ព័ត៌មានជាតិ

កម្ពុជានឹងចាប់ផ្ដើមចាក់វ៉ាក់សាំងការពារកូវីដ១៩ ដល់ពលរដ្ឋជាង ៧៤ម៉ឺននាក់ ចាប់ពីថ្ងៃស្អែកទៅ

បានផុស

៥ years មុន

នៅ

ថ្ងៃពុធ ៣១ មីនា ២០២១

ដោយ

ក្រសួងសុខាភិបាលបានដាក់ចេញយុទ្ធនាការចាក់វ៉ាក់សាំង ស៊ីណូវ៉ាក់ ចំនួន ៧៤៥.០០០នាក់ សម្រាប់វ៉ាក់សាំង ១,៥លានដូស ចាប់ពីថ្ងៃទី០១ ខែមេសា ឆ្នាំ២០២១។ នេះបើយោងតាមសេចក្តីជូនព័ត៌មានរបស់ គណៈកម្មកាចំពោះកិច្ចចាក់វ៉ាក់សាំងកូវីដ១៩ ក្នុងក្របខណ្ឌទូទាំងប្រទេស ដែលបានចេញផ្សាយមុននេះ។

ការចាក់វ៉ាក់សាំងទ្រង់ទ្រាយធំនេះ ដោយសារស្ថានភាពជាកស្តែងនៃការរីករាលដាលនៃកូវីដ១៩ នៅព្រះរាជាណាចក្រកម្ពុជា ស្ថិតនៅក្នុងស្ថានភាពមួយដែលមិនទាន់មានការថមថយ និងត្រូវមានការប្រុងប្រយ័ត្នខ្ពស់រាជរដ្ឋាភិបាលកម្ពុជា បានដាក់ចេញនូវវិធានការនានា ដើម្បីទប់ស្កាត់ការចម្លងបន្តគ្នា ជាពិសេសក្រោមការគិតគូរ និងយកចិត្តទុកដាក់ដ៏ខ្ពង់ខ្ពស់ពីសំណាក់ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាបានធ្វើការបញ្ជាទិញវ៉ាក់សាំងស៊ីណូហ្វាមចំនួន ១លាន៥សែនដូស ពីប្រទេសចិន ដែលកម្ពុជាទើបទទួលបានកាលពីថ្ងៃទី២៦ ខែមីនា ឆ្នាំ២០២១។

វ៉ាក់សាំងស៊ីណូហ្វាមចំនួន៧០ម៉ឺនដូសទៀតដែលជាជំនួយរបស់សាធារណរដ្ឋប្រជាមានិតចិន នឹងដឹកមកដល់កម្ពុជានៅម៉ោង ៧ យប់ថ្ងៃទី ៣១ ខែមីនា ឆ្នាំ២០២១នេះ ខណៈសម្តេចពិជ័យសេនា ទៀ បាញ់ ឧបនាយករដ្ឋមន្ត្រីរដ្ឋមន្ត្រីក្រសួងការពារជាតិ នឹងអញ្ជើញទៅទទួលដោយផ្ទាល់។ រដ្ឋាភិបាលសាធារណរដ្ឋប្រជាមានិតចិន បានបន្ថែមជំនួយជាវ៉ាក់សាំងការពារជំងឺកូវីដ១៩ ចំនួន ៣០ ម៉ឺនដូសបន្ថែមទៀតពីលើចំនួន ១ លានដូសដែលចិនសម្រេចផ្តល់លើកដដំបូង។