ព័ត៌មានជាតិ

ភាគីកម្ពុជា សម្រេចបិទច្រកដូងជាបណ្ដោះអាសន្ន

បានផុស

១ year មុន

នៅ

ថ្ងៃសុក្រ ១៣ មិថុនា ២០២៥

ដោយ

នៅព្រឹកថ្ងៃទី ១៣ ខែមិថុនា ឆ្នាំ ២០២៥ នេះ ដោយយោងទៅលើសភាពការណ៍តំបន់ ភាគីកម្ពុជា សម្រេចទាញទ្វារបិទច្រកអន្តរជាតិដូង ដែលស្ថិតនៅក្នុងស្រុកកំរៀង ខេត្តបាត់ដំបង ជាបណ្ដោះអាសន្ន ដោយទុកច្រកថ្មើរជើងឱ្យប្រជាពលរដ្ឋទាំងសងខាងដើរឆ្លងទៅមកបាន ដោយឡែកច្រកធំ គឺ ភាគីកម្ពុជា សម្រេចបិទតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមប្រភពព័ត៌មានដែលទទួលបាន គឺ យោងទៅលើសភាពការណ៍ព្រំដែន ពីមួយម៉ោងទៅមួយម៉ោង ត្រូវត្រៀមជាប់ជាប្រចាំ ដូច្នេះសម្រាប់ច្រកអន្តរជាតិដូង គឺទាំងកម្លាំងសមត្ថកិច្ចនគរបាល ក៏ដូចជាយោធា បានចុះត្រួតពិនិត្យ ហើយបិទតែម្ដង ដោយឡែករថយន្តដឹកទំនិញទាំងសងខាង គឺមិនអនុញ្ញាតឱ្យឆ្លងទៅមកបានឡើយ។

មកទល់នឹងពេលនេះ សម្រាប់ច្រកអន្តរជាតិភ្នំដី ស្ថិតក្នុងស្រុកសំពៅលូន ច្រកតំបន់ទាំង ៣ ដែលស្ថិតក្នុងស្រុកភ្នំព្រឹក ស្រុកកំរៀង និងស្រុកសំឡូត គឺនៅបើកដំណើរការជាធម្មតា ដោយគោរពតាមម៉ោងកំណត់របស់ភាគីនីមួយៗ ប៉ុន្តែតទៅមុខមិនទាន់កំណត់ថា តើត្រូវបិទច្រកណាទៀតនោះឡើយ ដោយកំពុងរង់ចាំបទបញ្ជា៕

អត្ថបទ ៖ សោ និយមរ័ត្ន