរាយការណ៍មកក្រសួងពេលឃើញមានការរំលោភបំពាន ការប្រើប្រាស់កម្លាំងពលកម្មកុមារ
អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានធ្វើការអំពាវនាវដល់ប្រជាពលរដ្ឋ សង្គមស៊ីវិល សហជីព និងគ្រប់ភាគីពាក់ព័ន្ធ ប្រសិនបើឃើញមានការរំលោភបំពាននូវការប្រើប្រាស់កម្លាំងពលកម្មកុមារ សូមរាយការណ៍មក ក្រសួង តាមរយៈឃ្យូអកូដ(បណ្តឹងអនាមិក) តាមផេកផ្លូវការរបស់ក្រសួង ឬផេករដ្ឋមន្ត្រី ក៏ដូចជាអ្នកនាំពាក្យក្រសួង ដើម្បីក្រសួងចុះអន្តរាគមន៍បានទាន់ពេលវេលា។
លោក ស៊ុន មេសា បានមានប្រសាសន៍នៅព្រឹកថ្ងៃទី ២៩ ឧសភា នេះថា ក្រសួងការងារ តែងតែយកចិត្តទុកដាក់ និងបញ្ជូនមន្ត្រីជំនាញ ចុះផ្សព្វផ្សាយពីបញ្ហាពលកម្មកុមារលើវិស័យឡឥដ្ឋ ក្បឿង និងកសិឧស្សាហកម្ម ជារៀងរាល់ឆ្នាំ ពីព្រោះកម្ពុជាជាសមាជិករបស់អង្គការសហប្រជាជាតិ ប្រឆាំងដាច់ខាតទៅនឹងពលកម្មកុមារ។
អ្នកនាំពាក្យក្រសួងការងារ បានបន្តថា «អីចឹងការផ្សព្វផ្សាយនេះ ជាការប្ដេជ្ញាចិត្តរបស់រាជរដ្ឋាភិបាលក្នុងការប្រយុទ្ធប្រឆាំងនឹងអំពើការកេងប្រវ័ញ្ចទៅលើកុមារ និងជំរុញឱ្យគ្រប់ភាគីពាក់ព័ន្ធចូលរួមលុបបំបាត់បញ្ហានេះទាំងអស់គ្នា»។
លោក ស៊ុន មេសា បានបន្ថែមថា ក្រោមការយកចិត្តទុកដាក់របស់រដ្ឋមន្ត្រីក្រសួងការងារ និងរាជរដ្ឋាភិបាល រោងចក្រ សហគ្រាស បានយល់ដឹងច្រើន ហើយចូលរួមយ៉ាងសកម្មភាពក្នុងការចូលរួមទប់ស្កាត់ការប្រើប្រាស់កម្លាំងពលកម្មកុមារ ហើយអាជ្ញាធរភូមិ-ឃុំ ដែលជាអ្នកឃ្លាំមើលបញ្ហានេះ ក៏បានយល់ដឹងច្រើន និងបានចូលរួមអនុវត្តលើការងារនេះបានល្អប្រសើរផងដែរ។ លើសពីនេះទៀត ឪពុកម្តាយដែលធ្វើការនៅក្នុងវិស័យនេះបានយល់ដឹង និងបានបញ្ជូនកូនរបស់ខ្លួនទៅសាលា ដែលនេះបង្ហាញពីការចូលរួមរបស់ពួកគាត់ ដោយសារពួកគាត់យល់ថា ការសិក្សាមានសារៈសំខាន់សម្រាប់កូនចៅរបស់គាត់។
លោក ស៊ុន មេសា បានបន្ថែមទៀតថា ជាមួយគ្នានេះ ចាប់តាំងពីរាជរដ្ឋាភិបាលមានគោលនយោបាយបណ្ដុះបណ្ដាលជំនាញបច្ចេកទេសវិជ្ជាជីវៈដល់គ្រួសារក្រីក្រ និងគ្រួសារងាយរងហានិភ័យរួចមក ឃើញថា មានយុវជនជាច្រើនបានចូលរៀនជំនាញបច្ចេកទេស និងវិជ្ជាជីវៈ និងទទួលការងារធ្វើសមរម្យ ក្នុងនោះ ក៏មានគ្រួសារមកពីវិស័យឡឥដ្ឋ ក្បឿង និងកសិឧស្សាហកម្មផងដែរ។
