ព័ត៌មានជាតិ
កិច្ចប្រជុំព្រំដែនគោកកម្ពុជា-ថៃ នឹងរៀបចំនៅពាក់កណ្ដាលខែនេះក្នុងរាជធានីភ្នំពេញ
អ្នកនាំពាក្យក្រសួងការបរទេសលោក ជុំ សន្ទរី បញ្ជាក់ថាកម្ពុជាបានព្រមព្រៀងក្នុងការរៀបចំកិច្ចប្រជុំគណៈកម្មការចម្រុះខណ្ឌសីមា និងបោះបង្គោលព្រំដែនគោកជាមួយថៃហើយ ដោយទីតាំងគឺនឹងធ្វើនៅរាជធានីភ្នំពេញ នៅថ្ងៃទី១៤ ខែមិថុនា ខាងមុខ។
អ្នកនាំពាក្យក្រសួងការបរទេសលោក ជុំ សន្ទរី បានឱ្យដឹងនៅថ្ងៃទី៤ ខែមិថុនា នេះថាការព្រមព្រៀងនេះគឺបន្ទាប់ពីរដ្ឋមន្ត្រីការបរទេសកម្ពុជា ឧបនាយករដ្ឋមន្ត្រី ប្រាក់ សុខុន បានជួបជាមួយរដ្ឋមន្ត្រីការបរទេសថៃលោក Maris Sangiampongsa នៅទីក្រុងតូក្យូ ប្រទេសជប៉ុនកាលពីថ្ងៃទី៣០ ខែឧសភា កន្លងទៅ។
លោក ជុំ សន្ទរី បញ្ជាក់បន្ថែមថា៖ «កម្ពុជាប្រកាន់ជំហរដោះស្រាយបញ្ហាព្រំដែនដោយសន្តិវិធី តាមរយៈការប្រើប្រាស់យន្តការបច្ចេកទេស និងច្បាប់អន្តរជាតិជាគោល»។
កម្ដៅព្រំដែនកម្ពុជាថៃបានកើនឡើងជាថ្មីបន្ទាប់ពីទ័ពថៃឆ្មក់ចូលមកបាញ់សម្លាប់កងទ័ពខ្មែរនៅព្រំដែនដែលខ្មែរឈរជើងនៅតំបន់មុំបី ស្រុកជាំក្សាន្ត ខេត្តព្រះវិហារ កាលពីថ្ងៃទី២៨ ខែឧសភា។
ថ្លែងក្នុងសមាជរដ្ឋសភា ព្រឹទ្ធសភា កាលពីថ្ងៃទី៣ ខែមិថុនា ឆ្នាំ២០២៥ នាយករដ្ឋមន្ត្រី សម្ដេចធិបតី ហ៊ុន ម៉ាណែត បានបញ្ជាក់ថារបៀបវារៈនៃកិច្ចប្រជុំខាងមុខនេះនឹងត្រូវលើកឡើងពីការយកករណីប្រាសាទតាមានតូច តាមាន់ធំ ប្រាសាទតាក្របី និងតំបន់មុំ៣ដើម្បីទៅតុលាការយុត្តិធម៌អន្តរជាតិ ICJ តែម្ដង ហើយបើថៃមិនយល់ព្រមក៏កម្ពុជានៅតែប្ដឹងទៅដែរ។
សម្ដេចថា៖ «កម្ពុជាសង្ឃឹមថាភាគីថៃនឹងឯកភាពជាមួយកម្ពុជាដើម្បីរួមគ្នាយកបញ្ហានេះទៅតុលាការអន្តរជាតិក្នុងស្មារតីសុចរិតភាព និងស្មោះត្រង់ជាមួយគ្នាទៅវិញទៅមកដើម្បីបញ្ជៀសបញ្ហានេះដែលអាចក្លាយទៅជាបញ្ហាឈានដល់ជម្លោះប្រដាប់អាវុធជាថ្មី»។
ជាមួយគ្នានោះសម្ដេចធិបតី ហ៊ុន ម៉ាណែត បានបញ្ជាក់ថាទោះកម្ពុជាព្យាយាមដោះស្រាយបញ្ហាព្រំដែនដោយសន្ដិវិធី ដោយបច្ចេកទេស និងច្បាប់អន្តរជាតិ តែកម្ពុជារក្សាសិទ្ធិក្នុងការការពារបូរណភាពទឹកដីរបស់ខ្លួនរួមទាំងការប្រើប្រាស់កម្លាំងប្រដាប់អាវុធបើសិនជាមានការប៉ុនប៉ងរំលោភលើដែនអធិបតេយ្យភាពកម្ពុជាដោយកម្លាំងប្រដាប់អាវុធដោយភាគីម្ខាងទៀតនោះ។
ក្នុងសមាជនោះផងដែរ ប្រធានសមាជ សម្ដេចតេជោ ហ៊ុន សែន ក៏ជំរុញឱ្យកម្ពុជាប្ដឹងទៅក្រុមប្រឹក្សាសន្ដិសុខបន្ថែមទៀតប្រសិនជាថៃបន្តប្រើប្រាស់កម្លាំងប្រដាប់អាវុធឈ្លានពាន។
គួរឱ្យដឹងផងដែរថាសមាជរដ្ឋសភា ព្រឹទ្ធសភា កាលពីថ្ងៃទី៣ ខែមិថុនា សមាជិកនៃអង្គសមាជដែលមានចំនួន១៨២រូបបានលើកដោះបោះឆ្នោតឱ្យមានសេចក្ដីថ្លែងការណ៍ថ្កោលទោសកងទ័ពថៃ និងគាំទ្រដល់រដ្ឋាភិបាលឱ្យប្ដឹងថៃទៅតុលាការយុត្តិធម៌អន្តរជាតិផងដែរ៕
អត្ថបទដោយ ហ៊ុន សិរីវឌ្ឍន៍
ហ្សេលេនស្គី ចោទរុស្ស៊ីថាប្រើការចរចានៅតួកគី ដើម្បីពន្យារពេលបទឈប់បាញ់និងបញ្ចៀសទណ្ឌកម្ម
មន្ទីរពេទ្យជាតិ តេជោសន្តិភាព ផ្តល់ជូនការពិនិត្យព្យាបាល វះកាត់បកបាយភ្នែក និងវិបត្តិភ្នែកកន្ទុយថ្លែន នៅចុងខែនេះ
រដ្ឋមន្រ្តីអប់រំ ចង់ឃើញមានក្រុមភ្លេងកាយរឹទ្ធិយ៉ាងតិចមួយ ប្រចាំរាជធានី-ខេត្ត
មូលហេតុចម្បង នាំឲ្យសិល្បករកូរ៉េភាគច្រើន មិនអនុញ្ញាតឲ្យបញ្ចេញទស្សនៈនយោបាយដាច់ខាត
គឹម ជុងអ៊ុន បង្ហាញការគាំទ្ររុស្ស៊ីដោយឥតលក្ខខណ្ឌ និង ជឿជាក់ថា រុស្ស៊ីឈ្នះសង្គ្រាម
កូរ៉េខាងជើង លែងយកតង់បាំងនាវាចម្បាំងដែលលិច ក្រោយស្រង់ចេញពីទឹកបានពាក់កណ្ដាលមកវិញ
ត្រី Oarfish បង្ហាញវត្តមាននៅប្រទេស អូស្រ្តាលី
នគរបាលខណ្ឌ៧មករា ចុះណែនាំបណ្ដាទីតាំងយានដ្ឋាន កុំឱ្យលក់បំពង់សុីម៉ាំងឮខ្លាំង រំខានដល់ពលរដ្ឋ
ស្នងការរាជធានី កោះហៅមន្ត្រីនគរបាលចរាចរណ៍ និងអ្នកបើកបររថយន្ដដែលប៉ះទង្គិចគ្នានៅផ្លូវហាណូយមកសួរនាំ
ចាប់ខ្លួនជនដៃដល់ជាកូនបង្កើតក្រោយកាប់សម្លាប់ឪពុកខ្លួនឯងដោយសារខឹងមិនឲ្យប្រើគោយន្ដ
-
ព័ត៌មានជាតិ៧ ថ្ងៃ agoកម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
ព័ត៌មានជាតិ៥ ថ្ងៃ agoនាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
នយោបាយ៥ ថ្ងៃ agoព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ៧ ថ្ងៃ agoអាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
សេចក្ដីជូនដំណឹង៥ ថ្ងៃ agoការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស
-
ព័ត៌មានជាតិ១ សប្តាហ៍ agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម៧ ថ្ងៃ agoសមត្ថកិច្ចចុះបង្ក្រាបសង្វៀនជល់មាន់មួយកន្លែង ឃាត់ខ្លួនមនុស្សបាន១១នាក់
-
ព័ត៌មានជាតិ៦ ថ្ងៃ agoវិទ្យាល័យព្រះសីហនុ ក្នុងខេត្តកំពង់ចាម ត្រូវបានទទួលស្គាល់គុណភាពអប់រំកម្រិតអន្តរជាតិ