ព័ត៌មានជាតិ

អគ្គនាយក CMAC ចុះពិនិត្យវឌ្ឍនភាពជំនាញសុនខហិតរកអ្នកផ្ទុកកូវីដ-១៩

បានផុស

៥ years មុន

នៅ

ថ្ងៃព្រហស្បតិ៍ ១ មេសា ២០២១

ដោយ

លោក ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយកស៊ីម៉ាក់ (CMAC) នៅថ្ងៃទី០១ ខែមេសា ឆ្នាំ២០២១ នេះ បានចុះពិនិត្យវឌ្ឍនភាពការរៀបចំទីតាំងសុនខ និងអ្នកជំនាញសុនខហិតរកអ្នកផ្ទុកកូវីដ-១៩ នៅវិទ្យាស្ថានបច្ចេកទេសសកម្មភាពកំចាត់មីន ស៊ីម៉ាក់កំពង់ឆ្នាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងឱកាសនោះ លោក ហេង រតនា បានបញ្ជាក់ថា ភារកិច្ចនេះត្រូវអភិវឌ្ឍន៍តាមស្តង់ដារសុវត្ថិភាពសុខភាពសាធារណៈ និងដើម្បីចូលរួមក្នុងការបង្កើនប្រសិទ្ធភាពប្រយុទ្ធប្រឆាំងជំងឺកូវីដ-១៩។

លោកថាការអភិវឌ្ឍបច្ចេកទេសសុនខហិតរកអ្នកផ្ទុកវីរុសកូវីដ១៩នេះ កំពុងដំណើរការជាមួយក្តីសង្ឃឹម និងភាពជឿជាក់។

លោក ហេង រតនា ធ្លាប់បានបញ្ជាក់ថា ផ្អែកតាមបទពិសោធន៍ជាង២២ឆ្នាំ មានទំនុកចិត្តអាចហ្វឹកហ្វឺនសុនខនៅកម្ពុជា ក្នុងការហិតរកអ្នកផ្ទុកវីរុសកូរ៉ូណាបាន ហើយអង្គភាពស៊ីម៉ាក់ ត្រៀមសុនខ ត្រៀមឯកសារហ្វឹកហ្វឺន រៀបចំទីតាំងហ្វឹកហ្វឺន និងអ្នកឯកទេសសម្រាប់បម្រើការងារសិក្សាស្រាវជ្រាវនេះរួចហើយ ដោយត្រៀមធ្វើការសហការជាមួយអ្នកវិទ្យាសាស្ត្រវេជ្ជសាស្ត្រ នៃក្រសួងសុខាភិបាល។

ទាក់ទងបញ្ហានេះ កាលពីថ្ងៃទី២៩ ខែមីនា ឆ្នាំ២០២១នេះ នៅសកលវិទ្យាល័យវិទ្យាសាស្ត្រសុខាភិបាល ក្រុមការងាររបស់ក្រសួងសុខាភិបាល (សកលវិទ្យាល័យវិទ្យាសាស្ត្រសុខាភិបាល) និងអង្គភាពស៊ីម៉ាក់ បានជួបពិភាក្សាគ្នាជាលើកទី១ ដើម្បីដំណើរការការងារស្រាវជ្រាវ និងអភិវឌ្ឍន៍បច្ចេកទេសសុនខហិតរកអ្នកផ្ទុកវីរុសកូវីដ-១៩។