ជាចុងក្រោយ លោក ស៊ុន មេសា បានអំពាវនាវដល់ប្រជាពលរដ្ឋ សង្គមស៊ីវិល សហជីព និងគ្រប់ភាគីពាក់ព័ន្ធ ប្រសិនបើឃើញមានការរំលោភបំពាននូវការប្រើប្រាស់កម្លាំងពលកម្មកុមារ សូមរាយការណ៍មកក្រសួងតាមរយៈឃ្យូអកូដ(បណ្តឹងអនាមិក) តាមផេកផ្លូវការរបស់ក្រសួង ឬផេករដ្ឋមន្ត្រី ក៏ដូចជាអ្នកនាំពាក្យក្រសួង ដើម្បីក្រសួងចុះអន្តរាគមន៍បានទាន់ពេលវេលា សំដៅរួមគ្នាលុបបំបាត់បញ្ហាការកេងប្រវ័ញ្ចពលកម្មកុមារនេះឱ្យកាន់តែមានប្រសិទ្ធភាព៕
អត្ថបទ ៖ សំអឿន
តម្លៃប្រេងកើនជាង ១ ដុល្លារ ក្រោយតុលាការអាមេរិកហាមឃាត់ពន្ធ ត្រាំ
បញ្ជូនជនសង្ស័យ៦នាក់ទៅតុលាការ ពាក់ព័ន្ធករណីវាយប្លន់យកម៉ូតូនៅក្រោយប៉ុស្ដិ៍នគរបាលចតុមុខ
កាណាដា ប្តេជ្ញាពង្រឹងកិច្ចសហប្រតិបត្តិការទ្វេភាគី ពិសេសលើការវិនិយោគផ្ទាល់មកកាន់កម្ពុជា
កម្ពុជាអំពាវនាវដល់វិនិយោគិនជប៉ុនចាប់យកអត្ថប្រយោជន៍នានាដែលខ្លួនកំពុងទទួលពីកិច្ចព្រមព្រៀងពាណិជ្ជកម្ម
អ្នកនាំពាក្យជំរុញឱ្យគ្រប់ភាគីរាយការណ៍មកក្រសួងពេលឃើញមានការរំលោភបំពាន ការប្រើប្រាស់កម្លាំងពលកម្មកុមារ
អាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
សពទាហានដែលប៉ះទង្គិចមួយទាហានថៃ បានដឹកយកទៅដល់លំនៅឋាន ដើម្បីធ្វើបុណ្យតាមប្រពៃណី
សម្ដេចតេជោ ព្រមានថា កម្ពុជាបានរៀបចំសំណាញ់មេឃរួចរាល់ សម្រាប់បាញ់យន្តហោះចម្បាំងដែលឈ្លានពាន
ស្នងការខេត្តតាកែវសន្យាថានឹងចុះចេញពីតំណែង បើទប់ស្កាត់រថយន្ដដឹកទំនិញសំពីងសំពោងមិនបានតាមការណែនាំរបស់អភិបាលខេត្ត
-
ព័ត៌មានជាតិ៥ ថ្ងៃ agoសពទ័ពមួកខៀវកម្ពុជា២រូប កំពុងត្រូវបានបញ្ចូនមកកម្ពុជាតាមយន្តហោះ ដែលនឹងមកដល់មាតុភូមិឆាប់ៗនេះ
-
សន្តិសុខសង្គម៤ ថ្ងៃ agoនគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
សន្តិសុខសង្គម១ សប្តាហ៍ agoជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
ព័ត៌មានជាតិ៣ ថ្ងៃ agoសពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
សន្តិសុខសង្គម៤ ថ្ងៃ agoតុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
ព័ត៌មានជាតិ៣ ម៉ោង agoអាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ២០ ម៉ោង agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម២ ថ្ងៃ agoមន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី