ព័ត៌មានជាតិ

រដ្ឋបាលខណ្ឌឫស្សីកែវ ចុះបើកដំណើរការឡើងវិញទីតាំងធ្វើចត្តាឡីស័ក នៅផ្ទះរបស់អ្នកនាង សុគន្ធ នីសា និង២ទីតាំងទៀត

បានផុស

៥ years មុន

នៅ

ថ្ងៃអង្គារ ៣០ មីនា ២០២១

ដោយ

ភ្នំពេញ ៖ រដ្ឋបាលខណ្ឌឫស្សីកែវ បានចុះបើកដំណើរការឡើងវិញទីតាំងធ្វើចត្តាឡីស័ក នៅផ្ទះរបស់តារាចម្រៀង សុគន្ធ នីសា និង២ទីតាំងទៀត ក្នុងខណ្ឌឫស្សីកែវ ក្រោយពីអនុវត្តបានត្រឹមត្រូវតាមវិធានសុខាភិបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅយប់ថ្ងៃទី៣០ ខែមីនា ឆ្នាំ២០២១ វេលាម៉ោង២០និង៥០នាទីតទៅ រដ្ឋបាលខណ្ឌឫស្សីកែវ ដឹកនាំដោយ ឯកឧត្តម ជា ពិសី អភិបាលខណ្ឌ រួមដំណើរដោយ លោកស្រី សួស សូលីដា អភិបាលរងខណ្ឌ និងមន្ត្រីពាក់ព័ន្ធ បានចុះបើកដំណើរឡើងវិញនូវទីតាំងដែលបានធ្វើចត្តាឡីស័ក ចំនួន ០៣ កន្លែង ស្ថិតនៅសង្កាត់គីឡូម៉ែត្រលេខ៦ ចំនួន ០២ ទីតាំង (ក្នុងនោះ មានផ្ទះរបស់ អ្នកនាង ប៉ុន សុគន្ធា ហៅ សុគន្ធ នីសា និងទីតាំងមួយទៀតក្នុងភូមិស្ពានខ្ពស់) និងសង្កាត់ឫស្សីកែវ ចំនួន ០១ ទីតាំង (ណាណា ម៉ាស្សា និងស្ប៉ា) ខណ្ឌឫស្សីកែវ រាជធានីភ្នំពេញ។

ក្រោយពីទីតាំងចត្តាឡីស័កទាំងអស់នេះ បានបញ្ចប់ការអនុវត្តដោយត្រឹមត្រូវតាមវិធានសុខាភិបាល៕